Juan 14:13 - Qullan Arunaka DC

¹³ Taqi kuntix jumanakax sutixar mayipkäta uk nayax lurä, ukhamat Awkin jach'a kankañap Yuqa tuqi uñacht'ayatäñapataki.

Aymar Bibliia 1986

¹³ Take cuntejj jumanacajj sutejjaru mayipjjäta ucjja, nayajj luräwa, Yokajj Awquin jach'a cancañap uñacht'ayañapataqui.

Qullan Arunaca

¹³ Take cuntejj jumanacajj sutejjaru mayipjjäta ucjja, nayajj luräwa, Yokajj Awquin jach'a cancañap uñacht'ayañapataqui.

Juan 14:13 Jak'a apnaqawi uñst'ayäwi

Mateo 21:22

Taqi kuntix iyawsañ chuymampi Diosar mayisipkäta ukxa, katuqapxätawa.

Mateo 7:7

“Mayipxam, Diosax churapxätamwa; thaqhapxam, jikxatapxätawa; punku liqt'apxam, jist'aratäpxätawa.

Marcos 11:24

Ukatpï sapxsmaxa, taqi kuntix Diosat mayipkät ukaxa, katuqapkasmas ukham iyawsapxäta, ukasti ukhamapunïniwa.

Lucas 11:9

Ukhamasti nayax sapxsmawa: Mayipxam, Diosasti churapxätamwa; thaqhapxam, jikxatapxätawa; punku liqt'apxam, jist'aratäpxätawa.

Juan 10:30

Awkimpi nayampix mayakïpxtwa —sasa.

Juan 12:44

Jesusax jach'at arsusin jupanakarux säna: “Khititix nayar iyawskitu ukax, khithankitu uka Awkixaruw iyawsaraki.

Juan 13:31

Judasan mistuwayatapatsti, Jesusax sänwa: —Jichhax Jaqin Yuqapan jach'a kankañapax uñstiwa, Diosan jach'a kankañapas jupxan uñstaraki.

Juan 14:14

Kuntix nayan sutixar mayipkitäta uk nayax lurä.

Juan 14:6

Jesusasti sarakïnwa: —Nayätwa thakhixa, chiqasa, jakañasa. Naya tuqikiw Awkin ukar puriñax utji.

Juan 15:16

Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Juan 15:7

“Jumanakatix nayampi mayakïsipkätaxa, yatichäwinakaxarus jaysapxarakïtaxa, mayipxam kuntix munapkäta uka, ukatsti churatäpxätawa.

Juan 16:23

“Uka urunsti janiw kunsa jiskt'xapxitätati. Qhanak sapxsma, kuntix nayan sutixar mayipkäta ukxa Awkix churapxätamwa.

Juan 16:26

Khä urunxa, jumanakax nayan sutixaruw mayipxäta; ukampis janiw Awkixar nayan jumanakatak mayiñax wakiskxaniti,

Juan 16:7

Ukampis kunatix chiqäki uk sapxsma: jumanakatakix nayan sarxañaxax askiwa. Nayatix jan sarkiristxa, janiw Chuymachirix jumanakar jutkaspati, ukampis nayatix saräxa, juparux khithanïwa.

Juan 4:10

Jesusasti juparux sänwa: —Jumax janiw yatktati kuntix Diosax churañ munktam uka, janirakiw yatktati khitïtsa nayax uka. Yatisma ukkhasti, jumaw nayarux uma mayitasma, nayasti jakkir uma churirisma —sasa.

Juan 4:14

nayax churkä uka umat umiristi, janiw mayampis pharjayaskxaniti. Kawkïr umtix nayax churkä ukax, jupa pachpan wiñay jakañatak jalsur uma phuch'uruw tukuni —sasa.

Juan 5:19

Jesusasti jupanakarux sänwa: “Qhanak sapxsma, Diosan Yuqapax janiw kunsa jupa pachpat lurkaspati, jan ukasti, kuntix Awkix lurki ukarak luri.

Juan 7:37

Phunchhäwi tukuy urux juk'amp jach'a urünwa. Ukürusti, Jesusax sayt'asisin jach'at arsüna: —Khititix umat pharjatäskchi ukax nayar jutpan, nayar iyawsiristi, ukat umt'arakpan. Kamisatix Qillqatan siski: “Nayar iyawsirin chuymapatxa, jakaskir umani jawiranakaw jalsuni” —sasa.

1 Corintios 14:13

Ukhamasti jan uñt'at arunak parlirixa, uka arunak qhanañchañatakix Diosat ch'am maypan.

Efesios 2:18

Taqiniw Cristo tuqi, judionakasa jan judionakasa, mä sapa Ajayu tuqiki Awkirux jak'achastan.

Efesios 3:12

Cristo tuqiw Diosar jan axsaras jak'achasiñasax utji, jupar iyawsañatak churkistu uka iyawsañampi.

Efesios 3:14

Ukat nayax Dios Awkin nayraqatapan killt'asta,

Filipenses 4:13

Criston ch'amapampix taqi kunaruw saykatirista.

Colosenses 3:17

Kuntix lurapkäta, arsupkäta ukkhasti, Tatit Jesusan sutipar lurapxam, Jesucristo tuqi Dios Awkir yuspagarasa.

Hebreos 13:15

Ukat Diosarux Jesucristo tuqi yupaychañasa. Aka yupaychañsti aski waxt'äwjam luqtañasawa. ¡Ukhamasti lakanakasampi yupaychapxañäni!

Hebreos 4:15

Jiwasan Jilïr sacerdotesax t'ukha kankañasan khuyapt'ayistaspa, jupax uka kipkarakiw kunayman yant'anakan jiwasjam uñjasïna, ukampis jupax janipuniw juchar purkänti.

Hebreos 7:25

Ukat jupa tuqi Diosar jak'achasirinakarux wiñayatak qhispiyaspa, jupanakatak Diosar mayiñatakix jupax wiñayatakiw jaki.

Santiago 1:5

Jumanakat maynintix yatiñ kankañapax jan utjkchi ukaxa, Diosat mayispan, jupasti churaniwa; Diosax jilarkiri, jan kun kamsasaw taqinir churi.

Santiago 5:16

Ukalayku, jumanakax maynit maynir juchanakam arsusipxam, ukatsti k'umaraptañatakix sapa maynitak Tatitur mayipxarakim. Mä aski jaqin taqi chuymampi Tatitur mayitapax wali ch'amaniwa.

1 Pedro 2:5

Ukatpï Diosax jakkir qalanak tukuyapxätamxa, uka qalanakampix ajay templo sayt'ayani, jumanakarux qullana sacerdotenak tukuyani, Jesucristo tuqi ajayun suma luqtäwinakam Tatitur churañataki.

1 Juan 3:22

kuntix maykañän uk jupax churistani, arunakaparjam phuqhatas layku, munataparjam luratas laykuraki.

1 Juan 5:14

Diosar iyawsañaw utjistu, jiwasax yattanwa, jupan munañaparjamatix mayiñän ukkhaxa, jupax ist'istuwa.