Juan 9:7 - Qullan Arunaca

⁷ Ucatsti saraquïnwa: —Saram, Siloé estanquer jarekasiri —sasa. (Ucajj qhitanita, sañ muni.) Juyqhusti sarasinjja jarekasïnwa; cutt'anjjän ucqhasti uñj-jjänwa.

Aymar Bibliia 1986

⁷ Ucatsti saraquïnwa: —Saram, Siloé estanquer jarekasiri —sasa. (Ucajj qhitanita, sañ muni.) Juyqhusti sarasinjja jarekasïnwa; cutt'anjjän ucqhasti uñj-jjänwa.

Qullan Arunaka DC

⁷ Ukat juykhurux sarakïna: —Siloé uma püñar jariqasir saram —sasa. (Ukax “Khithata” sañ muni.) Juykhusti sarasin jariqasïnwa; kutt'anxän ukkhasti uñjxänwa.

Juan 9:7 Jak'a apnaqawi uñst'ayäwi

Nehemías 3:15

Uma Jalsu puncu satäquisa ucjja asquicharaquïnwa, Salum sat chacha, jupasti Colhoze sat chachan yokapa, uqhamaraqui Mizpa sat distriton apnakeripa; jupajja asquichäna, utachjjataraquïnwa, uqhamaraqui puncunacaparojja uchäna cerrojonacampi, barranacapamppacha. Uqhamaraqui asquicharaquïnwa Siloé sat uma estanquen perkapa, ucasti reyin jardinapa jac'ancaraquïnwa, uqhamasti asquichänwa Davidan marcapata sarakanqui uca sarakañ maqhatañanaccama.

Salmos 146:8

Tatituw juyqhunacan nayranacap jist'ari, Tatituw tincur jakenacarojj wayti; Tatituw asqui jakenacarojj munasi;

Éxodo 4:11

Tatitusti sascaquïnwa: —¿Qhitisa jakeru laca churi? ¿Qhitisa luri jan arsur amuturusa, okararusa, uñjqui ucarusa, juyqhurusa? ¿Janiti naya Diosäctjja?

Isaías 32:3

Nayranacapampisti walpun uñatatasipjjani, take cunsa suma amuyumpiw ist'apjjani;

Isaías 35:5

Ucapachaw juyqhunacajj uñjapjjani, okaranacas ist'apjjaraquini;

Isaías 42:7

Juyqhunacarusti uñjayañamwa muntjja, carcelanquirinacarusti carcelat irpsuñamaraqui, cawqui ch'amaca calabozonacantejj jacapqui ucata.

Isaías 43:8

“Marcajjarojj jutayjjapjjam, nayranïcchisa juyqhuw tucu, jinchunïsquiwa, ucampis janiw ist'quiti.

Isaías 8:6

“Niyaquejjay aca jakenacajj Rezín reyiru uqhamaraqui Remaliasan yokaparu ajjsarasajj Siloé chekan suma jalir umarojj jisc'achapjjchejja,

Mateo 11:5

Juyqhunacajj uñj-jjapjjewa, cojonacas sarnakapjjaraqui, lepra usuninacas kollataraqui, okaranacas ist'apjjaraqui, jiwatanacasti jactayataraquiwa, uqhamarac pobrenacarus khespiyasiñan utjatapajj yatiyataraquiwa.

Lucas 13:4

¿Jan ucajj jumanacajj amuyapjjtacha, qhaya tunca quimsakallkonejj Siloé torremp tincjjatata jiwarapcän ucanacajj Jerusalenan mayni jaquirinacat sipans juc'amp juchanïpjjatapa?

Lucas 2:32

Juparaquiw take marcanacar khantir khanajja, jupäniw Israel marcamaru jach'ar aptirejja” sasa.

Juan 10:36

Dios pachpaw nayarojj yakhachasitu, qhitaniraquitu acapacharojja. ¿Cunats jumanacajj: ‘Diosjjat parli’ sapjjta, ‘Diosan Yokapätwa’ satajjatacti?

Juan 11:37

Jupanacat maynïrinacasti sapjjaraquïnwa: —Aca jakejj juyqhurojj kollaraquisä. ¿Janit cuns lurcaraquisapänjja Lazaron jan jiwañapataquejja? —sasa.

Juan 9:11

Jupasti sänwa: —Uca Jesús sat jakewa ñek'e luri, uca ñek'empisti nayraruw jawt'itu, ucatsti saraquituwa: ‘Saram Siloé estanqueru jarekasiri’ sasa. Nayasti sartwa, jarekasjjasinsti, uñj-jjtwa —sasa.

Juan 9:39

Ucatsti Jesusajj sänwa: —Nayajj acapacharu juchañchañataquiw jutta, juyqhunacajj uñjapjjañapataqui, qhitinacatejj uñjapqui ucanacan juyqhu tucupjjañapataquiraqui —sasa.

Hechos 26:18

Jupanacan nayranacap jist'arañamataqui, jan juc'amp ch'amac thaquin sarnakapjjañapataqui. Janiraquiw juc'ampi supayan apnakatäcjjaniti, jan ucasti Diosaruw arcjjapjjani uqhamaraqui nayarus iyawsapjjetani. Uqhamatwa jupanacajj juchanacapat perdón catokapjjani, uqhamarac mä herencia catokapjjani Diosan ajllit jakenac taypina’ sasa.

Romanos 8:3

Diosajj phokhawayjjewa cuntejj Moisesan leyipajj jan lurcäna jan ch'amanïtapata, jiwasanacan wali juchararätas laycu. Diosasti jupan mä sapa Wawaparuw qhitani jiwasjam janchi cuerponi, uca quipca jucharus purirjamaraqui. Jupasti jucha laycu jiwañataquiw juti, ucatsti jupajj jucharojj juchañchawayiwa, janchincasinracwa atipjawayi.

Gálatas 4:4

Ucampis cunapachatejj tiempojj phokhasiwayjjejja, Diosajj Yokapwa qhitani mä warmi toke yurisa, mä judío jakjamaw leyir phokhasa jacaraquïna.