Jueces 4:7 - Qullan Arunaka DC

⁷ Nayaw Jabín reyin ejercitopan Sísara sat jilïriparux Quisón sat jawir thiyaru jutayä, carronakapampi, soldadonakapampi jumar katuntañataki. Ukampis nayaw jupanakarux amparamar katuyäma” —sasa.

Aymar Bibliia 1986

⁷ Nayasti jutayäwa Sísara sat Jabín reyin ejercitopan jilïriparu Cisón sat jawir thiyaru, ucanwa jumarojj carronacapampi, soldadonacapampi nuwantätam nuwasiñataqui. Ucampis nayawa juparojj juman amparamaru catuyäma” —sasa.

Qullan Arunaca

⁷ Nayasti jutayäwa Sísara sat Jabín reyin ejercitopan jilïriparu Cisón sat jawir thiyaru, ucanwa jumarojj carronacapampi, soldadonacapampi nuwantätam nuwasiñataqui. Ucampis nayawa juparojj juman amparamaru catuyäma’ —sasa.

Jueces 4:7 Jak'a apnaqawi uñst'ayäwi

1 Reyes 18:40

Ukat Eliasax jupanakar säna: —¡Baal diosan profetanakapar katuntapxam! ¡Jan khitis jaltpanti! —sasa. Jaqinakasti katuntänwa, ukatsti Eliasax Quisón jawiraruw jupanakar irpäna, ukan jupanakar kunkat khariräna.

Éxodo 14:17

Nayaw egipcionakarux chuymap qalarayä jumanakar arktaniñapataki; ukat faraonar nayan ch'aman kankañax uñacht'ayä, ukhamarak carronakaparu, caballonakaparusa.

Éxodo 14:4

Ukampis nayaw faraonarux chuymap qalarayä, ukat jumanakar arktanipxätam; nayasti jupampiru, taqpach ejercitopampiruw ch'amax uñacht'ayä. Ukhamat egipcionakax yatipxani nayan Tatitütaxa” sasa. Israelitanakasti kunjämtix Tatitux siskatayna ukham lurapxäna.

Éxodo 14:8

Tatitusti faraonarux chuymap qalarayäna, ukhamat israelitanakar arktañapataki, israelitanakax wali ch'amaniw mistuwayatayna.

Éxodo 21:13

Ukampis khititix jan amtañampi maynir jiwaykani, jan ukasti, Diosat jiwañapax wakischi ukaxa, nayaw yatiyäma kawkha chiqarutix jiwayir jaqix jaltxañapäki ukxa.

Josué 10:8

Tatitusti Josué chacharux sänwa: “Jan jupanakar axsaramti, nayaw amparamar katuyaskäma, janirakiw jupanakat khitis saykatkätamti” sasa.

Josué 11:20

Tatituw uka uñisirinakarux chuymanakap qalarayäna israelitanakar saykatañapataki, ukhamat israelitanakan jan khuyapt'ayasis q'al tukjañapataki, kunjämtix Tatitux Moisesar siskatayna ukhamarjama.

Josué 11:6

Ukampis Tatitux Josué chacharux sänwa: “Jan jupanakarux axsaramti, nayaw qharüru aka pacharux jupanak jumanak nayraqatan jiwarat uñjasiyä. Jumasti caballonakapan kayunakap p'akiräta, nuwasiñ carronakapsa ninampirakiw phichkatäta” sasa.

Josué 8:7

Ukapachaw jumanakax imantasipkta ukawjat mistunisin marka katuntapxäta, Tatit Diosamaw amparanakamar uka marka katuyapxätam.

Jueces 4:14

Ukapachaw Débora warmix Barac chachar säna: —¡Nayraqatar sarantaskakim, jichhüruw Tatitux Sísara chacharu amparamar katuyätam! ¡Tatitux niyaw soldadonakam nayräxap sarantaski! —sasa. Barac chachasti Tabor qullut tunka waranqa soldadonakampiw saraqtanïna,

Jueces 4:8

Barac chachasti sarakïnwa: —Jumatix nayamp chika sarätaxa, nayax saräwa, janitix jumax sarkätaxa, janiw sarkäti —sasa.

Jueces 5:21

jisk'a jawira, nayra jisk'a jawira, Quisón chiqankir jisk'a jawiraw jupanak apasxäna. ¡Jumaw ch'amaninakan arsutaparux amukt'ayäta!

1 Samuel 24:10

10 (11) Jach'a munañan rey jumapachaw yattaxa; Tatitux khaya putun jumaru amparaxar katuykchitän ukasa, janiw nayax juma munañan reyirux jiwayañ munkäyätti, ukat sarakïyäta: “Jupax munañan reyiwa, Tatituw juparux chhijllasi” sasa.

1 Samuel 24:18

18 (19) Jichhürux nayan askïñax munatam uñacht'ayista. Tatitux juman amparamar nayar katuykasinsa, janiw jiwaykistati.