Juan 8:21 - Qullan Arunaka DC

²¹ Jesusax wasitampiw jupanakar säna: —Nayax sarxäwa, jumanakasti thaqhapxitätawa, ukampis jumanakax juchanakaman jiwarapxäta. Kawkirutix nayax sarkä ukarux jumanakax janiw jutapkasmati —sasa.

Aymar Bibliia 1986

²¹ Jesusajj wasitampiw jupanacaru saraquïna: —Nayajj sarjjäwa, jumanacasti thakapjjaraquitätawa, ucampis jumanacajj juchanacamanwa jiwarapjjätajja. Cawquïrutejj nayajj sarcäjja ucarojj jumanacajj janiw jutapcasmati —sasa.

Qullan Arunaca

²¹ Jesusajj wasitampiw jupanacaru saraquïna: —Nayajj sarjjäwa, jumanacasti thakapjjaraquitätawa, ucampis jumanacajj juchanacamanwa jiwarapjjätajja. Cawquïrutejj nayajj sarcäjja ucarojj jumanacajj janiw jutapcasmati —sasa.

Juan 8:21 Jak'a apnaqawi uñst'ayäwi

1 Reyes 18:10

Nayax Tatit Diosam laykuw juramento lurta, uywirixax taqi markanakan walpun jumarux thaqhaytam; kunapachatix jan ukankatam yatiyapxäna ukkhasti, uywirixax juramento lurayäna, chiqpachan jumar jan jikxatapktam ukata.

Job 20:11

Ch'aman waynpachakiw amay imäwi manqharu mantani.

Proverbios 11:7

Ñanqha lurir jaqix jiwxi ukkhaxa, amtäwinakapasa, suyt'äwinakapas tukusxiwa.

Proverbios 14:32

Ñanqha lurir jaqirux pachpa ñanqha luratapaw tukjaski, aski jaqirusti chiqa luratapaw arxataski.

Isaías 65:20

Wawanakax ukan janiw jisk'pach jiwarapkaniti, janirakiw chuymani jaqinakas janïra maranakap phuqkasax jiwapkaniti. Patak marani jiwañasti, waynpach jiwañäniwa, janïra patak mara phuqkas jiwañasti mä ñanqhäniwa.

Mateo 23:39

ukatsti sapxsmawa, jichhürut uksarux janiw uñjapkitätati, kunapachatix: ‘¡Tatitun sutipar jutirix qullanäpan!’ sapkäta ukürkama.”

Mateo 25:41

“Ukatsti ch'iqäxapankirinakaruw sarakini: ‘Ñanqhachatanaka, nayat jithiqtapxita, supayampitaki, angelanakapampitak wakichat wiñay aqkir ninar sarapxam.

Mateo 25:46

Uka jaqinakasti wiñay t'aqhisiñaruw sarapxani, aski jaqinakasti wiñay jakañaruw sarapxarakini.”

Juan 12:33

Jesusan ukham satapampix, kunjämtix jiwkani uk sañ munäna.

Juan 12:35

Jesusasti jupanakarux sänwa: —Mä juk'a urunakakiw qhanax jumanak taypinkani. Qhana utjkipan sarnaqapxam, ch'amakamp jan katjayasiñataki; ch'amakan sarnaqiristi janiw kawksar saratapsa yatkiti.

Juan 13:33

Munat wawanakaxay, mä juk'a urunakatxa, janiw jumanakampïkxäti. Jumanakax nayarux thaqhapxitätawa, ukampis kunjämtix judionakar siskta ukhamarak jichhax sapxsma: “Janiw jumanakax sarapkasmati kawkirutix nayax sarkä ukaruxa”.

Juan 7:34

Jumanakax thaqhapxitätawa, ukampis janiw jikxatapkitätati, kawkirutix nayax sarkä ukarusti, janiw jutapkasmati.

Juan 7:36

¿Kun sañsa muni akham arsutapampixa: “Thaqhapxitätawa, ukampis janiw jikxatapkitätati, kawkirutix nayax sarkä ukarusti, janiw jutapkasmati”, sasasti?

Juan 8:24

Ukatpï sapxsmaxa: “Juchanakaman jiwarapxäta” sasaxa; jumanakatix jan iyawsapkitäta nayax khitïktix ukxa, juchanakaman jiwarapxäta —sasa.

Efesios 2:1

Jumanakax nayrax ñanqha lurañanakana, jucha lurañanakan jakasax