Juan 19:34 - Qullan Arunaka DC

³⁴ Ukampis maynïr soldadox ch'illapat lanzampiw jununtäna, ukspachaw wilampi umampix jalsunïna.

Aymar Bibliia 1986

³⁴ Ucampis mayni soldadojja lanzampi jununtasajj ch'illapwa jist'jäna ucspachaw wilampi umampejj mistunïna.

Qullan Arunaca

³⁴ Ucampis mayni soldadojja lanzampi jununtasajj ch'illapwa jist'jäna ucspachaw wilampi umampejj mistunïna.

Juan 19:34 Jak'a apnaqawi uñst'ayäwi

Salmos 51:7

7 (9) Hisopo alimp ch'axch'ukipita: nayasti q'umachataw uñjasï; jariqt'itaya, nayasti khunut juk'ampi janq'uw tukxä.

Ezequiel 36:25

Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Mateo 27:62

Sábado urusti, sacerdotenakan jilïrinakapampi, fariseonakampix, Pilaton ukaruw sarapxäna,

Juan 19:33

Ukampis Jesusar jak'achaskasinsti, jiwatäxatap uñjapxäna, ukat jupan kayunakap jan p'akirapkänti.

Juan 20:20

Ukatsti, amparapampi, ch'illapamp uñacht'ayäna. Yatiqirinakasti Tatitur uñjasin wal kusisipxäna.

Hechos 22:16

Jichhasti, jan juk'amp suyamti. Sartasim, bautismo katuqarakim, Tatitun sutip aytasis taqi juchanakamat jariqasim’ sasa.

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

1 Corintios 6:11

Jumanakat yaqhipanakax ukhamäpxarakïyätawa; ukampis jichhax q'umachatäxapxtawa, jumanakax Tatit Jesucriston sutipxaru, Diosasan Qullan Ajayup tuqiw qullana, aski jaqinakarus tukuyatäpxarakta.

Efesios 5:26

Uksti qullanar tukuyañatakiw ukham luri, uma jariqäwimpi arup tuqi q'umachasa,

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Hebreos 9:13

Urqu vacanakana, cabritonakan wilapampi, altaran nakhantat qachu vaca qallunakan qhillanakapampi, taqi ukanakamp juchaninakxar ch'axch'ukipatasti, anqäxatak qullanaptayaspa, q'umacharakispa.

Hebreos 9:22

Kamachirjamasti, taqi kunaw wilampi q'umachatäñapa; janitix wilax wartaskaspa ukax janiw juchat q'umachasiñax utjkaspati.

1 Pedro 3:21

Uka umasti bautismo umaruw uñtasïna, uka tuqit jichhax qhispitätanxa. Uka bautismosti janiw janchir q'umachañatakïkiti, jan ukasti Diosar juchanakasat q'umachañapatak mayiñatakiwa; jichhasti Jesucriston jaktäwip tuqirakiw qhispiyistuxa,

1 Juan 5:6

Jesucristox uma tuqi, wila tuqiw juti; janiw uma sapatakti, jan ukasti umampita, wilampit juti. Diosan Ajayupaw qhanañchi, uka Ajayusti chiqapawa.

1 Juan 5:8

Ajayumpi, umampi, wilampi; kimspachasti mayar tukt'atakiwa.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.