Juan 4:10 - Qullan Arunaka DC

¹⁰ Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Aymar Bibliia 1986

¹⁰ Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Qullan Arunaca

¹⁰ Ucjjarusti Jesusajj saraquïnwa: —Cuntejj Diosajj churqui uctejj yatismajja, uqhamarac qhititejj um mayctam uc yatiraquisma ucajja, jumaw nayarojj um mayitasmajja, nayasti jacquir umwa churaraquirisma —sasa.

Juan 4:10 Jak'a apnaqawi uñst'ayäwi

Salmos 10:17

Tatay, jumaw jan yäqat jaqinakan mayisitap ist'asktaxa, jumaw chuymachtaxa, ch'amañcharaktaxa.

Salmos 46:4

4 (5) Mä jawiraw Diosan markaparux kusisiyi, Alaxpachankirin qullan markaparu.

Éxodo 17:6

Nayasti khaya Horeb sat qullun mä qarqa patan suyäma. Uka qarqar jach'a thujrumamp jisktkät ukkhasti, umaw ukat mistunini, jaqinakan umt'apxañapataki —sasa. Moisesasti Israelan jilïrinakap nayraqatan ukham luräna.

Cantar de los cantares 4:15

Panqar yapunkir jalsu umätawa. Líbano qullutpach saraqanir jakkir umätawa.

Isaías 12:3

Jumanakas kusisipxarakïtawa, jupan qhispiyasiñapat kusisipxäta,

Isaías 35:6

suchunakasti tarujanakjamaw sink'usipxani, amutunakasti arnaqasipxarakiniwa. Wasara waña uraqitsti, umax walipuniw jalsuni.

Isaías 42:6

“Naya Tatituw jumarux jawssma, amparatarak wayxarsma, ukhamat jumax qhispiyasiñ apañamataki; nayaw jumarux sayt'aysma, markaxampi arust'äwiru mantataxatxa, juman mä chimpüñam munarakta, markanakatakis mä qhanäñamarak munta.

Isaías 43:20

Qamaqinakasa, suri jamach'inakasa, montenkir taqi animalanakasa, wasaran uma jalsuyataxat jach'añchapxitani, jan achuri uraqinakan jawiranak jist'arataxat jach'añchapxitani, ajllit markaxar uma churañataki,

Isaías 44:3

nayax wasaran uma jalayä, waña uraqinsti jisk'a jawiranak jalayä. Wawanakamarusti mä machaq jakañ churä, jupanakxarux suma waxt'äwinak apayanï.

Isaías 49:10

“Janiw manq'at awtjayaskxapxaniti, umatsa pharjayaskxapxaniti, janirakiw lupisa, junt'usa qhatintkxaniti, nayaw jupanakar munta ukat irpta, jalkiri uma thiyanakaruw irparakï.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Ezequiel 16:35

“ ‘Wachuqa jucha lurañanakan sarnaqir warmi, jichhax nayan arunakax ist'am:

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Zacarías 14:8

Ukkhasti Jerusalén uraqitxa suma q'uma umaw jalsuni, uka umax juyphi pachasa junt'u pachasa jalaskakiniwa, mä chikat umax Mar Muerto sat qutakamaw jalani, mä chikatasti Mediterráneo sat jach'a qutakamaw jalarakini.

Lucas 11:13

Jumanakatix qhurükasin wawanakamarux sumanak churañ yatipxstaxa, ¡ukat juk'ampi, alaxpachankir Awkimax jupat mayirinakar Qullan Ajay churani!

Juan 16:3

Awkirus, nayarus jan uñt'apxatap laykuw taqi ukanak lurapxani.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 3:16

Diosax akapachar wal munatap laykuw mä sapa Yuqapar khithani, taqi khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Juan 6:35

Jesusasti jupanakarux sänwa: —Nayätwa jakañ churir t'ant'axa. Nayan ukar jutirix, janiw mayampis manq'at awtjayaskxaniti; nayar iyawsiristi, janiw mayampis umat pharjayaskxaniti.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Hechos 9:11

Tatitusti juparux sarakïnwa: “Jank'ak sartasim, ukatsti Chiqapa sat thakhir saram, ukatsti Judasan utapan jiskt'asïta Tarso markankir mä jaqita. Uka jaqix Saulo sutiniwa, ukan jupax Tatitur mayisiski.

Romanos 8:32

Diosasti pachpa Wawaparuw taqi jiwasanak laykux jiwar katuyi, ukhamasti, ¿kamisarak Wawapamp chika kunsa jan churkistaspasti?

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

1 Corintios 10:4

pachpa ajay uma umapxarakïna. Jupanakax ajay qarqat umapxäna, uka qarqaw jupanakamp chik saräna. Uka qarqasti Cristo Tatitünwa.

2 Corintios 9:15

¡Diosax yuspagaratäpan, uka jan tukuskir churäwipata, ukasti jan amuyt'kayawa!

Efesios 2:8

Diosan munasiñapat jumanakax, iyawsañ tuqi qhispiyasiñ katuqapxtaxa. Aksti janiw jumanak pachpat jikxatapktati, jan ukasti Diosan churäwipawa.

Hebreos 6:4

Khitinakatix mä kutix Diosan qhanap katuqapkäna, Diosan luräwip munapkäna, Qullan Ajayu katuqapkäna,

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.

Apocalipsis 21:6

Ukatsti sarakituwa: “Taqi kunas luratäxiwa. Nayätwa qalltasa, tukuyasa. Umat pharjatarusti nayax inakiw jakañ churir jalsu umat churä.

Apocalipsis 22:17

Qullan Ajayumpi Corderon esposapampisti sapxiwa: “Jutam” sasa. Ist'irïki ukasti sarakpan “Jutam” sasa. Umat pharjayasiristi, jutpan; um muniristi, jakañ umat inak umt'arakpan.

Apocalipsis 7:17

qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.