Juan 5:14 - Qullan Arunaca

¹⁴ Uca pasatatsti Jesusajj uca jakerojj templonwa jicjjatäna, ucatsti saraquïnwa: —Uñjam, c'umaräjjtawa, jichhajj jan juc'amp juch lurcjjamti jan wastat juc'amp jan walir puriñamataqui —sasa.

Aymar Bibliia 1986

¹⁴ Uca pasatatsti Jesusajj uca jakerojj templonwa jicjjatäna, ucatsti saraquïnwa: —Uñjam, c'umaräjjtawa, jichhajj jan juc'amp juch lurcjjamti jan wastat juc'amp jan walir puriñamataqui —sasa.

Qullan Arunaka DC

¹⁴ Uka qhipatsti Jesusax uka jaqirux Tatitun utapan jikxatäna, ukat juparux sarakïna: —Jichhax k'umaräxtawa, jan wasitat juch lurkxamti, jan ukasti, juk'amp jan waliruw purisma —sasa.

Juan 5:14 Jak'a apnaqawi uñst'ayäwi

2 Crónicas 28:22

Acaz reyejj uqham jan walt'añanccasasa, Tatitutaquejj sayt'asiscaquïnwa. ¡Uqhamänwa Acaz reyejja!

Nehemías 9:28

“Ucampisa jupanacajja mä juc'a samaraña jicjjatasinjja, wastatampiwa cutt'apjjäna juman nayrakatamana jan walinaca lurañataqui; ucatwa uñisirinacapan amparanacapar catuytajja jupanacar apnakapjjañapataqui. Ucatjja wastatampiwa yanapa mayipjjäyätam, ucampis jumajj jach'a qhuyapayasiñam laycojja alajjpachatpachwa ist'äyätajja, jupanacaru walja cuti khespiyasina.

Salmos 118:18

Tatitojj t'akhesiyituwa, mutuyaraquituwa, ucampis janiw jiwañar catjjaruyquituti.

Salmos 18:22

takpach arsutanacapajj chuymajjancasquiwa, janipuniw arsutanacapat jithektascti;

Salmos 27:6

ucapachaw p'ekejj waytä, muyuntir timanacajjar aynacht'ayasa. Ucapachaw utapan loktäwinac churä, cusisiñat wararï, Tatituruw cusisiñamp k'ochuraquï.

Salmos 9:13

Tatay, nayat qhuyapt'ayasita, uñisirinacajjan nayar t'akhesiyatap uñtanim, jiwañ puncut wayst'asita.

Isaías 38:20

Tatituw acancasqui nayar khespiyañataqui. Arpanacas toct'asipjjañäni, k'ochusipjjaraquiñäni, sapüru sarnakäwinacasana, Tatitun templopanjja.”

Isaías 38:22

Ezequiasasti Isaiasaruw jisct'asiraqui —¿Cuna chimpu tokes amuyasiristjja nayan Tatitun temploparu sarañajj-jja? —sasa.

Levítico 13:20

Sacerdotejja llaga uñjjatasinjja, janchina juc'ampi p'iyantatäjjatapatsti, uqhamarac ñic'utasa jank'o tucjjataparaqui uñjani, ucapachasti sacerdotejj uca jakerojj k'añutwa khanañchjjaraquini, uca llagapajj lepra llagätap laycu.

Levítico 26:27

“Take ucanaca pasquipansa janitejj jumanacajj nayaru ist'apquitäta, jan ucasti naya contra sayt'asipcaquïta ucapachajja,

Levítico 7:12

Uca loktäwitejj yuspagarañataquïchinejja, t'ant'anaca churapjjaraquïta jan levadurani, aceiteru chapt'ata, uqhamaraqui sillp'a t'ant'anaca, aceitempi waraquipt'ata, uqhamaraqui wali suma jac'ut lurata t'ant'anaca, aceitempi chaputaraqui.

Mateo 12:45

Uqham suma jicjjatasinjja, yakha pakallko jupat juc'amp jan wali ñankha ajayunacampwa irptani, ucatsti jupan ucaruw mantapjje jacasiñataqui. Uca jaken sarnakäwipajj nayra jacañapat sipansa juc'amp jan waliwa. Uca quicpawa aca jan wali jakenacampejj lurasiraquini.”

Marcos 2:5

Jesusasti jupanacan iyawsañanïpjjatap yatisinjja suchu jakerojj sänwa: —Wawa, juchanacamajj pampachatäjjewa — sasa.

Juan 5:13

Jupasti janiw qhitin jupar kollataps yatcänti, ucan walja jakenac utjatap laycu, Jesusasti sarjjaraquitaynawa.

Juan 5:5

Ucansti mä chachaw utjäna quimsa tunca quimsakallkoni mara usurnucstata.

Juan 8:11

Warmisti saraquïnwa: —Janiw qhitis, Tata —sasa. Jesusasti ucjjarojj saraquïnwa: —Uqhamasti janiw nayas juchañchcaracsmati; jichhajj sarjjam, janiraqui juc'amp juch lurcjjamti —sasa.]

1 Pedro 4:3

Jumanacajj waljwa luranjjapjjtajja cunatejj Diosar jan uñt'ir jakenacarojj cusisiyqui ucjja. Uca urunacanjja jumanacajj vicionacana, jan wali amtañanacana, machañanacana, wali mank'añanacana, jila umjasiñanacana, yakha diosanacar yupaychañanacanwa sarnakasipcäyätajja.