Juan 10:4 - Qullan Arunaka DC

⁴ ovejanakan uyut taqpach mistxipansti, ovejanakan nayraqatap sari, ovejanakasti juparuw arkapxi arup uñt'apxatap layku.

Aymar Bibliia 1986

⁴ Uyut takpacha ovejanac ansusinsti, ovejanacan nayrakatapwa sararaqui, ovejanacasti arcapjjaraquiwa arup uñt'apjjatap laycu.

Qullan Arunaca

⁴ Uyut takpacha ovejanac ansusinsti, ovejanacan nayrakatapwa sararaqui, ovejanacasti arcapjjaraquiwa arup uñt'apjjatap laycu.

Juan 10:4 Jak'a apnaqawi uñst'ayäwi

Cantar de los cantares 2:8

¡Munasitaxax niyaw purisinki! ¡Arupxa niyaw ist'xarakta! Qullunak patanjam thuqtas thuqtasaw juti, jisk'a qullunak patanjam t'isktas t'isktasaw juti.

Cantar de los cantares 5:2

Nayax ikiskäyätwa, ukampis chuymaxan janiw ikkäyätti. Ukatsti munasitaxan punkut jawsasinitap ist'ta: “Kullakita, nayan jan llamkt'at palomitaxay, jist'arita! ¡P'iqixax sullamp sullantatawa! ¡Arum sullaw ñik'utaxan jalaski!” sasa.

Mateo 16:24

Jesusasti yatiqirinakaparux sarakïnwa: —Maynitix nayar arkañ munchituxa, jupa kipkat armt'aspan, cruzap q'ipxarpan, ukatsti nayar arkitpan.

Juan 10:16

Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Juan 10:27

Ovejanakaxasti nayan arux sum uñt'i, nayas uñt'araktwa, ukat jupanakax nayar arkapxitu.

Juan 10:3

Punku uñjiristi, awatirin mantañapatakiw uta punku jist'ari, awatiristi ovejanakarux sutipatkam jawsi, ovejanakasti awatirin arup ist'apxi, ukatsti awatirix uyut ansuraki,

Juan 10:5

Ukampis mä jan uñt'atarux janiw arkapkiti, jan ukasti, jaltxapxiwa, uka yaqha jaqin arup jan uñt'apxatap layku.”

Juan 10:8

Khitinakatix nayat nayra jutapkän ukanakax jalxatir lunthatanakäpxiwa, ukat ovejanakax jan yäqapkänti.

Juan 12:26

Maynitix luqtañ munchituxa, arkitpan, nayar arkiristi, nayamp chikaw utjasini. Nayar arkasin luqtirirusti, Awkixaw jach'añchaskani —sasa.

Juan 13:15

Nayax jumanakaruw uñacht'ayapxsma, kunjämtix nayax jumanakar lurapksma uka pachpa lurapxañamataki.

Juan 18:37

Ukatsti Pilatox Jesusar jiskt'änwa: —¿Ukhamasti jumax Reyïtati? —sasa. Jesusasti sänwa: —Jumaw nayan Reyïtax arsusktaxa. Nayax ukatakiw yurta, kunatix chiqäki uk yatiyiriw akapachar jutta. Taqi khitinakatix chiqan sarnaqki ukanakax nayan arux ist'apxi —sasa.

Juan 3:29

Mä jaqichasïwinxa, jaqichasir tawaqumpi mayachasirix jaqichasir waynawa; jaqichasir waynan jila masipax, arsutap ist'asin wal kusisi. Uka pachparakiw nayax kusista.

1 Corintios 11:1

Jumanakax nayat yatiqasis sarnaqapxam, kunjämtix nayax Cristot yatiqasis sarnaqkta ukhama.

Efesios 5:1

Jumanakasti, Diosan munat wawanakapjamax jupat yatiqasipxam.

Deuteronomio 1:30

Tatit Diosamaw jumanakan nayräxam saraski, jumanakat arxatasisaw nuwasirakini, kamisatix Egipto markan lurir uñjapxta,

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

Hebreos 6:20

kawkirutix Jesusax jiwasatak thakhi jist'arañatak mantkän ukawjaru, ukhamaw Jesusax wiñayatak mä Jilïr sacerdote tukuwayi, Melquisedec sacerdotjama.

1 Pedro 2:21

Ukatakipï Diosax jawsapxtamxa, Cristox jumanak laykuw t'aqhisiwayi, jumanakar mä suma uñacht'äwi jaytasa, ukhamat kayup arkapxañamataki.

1 Pedro 4:1

Ukatpï jilatanaka, kunjämtix Cristox janchipan t'aqhisiwayixa, jumanakax jank'akïpxañamaw ukham t'aqhisiñatakixa. Janchin t'aqhisirixa, juch apanukuwayxi,

1 Pedro 5:3

Jumanakax jupanakxarux janiw kuna munañanïpktasa, jan ukasti jupanakarux mä sum uñacht'ayas sarnaqapxam.