Juan 5:14 - Qullan Arunaka DC

¹⁴ Uka qhipatsti Jesusax uka jaqirux Tatitun utapan jikxatäna, ukat juparux sarakïna: —Jichhax k'umaräxtawa, jan wasitat juch lurkxamti, jan ukasti, juk'amp jan waliruw purisma —sasa.

Aymar Bibliia 1986

¹⁴ Uca pasatatsti Jesusajj uca jakerojj templonwa jicjjatäna, ucatsti saraquïnwa: —Uñjam, c'umaräjjtawa, jichhajj jan juc'amp juch lurcjjamti jan wastat juc'amp jan walir puriñamataqui —sasa.

Qullan Arunaca

¹⁴ Uca pasatatsti Jesusajj uca jakerojj templonwa jicjjatäna, ucatsti saraquïnwa: —Uñjam, c'umaräjjtawa, jichhajj jan juc'amp juch lurcjjamti jan wastat juc'amp jan walir puriñamataqui —sasa.

Juan 5:14 Jak'a apnaqawi uñst'ayäwi

2 Crónicas 28:22

Jan walin uñjaskasasa, Ahaz reyix, Tatit nayraqatan jucha luraskakïnwa. ¡Ahaz reyix ukhamänwa!

Nehemías 9:28

“Ukampis jupanakax mä juk'a samarañ jikxatasinxa, wasitatampiw juman nayraqataman jan walinak lurañar kutt'apxäna; ukat uñisirinakapan amparanakapar katuytaxa jupanakar apnaqapxañapataki. Ukatsti wasitatampiw yanap mayipxtamxa, jumasti jach'a khuyapayasiñampiw alaxpachatpach ist'taxa, jupanakar sapa kuti qhispiyasina.

Salmos 118:18

Tatitux t'aqhisiyituwa, mutuyarakituwa, ukampis janiw jiwañar katxaruykituti.

Salmos 18:22

22 (23) Taqpach arsutanakapax chuymaxankaskiwa; ¡janipuniw kamachinakapat jithiqtaskti!

Salmos 27:6

Ukapachaw p'iqix waytä, uñisirinakaxar aynacht'ayasa; ukapachaw utapan wilañchanak churä, kusisiñat arnaqasï, Tatituruw kusisiñat q'uchurakï.

Salmos 9:13

13 (14) Tatay, nayat khuyapt'ayasita, uñisirinakaxan nayar t'aqhisiyatap uñtanim, ¡jiwañ punkutsa wayst'asita!

Isaías 38:20

Tatituw nayar qhispiyañatakix akankaski. Arpanakas toct'asipxañäni, sapüru sarnaqäwinakasan q'uchusipxañäni. Tatitun utapansa q'uchusipxarakiñäni.

Isaías 38:22

Ukat Ezequías reyix Isaías profetarux jiskt'asïna: —¿Kuna chimpu tuqis amuyasiristxa Tatitun utaparu nayan sarañaxatakixa? —sasa.

Levítico 13:20

Uñxatasintix sacerdotex uka janchin kawkhatix p'usutäki ukkhax juk'amp janchi manqhankatapa, ñik'utas janq'ur tukutap uñjani ukkhasti, sacerdotex uka jaqirux q'añut qhanañchxarakini, uka llixtin lepra usütap layku.

Levítico 26:27

“Taqi ukanak katuqkasinsa janipun nayar ist'apkitäta, jan ukasti nayatak sayt'asisipkakïta ukasti,

Levítico 7:12

Uka wilañchäwitix yuspagarañatakïchinixa, aceitempi chapt'ata jan levaduran t'ant'anaka, aceitempi warakipt'ata sillp'a t'ant'anaka, wali suma jak'uta aceitempi chapt'at t'ant'anak churapxäta,

Mateo 12:45

Ukatsti jupax jupat juk'ampi yaqha paqallqu ñanqha ajayunak tantachi, jupanakamp chikaw uka jaqin chuymapar mantasin ukan jakapxi, uka jaqin sarnaqäwipasti nayra jakañapat sipan juk'ampi jan walïxiwa. Uka kipkaw aka jan wali jaqinakampix lurasirakini”.

Marcos 2:5

Jesusasti jupanakan iyawsañanïpxatap yatisinxa, suchu jaqirux sänwa: —Wawa, juchanakamax pampachatäxiwa —sasa.

Juan 5:13

Uka jaqisti janiw yatkänti khitin jupar k'umarachatapsa, Jesusax ukawjankir walja jaqi taypiruw chhaqtawayxatayna.

Juan 5:5

Uka usutanak taypin mä chachaw utjäna; jupax kimsa tunka kimsaqallqun mara usurnukstatänwa.

Juan 8:11

Warmisti sarakïnwa: —Tatay, janiw khitisa —sasa. Jesusasti juparux sarakïnwa: —Nayas janirakiw juchañchksmati; jichhax sarxam, jan juk'amp juch lurkxamti —sasa.

1 Pedro 4:3

Jumanakasti kunjämtix Tatitur jan uñt'ir jaqinakax lurapki ukanak lurapxäyätaxa, jan walinak lurasa, jan walinak amtasa, manq'äwinak wakichasa, machantasisa, k'ari diosanakar yupaychasa.