Juan 7:37 - Qullan Arunaka DC

^37-38 Phunchhäwi tukuy urux juk'amp jach'a urünwa. Ukürusti, Jesusax sayt'asisin jach'at arsüna: —Khititix umat pharjatäskchi ukax nayar jutpan, nayar iyawsiristi, ukat umt'arakpan. Kamisatix Qillqatan siski: “Nayar iyawsirin chuymapatxa, jakaskir umani jawiranakaw jalsuni” —sasa.

Aymar Bibliia 1986

³⁷ Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Qullan Arunaca

³⁷ Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Juan 7:37 Jak'a apnaqawi uñst'ayäwi

Nehemías 8:18

Paqallq uruw uka phunchhäwi uruyapxäna; Esdrasasti sapüruw Tatitun kamachi arunakap ullaräna, nayrïr urut qalltasina qhipa urukama, kimsaqallqür urunsti Tatitur yupaychañatakiw tantachasipxäna, kunjämtix kamachin qillqatäkäna ukarjama.

Salmos 143:6

Juma tuqiruw amparanakax luqtansma, waña uraqir uñtataw jumatjam pharjayasta.

Salmos 42:2

2 (3) Nayax jakkir Diosat pharjatätwa: ¿Kunapacharak Diosan nayraqatapar uñstir sarästi?

Salmos 63:1

1 (2) ¡Diosaxay, jumaw Diosaxätaxa! Jumarux walpun thaqsma, ajayuxax jumatjam pharjatawa; taqi chuymapuniw jumarux munsma, jan umani, jan jakañan waña uraqir uñtata.

Proverbios 1:20

Yatiñ kankañax anqanakan arnaqasiski; thakhinakan arup ist'asiyaski;

Proverbios 8:1

Yatiñ kankañax jach'at arnaqasiski, ch'ikhi kankañasti arup ist'asiyaraki.

Proverbios 8:17

Nayar munasirinakarux munastwa, nayar thaqhirinakasti, jikxatapxituwa.

Proverbios 8:3

markar mantañ punkunakan arunakap ist'ayaski, akham sasa:

Proverbios 9:3

Ukatsti uywat tawaqunakaruw khiti, marka amsta chiqatpach art'apxañapataki:

Cantar de los cantares 5:1

Kullakitay, nayan munasitaxay, panqar yapuxarux mantxtwa. Mirraxampi, q'apkir qullanakaxamp apthapisxtwa, misk'xa tapatpach manq'antta, vinoxsa, lechexsa umt'araktwa. Munat jila masinaka, manq'apxam, umapxarakim, ¡qawqhtix munapkta uk umantapxam!

Isaías 12:3

Jumanakas kusisipxarakïtawa, jupan qhispiyasiñapat kusisipxäta,

Isaías 40:2

Jerusalén markankirinakarux munasiñampi parlxayapxam, T'aqhisiyat sarnaqañapax tukusxiwa, jucha luratanakapatsa phuqxapxiwa, kuna mutuyäwtix katuqapki ukampix phuqhatakïxiwa.”

Isaías 40:6

Mä aruw arsu: “Art'am” sasa. Nayasti saraktwa: “¿Kunarak art'ästi?” sasa. Ukat ist'ta akham siri: “Taqi jaqix qurar uñtatakiwa, ¡mä panqarar uñtata juk'a urunakatakikiwa!

Isaías 44:3

nayax wasaran uma jalayä, waña uraqinsti jisk'a jawiranak jalayä. Wawanakamarusti mä machaq jakañ churä, jupanakxarux suma waxt'äwinak apayanï.

Isaías 55:1

“Taqi khitinakatix umat pharjatäpkta ukanakax umt'ir jutapxam; jan qullqininakax jutapxam, manq'añatak trigo inak mayisipxam, vinompi, lechempi inak mayisipxam.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Isaías 58:1

Tatitux situwa: “Jan axsarasa, wali jach'at art'am, kunkamax mä trompetäkaspas ukham art'asim; Israel markaxarusti jan wali luratanakapat juchañcham.

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 2:2

“Saram, ukatsti Jerusalén markar yatiyanim; sum ist'apxañapatakix jach'at art'am: ‘¡Akham siw Tatituxa! Amtasisktwa, jumax tawaqükäyäta ukapachax taqi chuymaw nayatakïyätaxa, jumax nayan warmixa tukxäyäta ukapachasti nayarux wal munasïyästaxa, wasaranjam nayarux arkanïyästa, kawkhantix jan kunas achki uka uraqinjama.

Ezequiel 47:9

Kawki chiqansa, kawkharutix aka umanakax purkani ukansti, kunayman walja animalanakampi walja chawllanakampiw jakasipxani. Aka jawiran umanakapasti k'allk'u umanakxa suma muxsa umaruw tukuyxani, ukatsti kunayman chawllanakaw utjarakini.

Levítico 23:36

Uka paqallqu urunakasti nakt'at luqtäwinak Tatitur churapxäta, kimsaqallqu urunsti mä suma qullana tantachasïwi lurapxäta, Tatiturusti mä waxt'a luqtapxarakïta. Uka urux qullan phunchhäwi uruwa, janipuniw uka urunxa kuna irnaqäwinakamsa lurapxätati.

