Juan 7:37 - Qullan Arunaca

³⁷ Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Aymar Bibliia 1986

³⁷ Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Qullan Arunaka DC

^37-38 Phunchhäwi tukuy urux juk'amp jach'a urünwa. Ukürusti, Jesusax sayt'asisin jach'at arsüna: —Khititix umat pharjatäskchi ukax nayar jutpan, nayar iyawsiristi, ukat umt'arakpan. Kamisatix Qillqatan siski: “Nayar iyawsirin chuymapatxa, jakaskir umani jawiranakaw jalsuni” —sasa.

Juan 7:37 Jak'a apnaqawi uñst'ayäwi

Nehemías 8:18

Uca fiestjja lurapjjänwa pakallk uru, nayrïr uruta kalltasina khepa urucama, Esdrasasti sapüruwa librota Diosan leyipa leet'erïna; ucatsti quimsakallkör urunsti mä jach'a asqui tantachasïwiwa utjäna, cunjämtï lurañäcäna uqhama.

Salmos 143:6

Juma tokeruw amparanacajj loktansma, waña oraker uñtataw jumatjam pharjayasta.

Salmos 42:2

Nayajj jacquir Diosat pharjatätwa: ¿Cunapacharac Diosan ajanup uñjir mantästi?

Salmos 63:1

Diosajjay, jumaw Diosajjätajja, jumar thakasaw khantatta, almajjajj jumatjam pharjatawa; janchejjajj jumatjam awtjatawa, jan umani, jan jacañan waña oraker uñtatawa.

Proverbios 1:20

“Yatiñasti callenacana, plazanacanwa arnakasi mayninacan ist'atäñataqui;

Proverbios 8:1

Yatiñ cancañajja jach'atwa arnakasisqui, ch'iqhi cancañasti arupjja ist'asiyaraquiwa.

Proverbios 8:17

Nayasti muntwa qhitinacatejj munapquitu ucanacaru, qhitinacatejj thakapquitani ucanacasti jicjjatapjjetaniwa.

Proverbios 8:3

Marcar mantañ puncunacanwa arunacapjja ist'ayasqui, aqham sasa:

Proverbios 9:3

Ucatsti uywatanacaparuwa qhiti art'asa jawsanipjjañapataqui, marcana wali amsta chekata, aqham sasa:

Cantar de los cantares 5:1

Pankar yapojjarojj mantjjtwa, munat cullaquitajja, mirrjja apthapisjjtwa, uqhamarac suma k'apquir kollanacsa, misq'jja tapatpachwa mank'ta, vinsa, lechsa umt'aractwa. Munat amigonacajja: mank'apjjam, umapjjaraquim, ¡umapjjam kawktï munapctajja ucqhacama!

Isaías 12:3

Jumanacas cusisitaw sarapjjaraquisma, jupan khespiyasiñ umapat umt'irejja,

Isaías 40:2

Jerusalenarusti munasiñampirac parljjayapjjam, Esclavo sarnakañapajj tucusjjewa sapjjaraquim, jan wali luratanacapatjja phokhjjewa, amparajjatsti mä ucqhampi catokjjaraqui, take juchanacapat mutuyäwi catokañapäcän ucjja.”

Isaías 40:6

Mä aruw arsu: “Art'am” sasa. Nayasti saractwa: “¿Cunrac art'ästi?” sasa. “Take jakejj korar uñtataquiwa, ¡mä pankarar uñtata juc'a urunacataquiquiraquiwa!

Isaías 44:3

wasaran nayajj uma jalayä, waña orakensti jisc'a jawiranac jalayaraquï. Wawanacamarusti mä machak jacañ churä, bendicionajjsa jupanacjjarojj apayaniraquïwa.

Isaías 55:1

“Take qhitinacatejj umat pharjata sarnakapjjta ucanacajj umt'ir jutapjjam, jan kollkeninacajj jutapjjam, inaqui trigo mayisipjjam, ucatsti mank'apjjaraquim, vinompi, lechempi inaqui mayisipjjam.

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Isaías 58:1

Tatitojj saraquituwa: “Jan ajjsarasa, wali jach'at art'am, mä trompetäcaspas cuncamajj uqham art'asim; marcajjarusti jan wali luratanacapatjj juchañcharaquim, Jacobon marcaparusti jucha luratanacapat juchañcham.

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 2:2

“Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Ezequiel 47:9

Cawqui chekansa, cawqharutejj aca umanacajj purcani ucansti walja animalanacaw jacasipjjaraquini uqhamaraqui chawllanacasa. Aca jawiran umanacapasti c'allc'u umanacjja suma mojjsa umaruw tucuyaraquini, ucatsti take casta jacañaw utjaraquini.

Levítico 23:36

Uca pakallko urunacasti ofrendanacwa Tatituru loktasa naqhayapjjaraquïta, ucat quimsakallko ururusti mä suma kollana tantachasïwi lurapjjaraquïta, uqhamarac Tatitutaquisti mä loktäwi nact'ayapjjaraquïta. Uca urusti kollana tantachasïwi uruwa, janipuniw uca urojj ni cuna casta irnakañsa lurapjjätati.

