Juan 19:35 - Qullan Arunaka DC

³⁵ Uk uñjiriw akham arsüna, chiqpun arsüna; jupax chiq arsutap yatïnwa, ukhamat jumanakan iyawsapxañamataki.

Aymar Bibliia 1986

³⁵ Uñjqui ucaw aqham saraqui, ucasti chekawa. Cunatejj chekäqui ucwa jupajj arsu, jumanacajj iyawsapjjañamataqui.

Qullan Arunaca

³⁵ Uñjqui ucaw aqham saraqui, ucasti chekawa. Cunatejj chekäqui ucwa jupajj arsu, jumanacajj iyawsapjjañamataqui.

Juan 19:35 Jak'a apnaqawi uñst'ayäwi

Juan 11:15

Nayan jan ukankataxat kusista, ukax jumanakan iyawsapxañamatakïniwa. Jichhax uñjir sarañäni —sasa.

Juan 11:42

Jumax ist'apunistawa, jichhasti, akankir jaqinak laykuw maysma, juman nayar khithanitam iyawsañapataki —sasa.

Juan 14:29

Taqi akanaksti janïr phuqhaskipan yatiyapxsma, phuqhaskani ukkha iyawsapxañamataki.

Juan 15:27

Jumanakasti nayxat arsupxarakïta, qalltatpach nayampïpxatam layku.

Juan 19:26

Jesusasti, María taykaparuw uñjäna munat yatiqiripamp chikt'ata, ukat taykaparux säna: —Warmi, ukaxay yuqamaxa —sasa.

Juan 20:31

Ukampis kunanakatix akan qillqatäki ukanakax Jesusan Cristötapa, Diosan Yuqapätap iyawsapxañamatak qillqatawa, jupar iyawsasinsti, wiñay jakañ katuqapxañamataki.

Juan 21:24

Akanak arsuristi, uka kipka yatiqiriwa, jupaw qillqawayi, jiwasanakasti jupan arsutapan chiqätap yatipxtan.

Hechos 10:39

Taqi kuntix Jesusax Judea uraqina, Jerusalén markansa lurkän ukanak nanakaw uñjapxta. Jupar mä cruzar ch'akkatas jiwayapki uksa uñjapxaraktwa.

Romanos 15:4

Taqi kunatix nayratpach Qillqatäkän ukanakax jiwasanakaruw yatichistu, uka Qillqatanakan jikxatapxtan; llamp'u kankaña, chuymachasiña, suyt'äwin ch'amañchasiña.

1 Pedro 5:1

Jichhasti iglesia irpirinakaruw iwxt'añ munta, Nayasti jupanakjam irpirirakïtwa, Criston t'aqhisitanakapsa sum uñjarakta, Cristox kuttankan ukapachaxa, jupamp chikarakiw jach'a k'ajkir qhanapankäxa.

1 Juan 5:13

Aksti Diosan Yuqapar iyawsirinakaruw qillqanipxsma, wiñay jakañanïpxatam yatipxañamataki.

3 Juan 1:12

Demetrio jilatan chiqa sarnaqatapat taqiniw arsupxi. Nanakas uka pachparakiw arsupxta, jumasti nanakan chiqa arsutanakax sum yattaxa.