Juan 18:11 - Qullan Arunaka DC

¹¹ Jesusasti uk uñjasin Pedrorux sänwa: —Imañapar espadam uskum. Awkixax kuna t'aqhisiñtix churkitu uk ¿janit t'aqhisiñaxäkisti? —sasa.

Aymar Bibliia 1986

¹¹ Jesusasti uc uñjasinjja Pedrorojj sänwa: —Espadjja imañaparu uscum. Awquejjajj cuntï t'akhesiñ churquitu ucjja ¿janit t'akhesiñajjäquejja? —sasa.

Qullan Arunaca

¹¹ Jesusasti uc uñjasinjja Pedrorojj sänwa: —Espadjja imañaparu uscum. Awquejjajj cuntï t'akhesiñ churquitu ucjja ¿janit t'akhesiñajjäquejja? —sasa.

Juan 18:11 Jak'a apnaqawi uñst'ayäwi

2 Samuel 16:10

Reyisti sänwa: —Seruiá jaqin yuqanakapa, janiw jumanakan kuna lurañanakamas utjkiti. Ñanqhachaskitpan, Tatituw juparux ukham sispacha. Ukhamächi ukasti, ¿khitiraki: kunats ukham lurta saspasti? —sasa.

Salmos 75:8

8 (9) Tatitux wali q'apisitawa, mutuyañatakix jank'akiwa. May chuym ch'amakt'ayasin ukkhasti, jan khuyapt'ayasisaw q'apisiñapampix ñanqha lurir jaqinakar mutuyani.

Ezequiel 23:31

Kullakaman kayup arktaxa; ukatpï jichhax kunjämtix kullakamar mutuykta, ukhamarak jumarux mutuyäma” sasa.

Mateo 20:22

Jesusasti ukxarux sarakïnwa: —Jumanakax janiw yatipktati kuntix mayipkta ukxa. ¿Kawkïr k'allk'u umtix umt'kä uk umt'apxasmati? Jupanakasti sapxänwa: —Umt'apxiristwa —sasa.

Mateo 26:39

Jesusasti mä juk'a nayraqatar sartasinxa, killt'asisin ajanup uraqkam puriyasaw Diosarux mayisïna akham sasa: “Awkixay, wakischi ukax aka t'aqhisiñ apaqt'ita, ukampis jan nayan munañaxäpati, jan ukasti juman munañamäpan” sasa.

Mateo 26:42

Wasitat sararakikïnwa, ukatsti akham sasaw mayisïna: “Awkixay, t'aqhisiñaxatix wakisipunchixa, juman munañamax luraspan” sasa.

Lucas 12:30

Diosar jan uñt'ir jaqinakakiw taqi ukanakat llakisipxi; jumanakansti mä Awkiw utjapxtam, jupasti taqi ukanak jumanakan munapxatam yati.

Lucas 22:42

Sarakïnwa: “Awkixay, munsta ukax, aka t'aqhisiñat qhispiyita; ukampis jan munañaxax luratäpati, jan ukasti juman munañamak luraspan” sasa.

Juan 15:10

Nayan kamachinakaxtix phuqhapxätaxa, nayan munasiñaxan sarnaqapxäta, kamisatix nayax Awkixan arsutanakap phuqkta, ukatsti jupan munasiñapan sarnaqarakta ukhama.

Juan 17:24

“Awkixay, nayar katuykista ukanakax kawkintix nayax utjaskä ukan nayampi chikäpxapunpan, kawkïr ch'amtix jumax churkista uka ch'am uñjapxañapataki; jumasti akapachan janïr utjkipan munasista.

Juan 18:36

Jesusasti sarakïnwa: —Nayan markaxax janiw akapachankirïkiti. Ukhamäspa ukasti, arkirinakaxax nuwasipxasapänwa judionakar jan katuyatäñaxataki. Ukampis nayan markaxax janiw akapachankirïkiti —sasa.

Juan 20:17

Jesusasti juparux sänwa: —Jan katxäsistati, janïraw Awkixan ukar makhatkti. Ukampis jilanakaxar yatiyir saram, jupanakarusti sarakim: Nayax kawkinkkitix Awkixax ukaruw saraskta, jupasti jumanakan Awkimarakiwa, nayan Diosaxawa, jumanakan Diosamarakiwa —sasa.

2 Corintios 10:4

Nanakan nuwasiñ yänakaxax, janiw akapachankir yänakäkiti, jan ukasti nanakan nuwasiñ yänakaxax, taqi ch'amanaksa tukjirpacha Diosan ch'amapawa. Ukhamat jan wali arunak utjatap t'unjapxta,

2 Corintios 6:7

ukatsti Diosan chiqa arunakap jupan ch'amapampi parlapxatax laykuraki, kunatix chiqapäki uk arsupxta, ukampipuniw sayt'asipxarakta.

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.