Juan 10:3 - Qullan Arunaka DC

³ Punku uñjiristi, awatirin mantañapatakiw uta punku jist'ari, awatiristi ovejanakarux sutipatkam jawsi, ovejanakasti awatirin arup ist'apxi, ukatsti awatirix uyut ansuraki,

Aymar Bibliia 1986

³ Punc uñjiristi awatirin, mantañapataquisti punc jist'ari, ovejanacasti arupjja uñt'araquiwa. Ovejanacarojj sutipatcamwa jawsi, ovejanacarusti uyutjja ansuraquiwa.

Qullan Arunaca

³ Punc uñjiristi awatirin, mantañapataquisti punc jist'ari, ovejanacasti arupjja uñt'araquiwa. Ovejanacarojj sutipatcamwa jawsi, ovejanacarusti uyutjja ansuraquiwa.

Juan 10:3 Jak'a apnaqawi uñst'ayäwi

Salmos 80:1

1 (2) Israel markan awatiripa, ist'apxakitaya, ovej tamar uñtat Josean markapar irpiripa, jaysapxakitaya; querubines sat taypin qunuñaman qunt'asiri, ist'apxakitaya. Efrainan ayllunakaparux uñtanikimaya,

Éxodo 33:17

Tatitusti sarakïnwa: —Kuntix siskta ukxa, lurarakïwa, arsutamar jaysatax layku, nayraqataxan khuyapayasiñax jikxatatam laykuraki —sasa.

Proverbios 27:23

Uywanakam sum uñjasim, ovej tamanakamat llakisipunim,

Cantar de los cantares 8:13

¡Panqar yapunakan reinapa, arsutam ist'ayita! ¡Jilat masinakasax arsutam ist'añ munapxi!

Isaías 40:11

Kunjämatix mä awatirix ovejanakap sum uñjasixa, ukhamarakiw jupax amparapar ovejanak ichxart'asi, jichha wawachat ovej qallunakarus sum uñjaraki.

Isaías 42:16

Juykhunakarusti jan uñt'at thakhinakanjam irpä. Jupanakan nayraqatapansti ch'amakxa qhanaruw tukuyä, qullunaksti pampa uraqiruw tukuyä. Taqi ukanaksti lurapunïwa.

Juan 10:14

“Nayätwa suma awatirixa. Kamisatix Awkixax nayar uñt'kituxa, nayax Awkixar uñt'araktxa; uka pachparakiw nayax ovejanakaxarux uñt'asta, ovejanakaxasti nayarux uñt'asirakituwa. Nayax ovejanakax laykuw jakañax apt'asirakta.

Juan 10:16

Yaqha ovejanakax utjarakituwa; ukanakasti janiw aka tamankirïkiti; ukanakarux anakiniñaxarakiwa. Jupanakax ist'apxitaniwa, ukatsti mä sapa tamakïniwa, mä sapa awatirinikiraki.

Juan 10:4

ovejanakan uyut taqpach mistxipansti, ovejanakan nayraqatap sari, ovejanakasti juparuw arkapxi arup uñt'apxatap layku.

Juan 10:9

Nayätwa punkuxa; naya tuqi mantirix qhispiyatäniwa. Kunjämatix mä ovejax uyuru manti, misturaki, ukatsti ch'ijinak jikxati, ukhamäniwa.

Juan 6:37

Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Juan 6:45

Profetanakan qillqatapan akham siwa: ‘Diosax taqiniruw yatichani.’ Khitinakatix jupar ist'apki, jupat yatiqapkaraki ukanakax nayaruw jutapxi.

Romanos 8:30

Diosasti khitinakarutix qalltatpach ajlliski jupanakarux jawsarakiwa; jawsatanakaparusti, aski jaqinakat katuqi; aski jaqinakat katuqasasti, jupamp chikäñapatakiw qhapaq kankañapan ucharaki.

1 Corintios 16:9

ukansti Tatitutak lurañax waliw utjarakitu, waljanis nayar uñisir utjkchi ukasa.

Filipenses 4:3

Juma, nayampi chik irnaqiri, jumaruw uka kullakanakar yanapt'añamatak achikt'assma, jupanakasti nayamp chikaw qhispiyasiñ arunak yatiyañan irnaqapxäna, Clemente jilatampi, mayni yanapirinakaxampi kunaw irnaqapxäna. Jupanakan sutinakapasti wiñay jakañ qillqatan qillqantatäxiwa.

Colosenses 4:3

Nanakatakis Diosat mayipxarakim, Tatitun punkunak jist'arañapataki, ukat arunakap parlañataki, Criston imantat amtäwip qhanañchañataki, uka laykuw jichhas nayax katuntatäskta.

2 Timoteo 2:19

Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

1 Pedro 1:12

Ukampis Diosax jupanakaruxa, kuntix yatiyapkäna ukax jan jupanakatakïtapa, jan ukasti jiwasatakïtap amuyt'ayarakïna. Ukatpï jichhax, jumanakarux uka pachpa arunak khitinakatix parlapktam jupanak tuqi yatiyataxa. Jupanakasti alaxpachat khithanit Qullan Ajayun ch'amapampiw parlapxaraktamxa. Angelanakasti ukanak uñjañ munapxarakïnwa.

1 Juan 4:6

Ukampis jiwasanakax Diosankirïpxtanwa. Khititix Diosar uñt'ki ukax ist'istuwa; jan Diosankirïki ukasti janiw ist'kistuti. Ukham tuqikiw chiqa ajayunirux uñt'sna, khititix k'ari ajayunïki ukarus uñt'araksna.

3 Juan 1:14

nayax jank'akiw jumar uñjañ munsma, ukapachaw jumampix parlasiñäni.

Apocalipsis 20:15

khitinakan sutinakapatix wiñay jakañ qillqatan jan qillqatäkän ukanakax, ukar jaquntataw uñjasipxäna.

Apocalipsis 3:20

Uñtam, nayax punkunkasktwa, jawsaskaraktwa; khititix nayan aruxa ist'asin jist'aritanixa, nayax jupan ukaruw mantä, jupampiw manq'asirakï.

Apocalipsis 7:17

qhapaq qunuñ taypinkki uka Corderow jupanakarux ovejanakarjam awatini, jakkir uma jalsunakaruw anakirakini, Diosasti taqi jachanakap nayranakapat phiskhurxani” sasa.