Josué 8:1 - Qullan Arunaka DC

¹ Tatitux Josué chacharux sänwa: “Jan axsaramti janirak mayjt'asimsa. Taqpach ejercitomampi Ai markar nuwantir sarxarum, nayaw Ai markan reyiparu, jaqinakaparus atipt'ayäma. Markapasa, uraqinakapas jumankaniwa,

Aymar Bibliia 1986

¹ Diosajj Josué chacharojj sänwa: “Jan jumajj ajjsaramti ni sustjasimsa. Ejercitomampi saram ucatsti Hai sat marcaru t'unjanim; nayaw amparamaru churäma Hai marcan reyipsa, take marcapsa uqhamaraqui take orakepsa. Marcapasa, orakenacapasa jumancaniwa.

Qullan Arunaca

¹ Diosajj Josué chacharojj sänwa: “Jan jumajj ajjsaramti ni sustjasimsa. Ejercitomampi saram ucatsti Hai sat marcaru t'unjanim; nayaw amparamaru churäma Hai marcan reyipsa, take marcapsa uqhamaraqui take orakepsa. Marcapasa, orakenacapasa jumancaniwa.

Josué 8:1 Jak'a apnaqawi uñst'ayäwi

Salmos 27:1

Tatituw qhanaxasa, qhispiyasiñaxasa, ¿khitirurak axsarästi? Tatituw jakañaxar arxati, ¿khitirurak axsarästi?

Salmos 44:3

3 (4) Janiw ch'amampiti, espadampisa atipjapkiti, jupanak sapakix janiw uka uraq katuntasipkiti. ¡Jan ukasti, amparamampi, ch'amamampiwa! ¡Juman qhanamampiw atipjapxi, jupanakar munasitam layku!

Salmos 46:11

11 (12) ¡Taqi ch'aman Tatitux jiwasampïskiwa! ¡Arxatirisax Jacobun Diosapawa!

Isaías 12:2

Tatit Diosaw nayar qhispiyitu, juparuw iyawsta, janiw kunsa axsarkti. Tatituw nayan arxatirixaxa, nayar ch'amañchirixasa, jupaw qhispiyirixaxa.”

Isaías 43:2

Taqi jan walt'añanakamanxa, nayaw jumampiskä; jawiranaksa makhatawayaskätawa, janiw umampi axskatas jiwkätati; ninanjam sarakipañamächixa, janiw nakhantat uñjaskätati,

Jeremías 46:27

“Jacobun markapa, jan axsaramti; Israel marka, jan axsaramti. Jumampiru, wawanakamampirux nayaw qhispiyapxäma, apayatäpkta uka Babilonia markata. Wasitat sumaki jakasxäta, k'uchiki, jan khitinsa mulljataw jakasxarakïta.

Jeremías 49:3

“Hesbón marka, Ai markan t'unjatätapat jacham. ¡Rabá markankir warminaka, jach'at wararipxam! ¡Chhankha isimpi isthapisipxam, chuymanakam liq'isipxam! ¡Luqhinakar uñtat jalanaqapxam, janchinakamsti chhuxriñchjasipxarakim! Milcom diosax jaya markar apatäniwa, sacerdotenakapampi, jupan jilïr jaqinakampi chika.

Daniel (hebreo) 2:21

Jupaw pachanaksa, maranaksa mayjt'ayi, jupaw reyinakar utt'ayi, juparakiw jaquqaraki. Yatiñaninakarux juk'amp yatiñ churi, ch'ikhinakarusti juk'amp ch'ikhi chuyma churaraki.

Daniel (hebreo) 4:25

25 (22) Juma reyix jaqinak taypit yaqhachatäxätawa, pampa laq'unakamp chikaw jakarakïta, vacanakjamaw quranak manq'äta, janchimxarus sullaw sullantarakini. Ukhamaw juma jach'a reyix paqallq mara jakäta, alaxpachankir Diosan taqi akapachan marka apnaqäwinakxarus munañanïtapa yatiqañamkama, khitirutix jupax munki ukaru marka apnaqirit utt'ayatapa.

Daniel (hebreo) 4:35

35 (32) Jupa nayraqatan taqi akapachankir jaqinakax janiw kunäkisa; jupax munañaparjamaw apnaqi, alaxpachansa, akapachansa. Janiw khitis ch'amapar saykatirjamax utjkiti, janirakiw khitis jupar jiskt'karakispati ¿kunatsa ukham lurta?’ sasa.

Mateo 8:26

Jupasti sarakïnwa: —¡Juk'a iyawsañan jaqinaka! ¿Kunatsa sinti mulljasipxta? —sasa. Uk sasinsti, sartasisin thayampiru qutampiruw tuqinuqäna, arsutaparusti thayasa, qutas t'akurawayxänwa.

Deuteronomio 1:21

Jumanakan Tatit Diosamaw aka uraqinak churapxtam, jichhasti mantapxamaya, awkinakaman Tatit Diosapan arsutaparjam utjantasipxam. Jan axsarapxamti janirak ch'amanakamsa jiwt'ayasipxamti’ sasa.

Deuteronomio 31:8

Tatituw juman nayräxam sarani, jumampïskaniwa; janiw jaytkätamti janirakiw antutkätamsa; ukhamasti, jan axsaramti, janirak llajllasimsa.”

Deuteronomio 7:18

¡Ukampis jumanakax jan axsarapxamti! Sum amtasipxam kunjämtix Tatit Diosamax faraón reyimpiru, egipcionakampir lurkän ukanaka.

Deuteronomio 7:21

Ukhamasti jumanakax jan jupanak nayräxan khathatipxamti, jumanakan Tatit Diosama, jach'a axsarkañ Tatituw jumanakampïski.

Josué 1:9

Nayaw jumarux ch'amani sayt'asiñamatak sisma. Jan axsaramti, janirak mayjt'asimsa, naya, Tatitu Diosamaw kawkharutix sarkäta ukkhan jumampïskä” sasa.

Josué 10:7

Ukatsti Josué chachax jan axsarir soldadonakapampiw Guilgal chiqat mistuwayäna,

Josué 10:8

Tatitusti Josué chacharux sänwa: “Jan jupanakar axsaramti, nayaw amparamar katuyaskäma, janirakiw jupanakat khitis saykatkätamti” sasa.

Josué 2:24

Juparusti sapxänwa: “Tatitux taqi uka uraqinak amparasaruw katuyistu, jichhasti uka uraqin jakir jaqinakax jiwasat yatisax axsarañat wal khathatipxi —sasa.

Josué 6:2

Ukampis Tatitux Josué chacharux sänwa: “Nayaw jumarux Jericó marksa, reyipsa, soldadonakapsa amparamar katuysma.

Josué 7:9

Cananeonakasa, uka chiqan jakir jaqinakasa ukanak yatipxaniwa, ukatsti jupanakax mayacht'asisin nanakar chhaqtayañkamaw tukjapxitani. Jumasti, ¿kunarak luräta jach'a sutiman jan p'inqachatäñapatakisti? —sasa.