Juan 8:12 - Qullan Arunaka DC

¹² Jesusax wasitampiw jaqinakar parläna: —Nayätwa akapach qhanaxa; khititix nayar arkitani ukax jakañ qhananïniwa, janirakiw mayampis ch'amakan sarnaqkxaniti —sasa.

Aymar Bibliia 1986

¹² Jesusajj wasitampiw jakenacaru parläna: —Nayätwa acapach khanajja. Qhititejj nayaru arquitani ucajja, jacañ khananïniwa, janiraquiw mayampis ch'amacan sarnakcjjaniti —sasa.

Qullan Arunaca

¹² Jesusajj wasitampiw jakenacaru parläna: —Nayätwa acapach khanajja. Qhititejj nayaru arquitani ucajja, jacañ khananïniwa, janiraquiw mayampis ch'amacan sarnakcjjaniti —sasa.

Juan 8:12 Jak'a apnaqawi uñst'ayäwi

Job 33:28

ukat sipana, nayarux jiwañat qhispiyitu, qhansa uñjaskaraktwa” sasa.

Salmos 18:28

28 (29) Tatay, jumaw nayarux qhana churista; Diosaxay, jumaw arum ch'amakaxar qhantaytaxa.

Salmos 49:19

19 (20) mä uruw jiwañapax purinini, janiw mayampsa qhana uñjkaniti.

Salmos 97:11

Qhanax aski jaqitakix k'ajtiwa; kusisiñasti chiqap chuyman jaqinakatakiwa.

Isaías 49:6

“Nayax Israel markan ayllunakapar tantacht'iriw khitsma, markapar kuttayanxiriw khitsma. Ukampis uka luräwix juk'akïspawa. Ukatpï jumarux markanakan qhanapar tukuyämaxa, qhispiyasiñaxsa aka uraqi tukusin utjkis uka markanakar apañamataki.”

Isaías 50:10

Jumanakat janiw khitis Tatiturux axsartkiti, luqtiripan arunakapsa janirakiw ist'apkiti. Ch'amakan sarnaqapxi, jan mä jisk'a qhanan sarnaqapxi, Tatiturus janirakiw taqi chuym katuyasipkiti.

Isaías 9:2

2 (1) Ch'amakan jakir markax mä jach'a qhan uñjani; ch'amakan jakir jaqinakatakix mä suma qhanaw qhantani.

Oseas 6:3

¡Tatitur uñt'añatak ch'amacht'asipxañäni! Jupaw jiwasanakan ukar jutani, kunjämtix intix jalsunki ukhama, kunjämtix nayraqat jallunakax uraqir purxatki ukhama.

Malaquías 4:2

2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

Mateo 5:14

“Jumanakax akapach qhanäpxtawa. Mä qullu patankir markax janiw imantaskaspati.

Lucas 2:32

Jupäniw taqi markanakar qhantir qhanaxa, Israel markamar jach'ar aptirisa” sasa.

Juan 12:35

Jesusasti jupanakarux sänwa: —Mä juk'a urunakakiw qhanax jumanak taypinkani. Qhana utjkipan sarnaqapxam, ch'amakamp jan katjayasiñataki; ch'amakan sarnaqiristi janiw kawksar saratapsa yatkiti.

Juan 12:36

Qhanankir jaqïpxañamatakix qhana utjkipan, qhanar iyawsapxam. Ukanak arsusinsti, Jesusax sarawayxänwa, ukatsti jupanakat imantasxarakïnwa.

Juan 12:46

Nayax qhanätwa, ukat akapachar qhantir jutta. Khititix nayar iyawskitani ukax janiw ch'amakan sarnaqkaniti.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 3:19

Khitinakatix jan iyawsapki ukanakax niya juchañchatäxiwa, kunapachatix qhanax akapachar jutkän ukkhax ch'amakaruw qhanat sipan juk'amp munapxäna, luräwinakapan jan walïtap layku.

Juan 7:17

Khititix Diosan munañap lurañ munki ukakiw uñt'ani, yatichäwixan Diosat jutatapa, jan ukax, nayankatapa.

Juan 9:5

Akapachankkasinxa, nayax akapachan qhanapätwa —sasa.

Hechos 13:47

Tatituw nanakarux ukham sapxitu: “Markanakan qhanäñapatakiw jumarux uchsma, uraqi tukuskam qhispiyasiñ arunakaxat yatiyañamataki” sasa.

Hechos 26:23

“Cristo Tatitux jiwañapapunïnwa, jiwasinsti, juparakiw jiwatanak taypit nayraqat jaktañapäna, jaktasinsti, Diosan qhanapat markasankir jaqinakaru, yaqha markankir jaqinakar yatiyañaparaki” sasa.

2 Pedro 2:17

Uka k'ari yatichirinakax jan uman phuch'ur uñtatäpxiwa, thayan apnaqat qinayar uñtatäpxarakiwa; jupanakasti wiñayan wiñayapatak ch'amakankañatak juchañchatäpxiwa.

2 Pedro 2:4

Diosax janiw angelanakarus juch lurapxatapat pampachkänti, jan ukasti, manqha pacharuw jaquntäna, jupanakarusti ch'amakanakaruw cadenanakamp ñach'antat jaytäna, taripäwi uru puriniñapkama.

1 Juan 1:6

Jiwasatix sañäni: “Jupampix mayakïtanwa” sasaxa, ukham arskasas ch'amakan jakaskañän ukkhaxa, k'arisipxtanwa, janiw chiqarjam lurapktanti.

Judas 1:13

P'inqaskañ luräwinakapax quta mathapinakan jupuqupar uñtatawa. Thakhipat saranukur chhaqhat warawaranakjamäpxiwa, wiñayatak ch'amakan jakapxañapatak juchañchatäpxiwa.

Judas 1:6

Ukatsti kawkïr angelanakatix lurañanakap jan sum imapkäna, suma utjäwinakapsa jaytanukupkäna ukanakarusti, Tatitux wiñayatak cadenanakamp ñach'antat katxäsiski, ch'amak manqhanakar jist'antata, jach'a taripäwi uru puriniñapkama.

Apocalipsis 21:24

Uka qhanapan markanakax sarnaqapxani, akapach reyinakasti uka qhanaruw qamir yänakap katuyapxani.