Juan 13:23 - Qullan Arunaka DC

²³ Manq'apkän ukkhasti, Jesusan maynïr wali munat yatiqiripax jupa jak'ankaskänwa,

Aymar Bibliia 1986

²³ Jesusan maynïri wali munat discipulopajja, jupan jac'apanwa mank'ascäna.

Qullan Arunaca

²³ Jesusan maynïri wali munat discipulopajja, jupan jac'apanwa mank'ascäna.

Juan 13:23 Jak'a apnaqawi uñst'ayäwi

2 Samuel 12:3

ukampis jan utjirin jaqinxa mä sapa jisk'a ovejapakiw utjäna, uksti alasitaynawa. Jupa kipkaw uka oveja uywasïna, uka jisk'a ovejasti jupampi, wawanakapamp chikaw jilasïna; jupan manq'ap manq'asïna, umañapat umasïna, jupampi chikaw ikisirakïna. ¡Uka jaqisti jisk'a ovejaparux mä imill wawaparjamaw munasïna!

1 Reyes 4:5

Natán chachan Azarías yuqapa, marka apnaqirinakan jilïripa; Natán sacerdoten Zabud yuqapa, reyin amuyt'ayiripa;

Lucas 16:22

Mä uruw uka jan kunan jaqix jiwxäna, ukatsti angelanakaw Abrahaman thiyapar qunt'asiñapatak apxapxäna. Qamir jaqisti jiwxarakïnwa, juparusti imantxapxänwa.

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 11:3

Aka pani kullakaw Jesusar yatiyäna. —Tatay, munasit jilat masimax usutawa —sasa.

Juan 11:36

Judionakasti sapxarakïnwa: —Uñtapxam, walpun jupar munasitayna —sasa.

Juan 11:5

Jesusax Martaru, kullakaparu, Lazaror wal munasïna,

Juan 13:24

Simón Pedrosti juparuw amparampi wikucht'i, khititsa parli uk Jesusar jiskt'añapataki.

Juan 13:25

Ukat jupax Jesusar jak'achasisin jiskt'äna: —Tatay, ¿khitirakisti? —sasa.

Juan 19:26

Jesusasti, María taykaparuw uñjäna munat yatiqiripamp chikt'ata, ukat taykaparux säna: —Warmi, ukaxay yuqamaxa —sasa.

Juan 20:2

Ukham uñjasinsti, Simón Pedrompiru, Jesusan wali munat yatiqiripampir yatiyiriw jaläna, jupanakarusti sarakïnwa: —Tatitun amayap sepulturat apasxapxatayna, janiw kawkir apapxatapsa yatipkti —sasa.

Juan 21:20

Pedrosti kutikipstasin, Jesusan wali munasit yatiqiripar qhipat jutaskir uñjäna, manq'apkän ukkhax uka pachpa yatiqiriw Jesusan jak'apankäna, ukat Jesusarux jiskt'äna: “Tatay, ¿khitirak aljantätamsti?” sasa.

Juan 21:24

Akanak arsuristi, uka kipka yatiqiriwa, jupaw qillqawayi, jiwasanakasti jupan arsutapan chiqätap yatipxtan.

Juan 21:7

Ukat Jesusan wali munat yatiqiripax Pedror säna: —¡Tatituwa! —sasa. Simón Pedrosti, Tatitütap yatisinxa, ukspachaw patxa isip uchasisin umar t'iskuntäna.