Juan 10:33 - Qullan Arunaka DC

³³ Judionakasti Jesusarux sapxarakïnwa: —Janiw aski luratanakamat qalampi k'upjapkämati, jan ukasti, Diosar ñanqhachatamat k'upjapxäma. Jumax mä jaqikïtawa, ukampis Diosaruw tukuñ muntaxa —sasa.

Aymar Bibliia 1986

³³ Judionacasti ucjjarojj sapjjaraquïnwa: —Janiw asqui luratanacamatjja kalamp c'upjapcämati, jan ucasti Dios toke parlatamatwa. Jumajj mä jakequïtawa, ucampis Diosaruw tucuñ muntajja —sasa.

Qullan Arunaca

³³ Judionacasti ucjjarojj sapjjaraquïnwa: —Janiw asqui luratanacamatjja kalamp c'upjapcämati, jan ucasti Dios toke parlatamatwa. Jumajj mä jakequïtawa, ucampis Diosaruw tucuñ muntajja —sasa.

Juan 10:33 Jak'a apnaqawi uñst'ayäwi

1 Reyes 21:10

Ukxarusti pani k'ari irkatir jaqinak jupa nayraqatan qunt'ayapxarakim, ukatsti jupar irkatapxpan akham sasa: ‘Nabot chachax Diosampiru, reyimpiruw ñanqhachi’ sasa. Ukatsti anqar irpsusin qalamp k'upjaskam jiwayapxam” sasa.

Salmos 82:6

Nayax sapxsmawa: Jumanakax diosanakäpxtawa; taqpachanix Alaxpachankirin wawanakapäpxtawa;

Levítico 24:14

“Kawkïr jaqitix nayar ñanqhachkitu ukarux campamentot anqäxar irpsupxam, khitinakatix nayar ukham ñanqhachatap ist'apkäna ukanakasti amparanakap uka ñanqhachir jaqin p'iqipxar luqxatapxpan, ukatsti uka jaqirux qalampi k'upjas jiwayapxpan.

Juan 10:24

Judionakasti Jesusar muyuntasaw jiskt'apxäna: —¿Kunapachkamarak pächasiyapxitätasti? Jumatix Cristösta ukax, jichhpachay sapxita —sasa.

Juan 10:30

Awkimpi nayampix mayakïpxtwa —sasa.

Juan 10:32

Jesusasti jupanakarux sarakïnwa: —Jumanak nayraqatan Awkixan ch'amapampix askinak lurta; ¿kawkïr lurataxatarak qalampi k'upjañ munapxistasti? —sasa.

Juan 19:7

Judeankir jilïr jaqinakasti sapxarakïnwa: —Mä kamachiw nanakan utjapxitu, uka kamachirjamasti, Diosan Yuqap tukutap laykux jiwañapawa —sasa.

Juan 5:18

Ukham arsutapat judionakax jiwayañpun munapxäna, janiw sábado uru p'akintatapatakti, jan ukasti, “Diosax Awkixawa” sas arsutapampix, Diosäkaspa ukham tukutap amuyapxäna.

Romanos 13:1

Taqiniw marka apnaqir jilïr jaqinakarux jaysapxañama. Jilïr kankañax Diosat juti, utjkis ukanakasti jupan uchatawa.

Filipenses 2:6

Jupax Diosäkchïn ukasa, janiw Diosjam uñjatäñ munkänti,