Juan 9:7 - Qullan Arunaka DC

⁷ Ukat juykhurux sarakïna: —Siloé uma püñar jariqasir saram —sasa. (Ukax “Khithata” sañ muni.) Juykhusti sarasin jariqasïnwa; kutt'anxän ukkhasti uñjxänwa.

Aymar Bibliia 1986

⁷ Ucatsti saraquïnwa: —Saram, Siloé estanquer jarekasiri —sasa. (Ucajj qhitanita, sañ muni.) Juyqhusti sarasinjja jarekasïnwa; cutt'anjjän ucqhasti uñj-jjänwa.

Qullan Arunaca

⁷ Ucatsti saraquïnwa: —Saram, Siloé estanquer jarekasiri —sasa. (Ucajj qhitanita, sañ muni.) Juyqhusti sarasinjja jarekasïnwa; cutt'anjjän ucqhasti uñj-jjänwa.

Juan 9:7 Jak'a apnaqawi uñst'ayäwi

Nehemías 3:15

Uma Jalsu punku satäkis ukxa, Mispá suyun Colhozé apnaqiripan Salum yuqapaw askichäna, utachxatarakïna, ukatsti jach'a punkunakaparux cerrojonakampi, barranakapampiw uchantarakïna. Ukatsti Siloé uma estanquen pirqap askicharakïna, ukasti reyin panqar uyup jak'ankänwa, Davidan markapat saraqankis uka makhatañanakkama.

Salmos 146:8

Tatituw juykhunakarux uñjayi; Tatituw tinkur jaqinakarux wayti; Tatituw aski jaqinakarux munasi;

Éxodo 4:11

Tatitusti saskakïnwa: —¿Khitis jaqir laka churi? ¿Khitis luri jan arsur amuturusa, uqararusa, juykhurusa, nayranirusa? ¿Janit naya Diosäktxa?

Isaías 32:3

Nayranakapampisti walpun uñatatasipxani, taqi kunsa suma amuyumpiw ist'apxani;

Isaías 35:5

Ukapachaw juykhunakax uñjapxani, uqaranakas ist'apxarakini;

Isaías 42:7

Juykhunakarusti uñjayañam munta, katuntatanakarus carcelat irpsuñamataki, kawki ch'amaka manqhanakantix jakapki ukata.

Isaías 43:8

“Markaxarux jutayxapxam, nayranïkchisa, juykhuw tuku, jinchunïkchisa, janiw ist'kiti.

Isaías 8:6

“Niyakixay aka jaqinakax Resín reyiru, Pécah reyir axsarasax Siloé chiqan suma jalir umarux jisk'achapxchixa.

Mateo 11:5

Juykhunakax uñjxiwa, kayu usutanakas sarnaqxiwa, lepra usuninakax q'umachatäxiwa, uqaranakas ist'xiwa, jiwatanakax jaktxiwa, jan kunaninakarus qhispiyasiñan utjatapax yatiyatäxarakiwa.

Lucas 13:4

Jan ukax, ¿khaya tunka kimsaqallqunix Siloé torremp tinkxatat jiwarapkän ukanakax Jerusalenankirinakat sipan juk'amp juchanïpxatapcha amuyapxta?

Lucas 2:32

Jupäniw taqi markanakar qhantir qhanaxa, Israel markamar jach'ar aptirisa” sasa.

Juan 10:36

Dios pachpatix nayar ajllisin akapachar khithanchitu ukaxa, ¿kunatarak jumanakasti “nayax Diosan Yuqapätwa” sataxampi Diosarus ñanqhachkirista ukham amuyapxtasti?

Juan 11:37

Jupanakat yaqhipanakasti sapxarakïnwa: —Jupax juykhurus uñjaychixaya, ¿janit Lazaron jan jiwañapatak kuns lurkasapänsti? —sasa.

Juan 9:11

Jupasti sänwa: —Jesús sata jaqiw ñiq'i lurt'i, uka ñiq'impiw nayranakaxat jawintitu, ukatsti sarakituwa: “Siloé uma püñar jariqasir saram” sasa. Nayasti sartwa, jariqasxasinsti, ukspachaw uñjxta —sasa.

Juan 9:39

Ukatsti Jesusax sänwa: —Nayax akapachar taripañatakiw jutta, juykhunakan uñjapxañapataki, uñjapki ukanakasti juykhu tukupxañapataki —sasa.

Hechos 26:18

Jupanakan nayranakap jist'arañamataki, jan juk'amp ch'amak thakhin sarnaqapxañapataki. Jan juk'amp supayan apnaqatäsipkañapataki, jan ukasti Diosar arkapxañapataki; nayar iyawsasin juchanakapat pampachäwi katuqapxañapataki, Diosan ajllit markap taypin churäwi katuqapxañapataki’ sasa.

Romanos 8:3

Diosax kuntix Moisesan kamachipax jan lurkän uk phuqhawayi, jaqin janchi kankañanïtap laykuw ukax jan luraskänti: Diosasti jupan mä sapa Wawap khithani, juchan jaqjam janchi kankañani, jucha layku jiwiri, ukhamat janchi kankañanïkasin juchar t'unjañataki.

Gálatas 4:4

Ukampis arsut urux phuqhasiwayki ukapachaw, Diosax Yuqap khithani, mä warmit yurisa, judío jaqjamaw kamachi arunakar phuqhas jakarakïna.