Juan 7:24 - Qullan Arunaka DC

²⁴ Janiy aliq uñkatasak taripapxamti. Taripapxät ukkhasti, kunatix chiqäki ukhamarjamay lurapxam —sasa.

Aymar Bibliia 1986

²⁴ Jan juchañchapjjamti uñcatasaquejja, jan ucasti juchañchapjjam cunatï chekäqui uqhamarjama —sasa.

Qullan Arunaca

²⁴ Jan juchañchapjjamti uñcatasaquejja, jan ucasti juchañchapjjam cunatï chekäqui uqhamarjama —sasa.

Juan 7:24 Jak'a apnaqawi uñst'ayäwi

Salmos 82:2

“¿Kunapachkamarak jan wal taripapxätasti? ¿Kunapachkamarak ñanqha lurir jaqinakar arxatapxätasti?

Proverbios 17:15

Juchan jaqir juchap jan uñt'ayañampi, aski jaqir ina ch'usat juchañchañampi, uka pä luräwinakaruw Tatitux uñisi.

Proverbios 24:23

Aka arunakax yatiñan jaqinakan säwi arunakaparakiwa: Taripirinakax taqinirus chiqapar uñjapxañapawa, janiw maynitak arxatasipxañapax walikäniti

Isaías 5:23

Jumanakasti juchan jaqirux qullqi laykux jan juchan mistuyapxtaxa, jan juchanïki ukanakarusti juchañchapxaraktawa.

Levítico 19:15

“Kunapachatix mä jan walt'añ taripañas wakisini ukkhasti, kunatix chiqäki ukhamarjamapun luram; janirak pisi ch'amanirukisa, jan ukax qamirirukisa arxatamti. Juchañchañ wakisipanxa, kunatix chiqapäki ukhamarupun uñjam.

Zacarías 7:9

“Aksti nayaw arsta: Jumanakasti taripañanakamanxa chiqäpxapunim, maynit maynikam munasirïpxam, khuyapayasirïpxarakim.

Juan 7:25

Ukatsti Jerusalenankirinakat yaqhipanakaw jiskt'apxäna: —¿Janit akasti jiwayañatak thaqhapki uka jaqïkisti?

Juan 8:15

Jumanakax jaqin amuyuparjamakiw juchañchapxtaxa. Nayasti janiw khitirus juchañchkti;

2 Corintios 10:7

Jumanakax laqäxaki taqi kunsa uñjapxtaxa. Maynitix chuymapan Cristonkat amuyaschixa, nanakax jupjama Cristonkapxatanakax amuyañaparaki.

Santiago 2:1

Munat jilatanakaxa, jumanakax taqi ch'aman Tatit Jesucristosar iyawsirinakjamaxa, maynit maynikamax jan yaqhachnukusipxamti.

Santiago 2:4

ukampix jumanakax yaqhachnukusipktawa, jan wali amtañampiw taripasipktaxa.

Santiago 2:9

Ukampis maynir yaqhachnukutam laykux juch lurapxtaxa, ukatsti Diosan kamachip nayraqatan juchanïpxtawa.