Levítico 23:39

“Uca pakallko phajjsi sarakatarusti, tunca pheskani uru purinipansti, cunapachatejj jumanacajj cosechanacama apthapisjjapjjäta ucapachasti jumanacajj mä fiesta lurapjjäta pakallko urunaca, Tatitutaquiw uca fiesta lurapjjaraquïta. Ucapachasti kallta uruw samarapjjäta, uqhamarac quimsakallko uru purinipansa samarapjjaraquïtawa.

Miqueas 6:9

Tatitojj marcpacharuw jawsasqui, ucatsti alt'at chuymampi jaysañasti amuyt'asirïñawa: ‘Ist'apjjam, marcpacha, uqhamarac amuyt'irinacasa.

Zacarías 9:15

Take ch'amani Tatitojja jupanquirinacarojj imaraquiniwa. Jupanacasti k'orawt'anita kalanacsa taquichasipjjaraquiniwa, uñisirinacaparusti jiwarayapjjaraquiniwa; wilapsti vinjamaraqui umapjjani, mä jach'a tasar uñtataraquiw phokharapjjanejja, altaranquir wajjranacjamaraqui.

Números 29:35

“Quimsakallko urusti mä jach'a fiestwa lurapjjäta; uca urojj janiraquiw cuna casta irnakañanacsa lurapjjätati.

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Mateo 3:3

Uca Juanatsti Isaías profetajj aqhamwa khanañcharaquïna: “Mayni jaken arupaw wasaran wali jach'ata ist'asi: ‘Tatitun thaquipa asquichapjjam; uca thacsti chekaptayapjjaraquim’ ” sasa.

Mateo 5:6

“Cusisiñanïpjjew qhitinacatejj Diosan munañaparjam sarnakañat awtjayasipjje, pharjayasipjjaraqui ucanacajja, Diosaw jupanacarojj uc phokhañjja yanapani.

Juan 1:23

Juanasti saraquïnwa: —Nayajj mä arütwa wasaran art'iri: ‘Chekaptayapjjam Tatitun thaquipa’ sasa, cunjämtï Isaías profetajj arscäna uqhamarjama.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 4:10

Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Juan 4:11

Warmisti Jesusarojj saraquïnwa: —Tata, janiw cunamp um apsuñamas utjquiti, phujusa wali mankheraquiwa. ¿Cunjämatsa jacquir um churitasma?

Juan 4:14

Ucampis qhititejj naya churcta uca umat umcani ucajja, janiw mayampis pharjayascjjaniti. Cawquïr umtejj nayajj churcta ucajja jupa pachpanwa jalsuni wiñay jacañ churañataqui.

Juan 5:40

Jumanacasti janiw nayar jutañ munapctati jacañanïpjjañamataquejja.

Juan 6:35

Jesusasti jupanacarojj sänwa: —Nayätwa jacañ churir t'ant'ajja. Qhititejj nayaru jutqui ucajja, janiw mayampis awtjayascaniti. Qhititejj nayaru iyawsquitani ucajja, janiw mayampis pharjayascaniti.

Juan 6:37

Take qhitinactejj Awquejj churquitu ucanacajja nayaruw juti; qhititejj nayaru jutqui ucarojja janiw ankaru alisnuccti.

Juan 6:55

Janchejjasti chekpach mank'awa, wilajjasti chekpach umañaraquiwa.

Juan 7:28

Ucanac ist'asajj Jesusajj templon yatichcasinjja, jach'atwa arsüna: —¡Uqhamajj uñt'apjjestawa, yatipjjaractawa cawquit jutatajjsa! Ucampis janiw nayan munañajjat jutcti, jan ucasti nayajj juttwa chekpachansa maynin qhitanita, ucarusti jumanacajj janiw uñt'apctati.

1 Corintios 10:21

Janiw Tatitun copapampita ñankha ajayunacan copapampitjja umapcasmati, janiraquiw Tatitun mesapampita ñankha ajayunacan mesapampitsa mank'apcaraquismati.

1 Corintios 10:4

takeniraquiw pachpa ajay uma umapjjäna. Jupanacasti karkat jalsuri umat umapjjänjja, uca karkaw jupanacampi chicäscäna. Uca karkasti Cristo Tatitünwa.

1 Corintios 11:25

Mank'a tucutatsti copa astasinjja saraquïnwa: “Aca copajj jichhajj machak arust'äwiwa nayan wilajjampi chimpuntatawa. Sapa cuti umapcäta ucqhajja, nayat amtasisaw lurapjjäta” sasa.

1 Corintios 12:13

Take jiwasanacasti, judiosa, griegosa, esclavosa, libresa, Kollan Ajayun bautisasjjasinjja mä sapa cuerpoquiw tucjjtan; takenisa uca pachpa Ajayutaracwa catoktanjja.

Efesios 5:18

Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam.

Apocalipsis 21:6

Ucatsti saraquituwa: “Take cunas luratäjjewa. Nayätwa kalltas tucuyasa, A, Z letranacjama. Umat pharjatarusti nayajj jalsuri jacañ churir umwa inaqui churäjja.

Apocalipsis 22:1

Ucatsti angelajj jacañ churiri mä suma k'oma jawir uñacht'ayaraquitu. Uca umasti suma ch'uwänwa vidrior uñtata, Diosampina Corderompina tronopataracwa mistunïna.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.