Juan 7:23 - Qullan Arunaka DC

²³ Jichhasti walikiwa, jumanakatix Moisesan kamachip jan p'akintañ munas sábado urun wawarux circuncisión katuqayasipkakstaxa, ¿kunatarak nayatak arusipxta sábado urun mä jaqir k'umarachataxatsti?

Aymar Bibliia 1986

²³ Jichhasti waliquiwa, jumanacajj Moisesan leyip jan p'aquintañ munasinwa samarañ urüquipansa wawarojj circuncidapjjtajja, uqhamajj ¿cunatsa nayatakejj colerasipjjta samarañ urun mä chacharu takpach janchip kollatajj laycojja?

Qullan Arunaca

²³ Jichhasti waliquiwa, jumanacajj Moisesan leyip jan p'aquintañ munasinwa samarañ urüquipansa wawarojj circuncidapjjtajja, uqhamajj ¿cunatsa nayatakejj colerasipjjta samarañ urun mä chacharu takpach janchip kollatajj laycojja?

Juan 7:23 Jak'a apnaqawi uñst'ayäwi

Éxodo 31:14

Sábado urusti qullanawa, uka laykuw jumanakax imapxäta. Khititix uka uru jan imkani ukaxa, jiwaniwa. Ukhamarusa, khiti jaqitix uka urun kunsa lurani ukaxa, markap taypit jaqunukutaw uñjasini.

Mateo 12:10

Ukansti ampar pharsut mä jaqiw ukankaskäna; Jesusar aynacht'ayañatakiw akham sas jiskt'apxäna: —¿Sábado urun mä usutar k'umaraptayañax walikïskiti? —sasa.

Mateo 12:2

Fariseonakasti uk uñjasin Jesusaruw sapxäna: —Uñjam, kunatix sábado urun jan lurañäki uk yatiqirinakamax lurasipki —sasa.

Mateo 12:5

¿Janirakit jumanakax Moisesan kamachip ullarapkta, sacerdotenakax sábado urun Tatitun utapan irnaqatapampix janiw juchañchasipkiti siski ukxa?

Juan 5:10

judionakasti k'umaraptir jaqirux sapxänwa: —Jichhürux sábado uruwa; janiw ikiñam apañamax wakiskiti —sasa.

Juan 7:21

Jesusasti jupanakarux sarakïnwa: —Sábado urun mä muspharkañ lurataxat jumanakax wal muspharapxtaxa.

Juan 9:16

Mayni fariseonakasti sapxarakïnwa: —Khititix ak lurki ukax janiw Diosankirïkaspati, sábado uru jan yäqatap layku —sasa. Mayninakasti sapxarakïnwa: —Mä juchararasti, ¿kunjämarak aka muspharkañ luraspasti? —sasa. —Jupanak taypin kunayman amuyuw utjäna,