Juan 10:32 - Qullan Arunaka DC

³² Jesusasti jupanakarux sarakïnwa: —Jumanak nayraqatan Awkixan ch'amapampix askinak lurta; ¿kawkïr lurataxatarak qalampi k'upjañ munapxistasti? —sasa.

Aymar Bibliia 1986

³² Jesusasti jupanacarojj saraquïnwa: —Jumanacan nayrakatanacamanjj asquinacwa lurta Awquejjan ch'amapampi. ¿Cawquïri luratanacajjatsa kalampi c'upjapjjetäta?

Qullan Arunaca

³² Jesusasti jupanacarojj saraquïnwa: —Jumanacan nayrakatanacamanjj asquinacwa lurta Awquejjan ch'amapampi. ¿Cawquïri luratanacajjatsa kalampi c'upjapjjetäta?

Juan 10:32 Jak'a apnaqawi uñst'ayäwi

Salmos 35:12

Aski lurataxatxa, jan walimpiw kutiyapxitu, ukhamätanakapax walpun llakisiyitu;

Eclesiastés 4:4

Jan inakt'as irnaqaña, nayraqatar sartañax maynit maynikam jilankañ thaqhatapak uñjarakta, ukasti inamayarakikiwa, thayarus katthapiñ munksna ukhamakiwa.

Jeremías 37:18

Ukxarusti Jeremiasax Sedequías reyiruw jiskt'asirakïna: —¿Kuna jucharak nayasti juma reyi tuqi lurta, jilïrinakam tuqisa, jan ukax jaqinak tuqisa, nayar carcelar apantapxañamatakisti?

Mateo 11:5

Juykhunakax uñjxiwa, kayu usutanakas sarnaqxiwa, lepra usuninakax q'umachatäxiwa, uqaranakas ist'xiwa, jiwatanakax jaktxiwa, jan kunaninakarus qhispiyasiñan utjatapax yatiyatäxarakiwa.

Juan 10:25

Jesusasti jupanakarux sarakïnwa: —Nayax niyaw sapxsma, ukampis jumanakax janiw iyawsapkistati. Kunanaktix nayax Awkixan munañapat lurkta ukanakax, sum qhanañchaski;

Juan 10:31

Judionakasti qalanak irtasisin wasitatampiw k'upjañ munapxäna,

Juan 10:33

Judionakasti Jesusarux sapxarakïnwa: —Janiw aski luratanakamat qalampi k'upjapkämati, jan ukasti, Diosar ñanqhachatamat k'upjapxäma. Jumax mä jaqikïtawa, ukampis Diosaruw tukuñ muntaxa —sasa.

Juan 10:37

Janitix nayax Awkixan luräwinakap lurksta ukax, jan iyawsapxistati.

Juan 5:36

Ukampis Juanat sipan yaqhaw nayat arsurix utji. Kuntix nayax lurkta ukaxa, Awkix lurañaxatak katuykitu ukawa; ukasti Awkin nayar chiqpach khithanitap yatiyi.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Hechos 2:22

“Israelitanaka, aka arunak sum ist'apxita: Diosax jumanak taypin Nazaretankir Jesusan munañanïtap uñacht'äwayi, jupa tuqi jach'a muspharkañ luräwinaka, unañchäwinak lurasa, uka luratanaksti jumanakax sum yatipxtaxa.

1 Juan 3:12

Janiw Caín chachjamäñasäkiti, jupax supayankatap laykux jilaparuw jiwayi. ¿Kunatsa jiwayänxa? Cainan luratanakapax janiw walïkänti, jilapan luratapasti askïnwa.