Levítico 23:39

“Uka paqallqüri phaxsina, tunka phisqani uru saraqatarusti, kunapachatix jumanakax achunak apthapisxapxäta ukkhasti, Tatitutakiw jumanakax paqallqu uru mä phunchhäwi lurapxäta, qallta urunsa, ukhamarak kimsaqallqu uru purinipansa samart'asa.

Miqueas 6:9

Tatitux markpacharuw jawsaski, alt'at chuymampi jaysañasti amuyt'asirïñawa: “Markachirinaka, markar amuyt'ayirinaka, ist'apxam.

Zacarías 9:15

Taqi ch'amani Tatituw jupankirinakarux imani, jupanakasti q'urawt'anita qalanaksa takichasipxaniwa, uñisirinakaparusti jiwarayapxaniwa; atipjäwipat kusisiñatakisti mä jach'a manq'äwi lurapxani. Umjasiñkamaw umapxani; qirunakap vinompi phuqharapxani, kunjämtix altarar warxatañatak wilax qirunakar phuqharatäki ukhama.

Números 29:35

“Kimsaqallqür urusti mä jach'a tantachasïwi lurasaw uruyapxäta, uka urusti janirakiw kuna irnaqañanaksa lurapxätati.

Mateo 11:28

Taqi qarjatanaka, llakimpi atipjatanaka, nayar jutapxam, nayaw samarayapxäma.

Mateo 3:3

Isaías profetasti Bautisir Juanat akham qhanañchäna: “Wasaran mä jaqin jach'at art'asitapaw ist'asi: ‘Tatitun thakhip wakichapxam; chiqa thakhi jist'arapxam’ ” sasa.

Mateo 5:6

“Kusisiñanïpxiw aski kankañ utjañap munirinakaxa, jupanakax phuqhat uk katuqapxani.

Juan 1:23

Juanasti jupanakarux sänwa: —Nayax wasaran arnaqasir jaqïtwa: “Tatitun thakhip chiqaptayapxam” sasa, kunjämtix Isaías profetax arskän ukhamarjama.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 4:10

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Juan 4:11

Warmisti Jesusarux sarakïnwa: —Tata, janiw kunampi um apsuñamas utjkiti, phuch'ux wali manqhawa. ¿Kawkitarak jakkir uma churitasmasti?

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Juan 5:40

jumanakax jakañanïñatakix janiw nayan ukar jutañ munapktati.

Juan 6:35

Jesusasti jupanakarux sänwa: —Nayätwa jakañ churir t'ant'axa. Nayan ukar jutirix, janiw mayampis manq'at awtjayaskxaniti; nayar iyawsiristi, janiw mayampis umat pharjayaskxaniti.

Juan 6:37

Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Juan 6:55

Janchixasti chiqpach manq'awa, wilaxasti chiqpach umañarakiwa.

Juan 7:28

Ukanak ist'asinsti, Jesusax Tatitun utapan yatichkasin jach'at arsüna: —¡Jumanakax uñt'apxistawa, kawkit jutataxsa yatipxaraktawa! Ukampis janiw nayan munañaxat jutkti, jan ukasti, khititix chiqäki ukan khithanitaw jutta, juparusti jumanakax janiw uñt'apktati.

1 Corintios 10:21

Janiw Tatitun qirupat umasax supayanakan qirupat umapkasmati; janirakiw Tatitun manq'äwipan manq'kasax supayanakan manq'äwipan manq'apkasmati.

1 Corintios 10:4

pachpa ajay uma umapxarakïna. Jupanakax ajay qarqat umapxäna, uka qarqaw jupanakamp chik saräna. Uka qarqasti Cristo Tatitünwa.

1 Corintios 11:25

Uka pachparakiw manq'añ tukuyasax qiru astäna, ukat sarakïna: “Aka qirux machaq arust'äwiwa, wilaxampi chimpuntata. Sapa kuti umapkät ukkhaxa, nayat amtasisaw lurapxäta” sasa.

1 Corintios 12:13

Uka kipkarakiw taqi jiwasanakax judionakasa, jan judionakasa, t'aqhisiyat jaqinakasa, jan t'aqhisiyat jaqinakas bautismo katuqapxtan, mä sapa Ajay tuqi, mä janchik tukuñasataki; taqinis uka pachpa Ajayut katuqaraktan.

Efesios 5:18

Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.

Apocalipsis 21:6

Ukatsti sarakituwa: “Taqi kunas luratäxiwa. Nayätwa qalltasa, tukuyasa. Umat pharjatarusti nayax inakiw jakañ churir jalsu umat churä.

Apocalipsis 22:1

Ukatsti angelax jakañ churir mä suma q'uma jawir uñacht'ayitu. Uka jawirasti Diosampina, Corderompin qhapaq qunuñapat mistunïna, qhispir uñtat suma ch'uwarakïnwa;

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.