Jueces 4:5 - Qullan Arunaka DC

⁵ Débora warmix palmera quqa kayunpin qunt'asirïna, uka quqax “Deboran palmerapa” sat sutimpi uñt'atänwa, uka quqasti Efraín ayllunkir qullunakan utjäna, Ramá, Betel chiqanak taypina. Israelitanakax ch'axwanakap askichayasiñatakix jupan ukaruw sarapxirïna.

Aymar Bibliia 1986

⁵ Deborasti palmera sat koka cayunacpini konusiña yatïna (aca kokasti “Deboran palmerapawa” sat sutimpi uñt'ataraquïnwa,) aca kokasti Efraín sat kollunwa utjäna Ramá, Betel sat marcanac taypina. Ucampis israelitanacajja jupan ucaruw jutapjjäna jupanac pura ch'ajjwañanacapan uñjayasiñataqui.

Qullan Arunaca

⁵ Deborasti palmera sat koka cayunacpini konusiña yatïna (aca kokasti “Deboran palmerapawa” sat sutimpi uñt'ataraquïnwa,) aca kokasti Efraín sat kollunwa utjäna Ramá, Betel sat marcanac taypina. Ucampis israelitanacajja jupan ucaruw jutapjjäna jupanac pura ch'ajjwañanacapan uñjayasiñataqui.

Jueces 4:5 Jak'a apnaqawi uñst'ayäwi

Génesis 35:8

Uka chiqanarak Rebecar uñjir Débora sat warmix jiwxäna, juparusti encina sat mä quqa k'uchuruw Betel jak'an imxapxäna. Jacobusti uka chiqarux “Jachañ quqa” sutimpiw uchäna.

Éxodo 18:13

Qhipärmanthisti, Moisesax israelitanakan jan walt'ayasiñanakap askichiriw qunt'asïna, jupanakasti Moisesan nayraqatapan willjtat jayp'ukamaw ukankapxäna.

Éxodo 18:16

Jupanakkam jan walt'ayasipki ukkhax nayan ukaruw jiskt'asir jutapxi, jupanakar khitis juchani uk nayan uñjañaxataki; nayasti Diosan kamachinakapampi, yatichäwinakapampi jupanakar yatiyarakta —sasa.

Éxodo 18:19

Iwxt'käma uk sum ist'ita, Diosay jumar yanappan. Jumaw Diosarux marka lanti makhatañama, kuna jan walt'añanakatix utjki ukanak jupar katuyañamaraki.

Éxodo 18:26

Jupanakaw markachirinakan jan walt'äwinakap taqi pachan uñjapxäna, ukampis sinti jan walinaksti Moisesaruw yatiyapxäna.

Jeremías 31:15

Tatitux siwa: “Ramá chiqan mä aruw ist'asi, maynin chuyma jan utt'ayasis jachatapa. Raquel warmiw wawanakapat jachaski, wawanakapan jiwaratapatxa, janiw chuymachatäñ munkiti.”

Josué 16:2

Betel markatsti Atarot chiqa sarakipäna, arquitanakan uraqip tuqi;

Josué 18:22

Bet-arabá, Semaraim, Betel,

Josué 18:25

Ukhamarusa yaqha markanakaw utjarakïna: Gabaón, Ramá, Beerot,

Jueces 4:4

Khä urunakasti Débora sat profetisa warmiw Israel markan jilïripäna, jupasti Lapidot chachan warmipänwa.

1 Samuel 1:1

Efraín qullunak taypin Ramá sat chiqan mä chachaw jakäna, sutipasti Elcaná satänwa. Achachilanakapax Jeroham, Elihú, Tohu, Suf satäpxänwa. Jupanakasti Efraín wila masit jutirïpxänwa.

1 Samuel 1:19

Qhipürusti, Elcaná chachampi, wila masinakapampix willjtat sartasipxäna, Tatitur yupaychasinsti, Ramá sat chiqankki uka utaparuw kuttanxapxäna. Uka qhipatsti Elcaná chachax Ana warmipampiw mayachasïna, Tatitusti Ana warmin mayisitaparux ist'änwa.

1 Samuel 22:6

Ukchañkamasti Saúl reyix Guibeá uka chiqankaskänwa, mä tamarisco quqa k'uchun qunt'ata, lanzapas ayt'ata, taqpach jilïrinakapampi muyuntataraki. Davidampiru, jaqinakapampiru jikxatapxatap yatisinsti,

1 Samuel 25:1

Samuel profetasti jiwxänwa, Israelita jaqinakax taqin tantacht'asisaw jiwxatapat jachapxäna. Ukatsti Ramá chiqankir utaparuw imt'xapxäna. Uka qhipatsti Davidax Parán sata wasararuw sarxäna.

1 Samuel 7:17

Ukatsti Ramá chiqankki uka utaparuw kutt'anxirïna, ukawjatpach Israel markarux apnaqäna. Ukansti Tatitutakix mä altar lurarakïna.