Juan 7:14 - Qullan Arunaka DC

¹⁴ Chika phunchhäwinkipan Jesusax Tatitun utapar mantäna, ukatsti yatichañ qalltäna.

Aymar Bibliia 1986

¹⁴ Chica fiestancjjapjjänwa, uqhamaruw Jesusajj templor mantäna, ucatsti yaticharaquïnwa.

Qullan Arunaca

¹⁴ Chica fiestancjjapjjänwa, uqhamaruw Jesusajj templor mantäna, ucatsti yaticharaquïnwa.

Juan 7:14 Jak'a apnaqawi uñst'ayäwi

Malaquías 3:1

Taqi ch'aman Tatitux siwa: “Nayaw yatiyirixa khitanï, jupaw nayatak thakhi wakichani. Jumanakax thaqhapkta uka Tatitux, akatjamat utaparux mantanini. ¡Arust'äwir mantat yatiyirix niyaw purisinki!”

Números 29:17

“Payïr urusti tunka payan urqu vaca qallumpi, pä urqu ovejampi, tunka pusin mä marani urqu oveja qallumpi luqtapxäta, ukanakasti jan kuna kamacht'atäñapawa.

Números 29:20

“Kimsïr urusti tunka mayan urqu vaca qallunak luqtapxarakïta, pä urqu ovejampi, tunka pusin mä marani urqu oveja qallumpi, ukanakasti jan kuna kamacht'atäñapawa.

Mateo 21:12

Jesusasti Diosan utapar mantasin taqi ukan aljirinakampiru, alasirinakampiruw anqar alissüna. Qullqi turkasirinakan uchasiñanakap liwinuküna, paloma aljirinakan qunuñanakap jaqurpayäna;

Mateo 26:55

Ukapachaw Jesusax jaqinakar jiskt'äna: —¿Kunatarak jumanakasti mä lunthatarjam espadanakampi, lawanakampi nayar katuntir jutapxtasti? Sapürurakis Tatitun utapan jumanakar yatichasipksmaxä, ukkhay katuntapxitasamänxa.

Lucas 19:47

Jesusax sapüruw Tatitun utapan yatichäna, ukatsti sacerdotenakan jilïrinakapampi, kamachi yatichirinakampi, markan jilïrinakapampix, kunjämatsa Jesusar jiwayañ thaqhasipkäna.

Juan 18:20

Jesusasti juparux sänwa: —Nayax taqinin uñjkataw parläyäta, sinagoganakana, Tatitun utapan yatichasa; janiw nayax kuns jamasat yatichkti.

Juan 5:14

Uka qhipatsti Jesusax uka jaqirux Tatitun utapan jikxatäna, ukat juparux sarakïna: —Jichhax k'umaräxtawa, jan wasitat juch lurkxamti, jan ukasti, juk'amp jan waliruw purisma —sasa.

Juan 7:2

Judionakan Chhujllanaka, sata kusisiñ uru jak'ankipansti,

Juan 7:28

Ukanak ist'asinsti, Jesusax Tatitun utapan yatichkasin jach'at arsüna: —¡Jumanakax uñt'apxistawa, kawkit jutataxsa yatipxaraktawa! Ukampis janiw nayan munañaxat jutkti, jan ukasti, khititix chiqäki ukan khithanitaw jutta, juparusti jumanakax janiw uñt'apktati.

Juan 7:37

Phunchhäwi tukuy urux juk'amp jach'a urünwa. Ukürusti, Jesusax sayt'asisin jach'at arsüna: —Khititix umat pharjatäskchi ukax nayar jutpan, nayar iyawsiristi, ukat umt'arakpan. Kamisatix Qillqatan siski: “Nayar iyawsirin chuymapatxa, jakaskir umani jawiranakaw jalsuni” —sasa.

Juan 8:2

Qhipür willjtasti, Jesusax Tatitun utaparuw kutt'anïna. Jaqinakax juparuw jak'achasipxäna, Jesusasti qunt'asisin yatichañ qalltäna.

Juan 8:20

Jesusax aka arunak Tatitun utapan yatichaskasaw arsüna, luqta uchañäki ukawjana. Ukampis janiw khitis jupar katuntkänti, pachapan janïr purinitap layku.