Juan 8:12 - Aymar Bibliia 1986

¹² Jesusajj wasitampiw jakenacaru parläna: —Nayätwa acapach khanajja. Qhititejj nayaru arquitani ucajja, jacañ khananïniwa, janiraquiw mayampis ch'amacan sarnakcjjaniti —sasa.

Qullan Arunaca

¹² Jesusajj wasitampiw jakenacaru parläna: —Nayätwa acapach khanajja. Qhititejj nayaru arquitani ucajja, jacañ khananïniwa, janiraquiw mayampis ch'amacan sarnakcjjaniti —sasa.

Qullan Arunaka DC

¹² Jesusax wasitampiw jaqinakar parläna: —Nayätwa akapach qhanaxa; khititix nayar arkitani ukax jakañ qhananïniwa, janirakiw mayampis ch'amakan sarnaqkxaniti —sasa.

Juan 8:12 Jak'a apnaqawi uñst'ayäwi

Job 33:28

ucampisa nayarojj jiwañatwa khespiyitu, jichhasti khanjja uñjascaractwa” sasa.

Salmos 18:28

Tatay, jumaw nayarojj khan churista, Diosajjay, jumaw arum ch'amacajjar khantaytajja.

Salmos 49:19

mä uruw jiwañapajj purinini, janiw mayamps khan uñjcaniti.

Salmos 97:11

Khanajj asqui jaketaquejj c'ajtiwa, cusisiñasti chekap chuyman jakenacataquejj khantaraquiwa.

Isaías 49:6

“Janiw Jacobon marcanacap sayt'ayañataquic sirvirejjäctati. ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 50:10

Jumanaca qhitinacatejj Tatitur jach'achapjjta ucanacajja, sirviripan arunacapsa ist'apjjaracta, inas ch'amacan sarnakapjjsta, jan mä jisc'a khanani, Tatitur take chuyma iyawsapjjam, Diosamaruraqui jaysapjjam.

Isaías 9:2

Ch'amacan jaquir marcasti mä jach'a khanwa uñji; mä suma khanaw khanti ch'amacan jaquir jakenacataquejja.

Oseas 6:3

¡Ch'amacht'asipjjañäni Tatitur uñt'jjañasataqui! Tatituw jiwasanacan ucar jutani, cunjämtejj intejj jalsunqui uqhama, cunjämtejj jallojj purjjatanqui tucuyarusa, kalltarusa uqhama.

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Mateo 5:14

“Jumanacäpjjaractawa acapach khanajja. Mä kollu patanquir marcajj janiw cunjämatsa imantascaspati.

Lucas 2:32

Juparaquiw take marcanacar khantir khanajja, jupäniw Israel marcamaru jach'ar aptirejja” sasa.

Juan 12:35

Jesusasti ucjjarojj sänwa: —Mä juc'a urunacaquiw khanajj jumanac taypincani. Sarnakapjjamay khana utjquipanjja, jan ch'amacamp catjayasiñataqui; ch'amacan sarnakeristi janiw cawcsaru saratapsa yatquiti.

Juan 12:36

Iyawsapjjam khanaru utjquipanjja, khananquir jakenacäpjjañamataqui —sasa. Ucanac arsusinjja, Jesusajj sarawayjjänwa ucatsti jupanacatjja imantasjjaraquïnwa.

Juan 12:46

Nayajj khanätwa, qhitinacatejj nayaru iyawsquitu ucanacajja jan ch'amacan sarnakapjjañapataquiw acapacharojj jutta.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 3:19

Qhitinacatejj jan iyawsapqui ucanacajj juchañchatäjjewa. Cunapachatejj khanajj acapacharu jutqui ucqhajj jakenacajj ch'amacaruw juc'ampi munapjje khanat sipansa, luräwinacapajj jan walïtap laycu.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Juan 9:5

Acapachanccasinjja nayajj acapachan khanapätwa —sasa.

Hechos 13:47

Tatitusti aqham sasaw nanacarojj sapjjetu: Marcanacan khanapataquiw jumarojj uchsma. Uqhamaraquiw juma toke take acapachanquir jakenacan khespiyasiñapataqui —sasa.

Hechos 26:23

“Cristo Tatitojja t'akhesiñapapunïnwa. Jiwasinsti juparaquiw jiwatanacatjja nayrakat jactañapäna. Jactasinsti Diosan khanapata yatiyañaparaquïnwa marcasanquir jakenacaru, uqhamarac yakha marcanquirinacarusa” sasa.

2 Pedro 2:17

Uca jakenacajj mä jan umani phujur uñtatawa, thayan apnakata kenayanacar uñtatäpjjaraquiwa; jupanacasti wiñayan wiñayapataquiw ch'iyara ch'amacancapjjani.

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.

1 Juan 1:6

Jiwasatejj sañäni: “Jupampejj mayaquïtanwa” sasajja, ucatsti uqham arscasinjja ch'amacan jacascaracstanjja, c'arïtanwa arsüwisansa, uqhamarac luräwisansa.

Judas 1:13

Kota mathapinacjamaw p'enkascañ luräwinacapjja jopokor uñtat waranucupjje; saranucusin chhakat warawaranacjamäpjjewa, wiñayan wiñayapataqui ch'iyar ch'amacanacar apanucutäpjjaraquiwa.

Judas 1:6

Uqhamaraqui cawquïr angelanacatejj jan sum imapcäna lurañanacapjja, jan ucasti utjäwinacapjja jaytanucupjjän ucanacarojj Diosajj preso catjjäsisqui jach'a taripäwi urutaqui, ch'amacanacan jan tucusquir wiñay cadenanacamp ñach'antata.

Apocalipsis 21:24

Khespiyat marcanacasti uca marcan khanapanwa sarnakapjjani, acapach reyinacasti ucaruraquiw jach'a munañanïñanacapa apanipjjani.