Jueces 4:6 - Qullan Arunaka DC

⁶ Mä urusti, Débora warmix Barac sat chachar jawsiriw khithäna, jupasti Abinóam chachan yuqapänwa, Neftalí ayllunkir Quedes markan jakarakïna, juparusti sänwa: —Israelan Tatitu Diosapax, akham sistamwa: “Tabor sat qullur saram, ukansti Neftalí, Zabulón ayllunkirinakat tunka waranqa chachanak tantacht'am.

Aymar Bibliia 1986

⁶ Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: “Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.

Qullan Arunaca

⁶ Mä urusti Débora sat warmejj qhitänwa jawsiri Barac sat chacharu jupasti Abinoam satan yokapawa. Aca Barac sat chachasti Cedes sat marcanjja Neftalí sat tribu taypinwa jacäna. Ucampis jawsayanisajj sänwa: —Israel marcan Diosapasti jumarojj aqham sasaw sistamjja: ‘Saram Tabor sat kolluru ucansti tunca waranka chachanaca tantacht'am Neftalí, Zabulón sat tribunkirinacata.

Jueces 4:6 Jak'a apnaqawi uñst'ayäwi

Salmos 7:6

6 (7) ¡Tatay, q'apisiñampiy sartasim! ¡Uñisirinakaxan q'apisiñaparux jumay saykatam! Jumax chiqapar uñjañatakiw arstaxa, ¡jichhax nayaruy arxatt'ita!

Salmos 89:12

12 (13) Jumaw amsta tuqsa, aynach tuqsa lurtaxa; Tabor qullumpi, Hermón qullumpix kusisitaw sutim jach'añchapxi.

Salmos 89:13

13 (14) Amparamax taqi ch'amaniwa; kupi amparamasti wali ch'amaniwa.

Jeremías 46:18

Nayaw reyïtxa, taqi ch'aman Tatitu satarakïtwa, sutix laykuw juramentompi arsta: Qullunak taypinkir Tabor qullur uñtata, jach'a quta thiyankir Carmelo qullur uñtata, ukhamaw uñisirimax jutantani.

Oseas 5:1

“Sacerdotenaka, aka arunak ist'apxam; Israel marka apnaqirinaka, ist'asipxam, reyin utapan utjirinaka, ist'apxarakim: Nayan markaxar sallqjapxatamatsti, taripasin mutuyapxäma. Israel markaxarux juk'amp kutkatasir tukuyapxtaxa. Mispá, Tabor uka qullan utanakan munkir jan munkir yaqha diosanakar yupaychayapxtaxa.

Hechos 13:47

Tatituw nanakarux ukham sapxitu: “Markanakan qhanäñapatakiw jumarux uchsma, uraqi tukuskam qhispiyasiñ arunakaxat yatiyañamataki” sasa.

Hebreos 11:32

¿Kunat juk'ampirak arsüsti? Gedeón, Barac, Sansón, Jefté, David, Samuel taqi jupanakat arsuñ janiw tukuykiristti, ukhamarak profetanakatsa.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 19:22

Uka uraqin qurpapasti Tabor, Sahasimá, Bet-semes chiqanakkamaw purïna, Jordán jawiraruw tukuyäna; taqpachax tunka suxtan markanakänwa, jisk'a markanakapamppacha.

Josué 19:32

Suxtïri uraqix Neftalí ayllunkir wila masi tamanakaparuw wakt'äna.

Josué 19:35

Suma uyuchrantat markanakatxa, akanakaw wakt'äna: Sidim, Ser, Hamat, Racat, Quinéret,

Josué 19:37

Quedes, Edrei, En-hasor,

Josué 21:32

Neftalí ayllunkir uraqinakapatsti kimsa markanaka katuqapxäna: Hamot-dor, Cartán markanaka, ukhamarak Galileankir Quedes markampi, uywa awatiñ uraqinakapamppacha;

Jueces 4:10

Ukansti Barac chachax Zabulón, Neftalí ayllunkirinakaruw jawsäna, ukatsti tunka waranqa chachanakani ejército nayräxap sarantäna. Débora warmisti jupamp chikaw saräna.

Jueces 5:1

Khä urusti Deborampi, Abinóam chachan Barac sat yuqapampix aka q'uchu q'uchupxäna:

Jueces 6:35

Manasés ayllunkirinakar jawsayiriw yatiyirinak khithäna. Ukatsti Aser, Zabulón, Neftalí ayllunkirinakar jawsayiriw yatiyirinak khitharakïna, jupanakasti jupamp mayacht'asiñatakiw jutapxäna.

Jueces 8:18

Ukxarusti Zébah, Salmuná reyinakaruw jiskt'äna: —¿Kunjämarakïna Tabor markan jiwarayapkta uka jaqinakasti? —sasa. Jupanakax sapxänwa: —Jumas kipkakïnwa, jupanakat sapa maynix reyir uñtatäpxänwa —sasa.

1 Samuel 10:3

Juk'amp sarkasinsti, Tabor quqa chiqar purkät ukkhasti, kimsa chachanakaw jumar jikxatir mistunipxani, jupanakasti Betel markaruw Diosar yupaychiri makhatasipkani. Maynix kimsa cabrito irpt'ata, maynisti kimsa t'ant'a apt'ata, maynïristi mä lip'ichi wayaqaru vino apt'ataraki.

1 Samuel 12:11

“Ukat Tatitux Jerubaal, Barac, Jefté, Samuel ukanakar khithanïna, uñisirinakaman munañapat jumanakar qhispiyañataki, ukhamat jumanakax jan khitin kamsat jakasipkäyätaxa.