Juan 14:12 - Qullan Arunaka DC

¹² Qhanak sapxsma, khititix nayar iyawskitu ukax, kuntix nayax lurkta ukanak lurarakini; ukat juk'amp jach'a luräwinakamp lurani, Awkixax kawkinkkitix ukar saratax layku.

Aymar Bibliia 1986

¹² Khanacwa sapjjsma, qhititejj nayar iyawsquitu ucajja, luraraquiniwa cuntejj nayajj lurctjja ucanaca, juc'amp jach'a luräwinacampwa lurani, Awquejjajj cawquincquitejj ucaru saratajj laycu.

Qullan Arunaca

¹² Khanacwa sapjjsma, qhititejj nayar iyawsquitu ucajja, luraraquiniwa cuntejj nayajj lurctjja ucanaca, juc'amp jach'a luräwinacampwa lurani, Awquejjajj cawquincquitejj ucaru saratajj laycu.

Juan 14:12 Jak'a apnaqawi uñst'ayäwi

Mateo 21:21

Jesusasti jupanakarux sänwa: —Qhanak sapxsma, jumanakantix iyawsañax utjaspa, janirak Diosan ch'amapatsa pächasipkasma ukax, janiw nayax kuntix lurkta ukak lurapkasmati, jan ukasti khä qullurutix: ‘Unxtam, jach'a qutar liwiranttam’ sapxasmaxa, lurasispawa.

Marcos 11:13

Ukatsti laphinakan mä higo quqa jayat uñtasaw achu apaqasiñatak jak'achasïna, uka quqansti janiw kuna achus utjkänti, jan ukasti laphinakakiw utjäna, higo apthapiñ janïra pachätap layku.

Marcos 16:17

Aka chimpunakaw iyawsirinak taypin utjani: Sutixan ñanqha ajayunak alissupxani; machaq arunak parlapxarakini;

Juan 14:28

Jumanakax niyaw ist'apxista: “Sarxäwa, ukatsti jumanak laykuw kutt'anï” siri. Jumanakatix chiqpachan munasipxitasmaxa, Awkin ukar sarataxat kusisipxasmawa, jupasti nayat sipan juk'ampiwa.

Juan 16:7

Ukampis kunatix chiqäki uk sapxsma: jumanakatakix nayan sarxañaxax askiwa. Nayatix jan sarkiristxa, janiw Chuymachirix jumanakar jutkaspati, ukampis nayatix saräxa, juparux khithanïwa.

Juan 4:37

Aka säwisti chiqak saski: ‘Mayniw yapuchi, maynisti achu apthapiraki’.

Juan 5:20

Awkix Yuqaruw munasi, jupax kunanaktix lurki uk uñacht'ayi; ukampis juk'ampi jach'a luräwinak uñacht'ayani, jumanakasti ukanak uñjasax muspharapxätawa.

Juan 7:33

Ukatsti Jesusax sarakïnwa: —Nayasti jumanakampix mä juk'a pachakiw akankä, ukatsti khithankitu ukaruw kuttawayxä.

Juan 7:39

Ukampix Jesusax sañ munäna, khitinakatix iyawsapkani ukanakax Qullan Ajayu katuqapxani; Qullan Ajayux janïraw jupanak taypinkkänti, Jesusan alaxpachar janïr aptatätap layku.

Hechos 10:46

Jupanakarusti jan uñt'at arunakat parlir ist'apxäna, Diosar yupaychir ist'apxarakïna.

Hechos 16:18

Uka tawaqusti walja urunakaw ukham arnaqasis arknaqapxitu. Pablotakisti uka arnaqasitapax janiw walïkxänti, ukat wali q'apisitaw kutikipstasin uka ajayur säna: “¡Jesucriston sutiparuw sisma: Uka tawaqut mistum!” sasa. Uka ajayusti ukspachaw tawaqur jaytanukuwayxäna.

Hechos 19:12

jaqinakax kuna isinaktix jupax llamkt'katayna ukanakampiw usutanakar apxatapxäna, usutanakasti waliptapxänwa, ñanqha ajayunakas jupanakat mistxarakïnwa.

Hechos 2:33

Jesusax Diosan kupïxapankañatak aptatänwa, ukatsti Dios Awkit Qullan Ajayu katuqaraki. Jichhasti Jesusax uka pachpa Qullan Ajayu churistu, jupan arsutaparjama. ¡Ukpï jumanakax uñjasipktaxa, ist'asipkaraktasa!

Hechos 2:41

Ukatsti, Pedron arunakapar ist'asin jaysirinakax, bautismo katuqapxäna; ukürusti niya kimsa waranqa jaqinakaw iyawsirinakarux yapxattäna.

Hechos 4:16

Sapxänwa: —¿Aka jaqinakarux kamachañänisa? Jerusalenan jakirinakax taqiniw uka muspharkañ lurapxatap yatipxi, jiwasanakasti janiw jan yatir tukkaraksnati.

Hechos 4:33

Apostolunakasti jach'a ch'amampiw Tatit Jesusan jiwatat jaktatapat qhanañchasipkakïna, Diosasti aski waxt'äwinakap jupanakxar warxatanïna.

Hechos 4:4

Ukampis Diosan arunakap ist'irinakat waljaniw iyawsapxäna; iyawsirinakasti chachanakkamaki jakhutax niya phisqa waranqanïnwa.

Hechos 5:15

Jaqinakax thakhinakaruw usutanak ikiñanakar kallnuqapxäna, Pedron uka chiqa sarakipas ch'iwipampikis jupanakat maynir ch'iwxatayañataki.

Hechos 6:7

Diosan arunakapax taqi tuqin yatiyasïna, iyawsirinakasti waljanipuniw Jerusalenan yapxattäna; judío sacerdotenakamppachaw Tatitur iyawsapxarakïna.

Hechos 8:7

Ñanqha ajayun mantat jaqinakasti waljaniw k'umaraptayat uñjasipxäna. Uka ñanqha ajayunakasti wararisisaw jupanakat mistxapxarakïna; suchu jaqinakampi, wixchu jaqinakampix waljaniw k'umaraptayat uñjasipxäna.

Hechos 9:34

Pedrosti ukham uñjasax sänwa: —Eneas, Jesucristow k'umaraptaytam. Jichhasti sartam, ikiñam apthapisxam —sasa. Eneasasti ukspachaw sartxäna.

Hechos 9:40

Pedrosti taqiniruw anqar khitsunïna. Jupasti killt'asisin Diosat mayïna; jiwat warmir uñxatasinsti sarakïnwa: —¡Tabitá, sartam! —sasa. Ukspachaw warmix uñatatäna, Pedror uñkatasinsti, qunt'asïnwa.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.