Josué 7:26 - Qullan Arunaka DC

²⁶ Ukxarusti Acán chachan amayap patxarux walja qalanak phinxatapxäna, ukasti jichhakamaw ukankaski. Ukat uka chiqax jichhürkam Acor qhirwa sataxa. Ukhamat Tatitun q'apisiñapax Israel markatak tukusïna.

Aymar Bibliia 1986

²⁶ Ucjjarusti Acan chachan amayap patarojj walja kalanac montont'apjjäna, jichhacamaw uca kalanacajj ucancasqui, ucatwa uca chekajj jichhürunsa Acor valle satajja. Uqhamatwa Tatitun Israel marcapatac colerasiñapajj samarjjaraquïna.

Qullan Arunaca

²⁶ Ucjjarusti Acan chachan amayap patarojj walja kalanac montont'apjjäna, jichhacamaw uca kalanacajj ucancasqui, ucatwa uca chekajj jichhürunsa Acor valle satajja. Uqhamatwa Tatitun Israel marcapatac colerasiñapajj samarjjaraquïna.

Josué 7:26 Jak'a apnaqawi uñst'ayäwi

2 Samuel 18:17

Ukatsti Absalonan janchip katusinxa, uka ch'umin utjir mä jach'a p'iyaruw jaquntapxäna, uka patxarusti qalanak phint'apxäna. Ukatsti israelitanakax utanakaparuw jaltxapxäna.

2 Samuel 21:14

ukatsti, Saúl reyin Quis sat awkipan imäwiparuw imt'ayxäna. Uka amay imäwisti Selá chiqankänwa, Benjamín uraqina. Taqi kunas David reyin arsutaparjam phuqhasipansti, Tatitux mayisitanakap ist'änwa, markarusti askinakampiw phuqt'äna.

2 Crónicas 29:10

Nayax Israelan Tatit Diosapampi mä suma arust'äwir mantañatakiw amtasta, ukhamat q'apisiñapa jiwasat apaqañapataki.

Esdras 10:14

Jilïrinakaxana akanak askichañatak nanak lanti Jerusalenan qhiparapxañapax askïspawa, ukatsti khitinakatix yaqha markanakankir warminakamp jaqichasipki ukanakax markapankir jilïrinakapampi, taripirinakapamp chikt'ataw mä uru jutapxañapa. Ukhamat uka jucha layku Diosan jach'a phiñasiñapax jiwasat apaqtañapkama —sasa.

Salmos 85:4

4 (5) Qhispiyir Diosaxay, jichhax mayampi qhispiyapxakita, janikiy nanakampix q'apisitäxamti.

Éxodo 32:12

¡Janiy q'apisimti! ¡Janikiy markamar t'unjamti! Janiy egipcio jaqinakan jumat phiskasipxañap munamti, ukat sasipkañapataki: “Diosax jan wali amtampiw jumanakar irpsuwayapxtam wasar qullunakan jiwarayañataki” sasa.

Isaías 40:2

Jerusalén markankirinakarux munasiñampi parlxayapxam, T'aqhisiyat sarnaqañapax tukusxiwa, jucha luratanakapatsa phuqxapxiwa, kuna mutuyäwtix katuqapki ukampix phuqhatakïxiwa.”

Isaías 65:10

Sarón sat qhirwax uywanakampi phuqt'atäniwa, Acor sat qhirwansti uywanakax sum manq'art'asipxani, uka uywanakax nayar arkir markaxankiwa.

Lamentaciones 3:53

jakkirpach mä phuch'ur allintapxitu, mistuñaxarus mä qalampiw atxatapxitu.

Oseas 2:15

15 (17) Ukatsti uva yapunakap kuttayxäwa, jan walt'añanakapsti sumaruw tukuyarakï. Nayarux tawaqükäna uka urunakapanjam parlxayxitani, Egiptot mistunkän uka urunjama.

Oseas 2:17

17 (19) Lakapatsti Baal diosanakan sutinakap apaqä, janipuniw mayampsa ukanakax aytatäkxaniti.

Joel 2:13

¡Juchanakamat amthapisisax Tatitumar makhatxapxam, isinakam ch'iyanuqkamayaxa, chuymanakamay ch'allxtayasipxam! Tatitux khuyapayasiriwa, llamp'u chuymaniwa, munasiñapas jach'arakiwa; juchanak luratat mutuyañäki uksa, jiwasat apaqirirakiwa.

Joel 2:18

Ukatsti Tatitux munasiñap markaparux uñacht'ayi; markapat khuyapt'ayasisasti,

Jonás 1:15

Uk sasinsti, Jonasarux katuntasin qutaruw jaquntapxi, ukhamat quta mathapinakax t'akurawayxäna.

Zacarías 6:8

Uka qhipatsti, angelax nayaruw art'anitu: “Uñtam, amstankir markar sarapkis ukanakaru, uka markan Tatitun q'apisitap t'akuyapxani” sasa.

Números 25:8

uka israelitan chhujllapar saräna, ukat lanzapamp uka israelit jaqimpiru, madianita warmimpirux purakat jununtasin jiwayäna. Ukhamat Tatitun mutuyäwipax Israel markatak tukusïna.

Deuteronomio 13:17

17 (18) “Jan jumanakax kunatix t'unjañataki uchatäki ukanak aptasipxamti, Diosasti janirakiw ukapachax jumanakatak q'apiskaniti, ukampis jupax jumanakat khuyapayasini, mirantayapxarakïtamwa, jumanakan nayra awkinakamar arsuwaykän ukhamarjama,

Deuteronomio 13:18

18 (19) jumanakatix Tatit Diosamar jaysapxäta, jichhürun churapksma uka kamachi arunakarjam phuqhapxäta, arunakaparjam sarnaqapxarakïta ukapacha, jupan nayraqatapan chiq sarnaqasa.

Josué 10:27

Kunapachatix intix niya jalantañampïxän ukkhasti, Josué chachax jaqinak khithäna, uka quqanakat apaqanipxañapataki, ukatsti kawkha putuntix imantasipkatayna uka pachpa puturuw jaquntayanïna. Uka putu mantañapsti jach'a qalanakampiw atkatayäna, ukanakasti jichhürkamaw ukankaski.

Josué 7:24

Ukatsti Acán jaqirux Acor sat qhirwaruw irpapxäna, jupampi chiksti lunthatasinkatayna uka qullqimpi, suma isimpi, quri barrampi apapxäna, ukhamarak yuqanakapa, phuchhanakapa, vacanakapa, asnonakapa, ovejanakapa, chhujllapa, taqi kunatix jupankkäna ukanakamppach apapxäna.

Josué 8:29

Josué chachax Ai markan reyiparux mä quqaruw warkkatayäna, ukasti jayp'ukamaw ukankaskäna, kunapachatix intix jalantkän ukkhaw amayap apaqirix khithäna, ukatsti marka mantañawjaruw amayap jaqtayäna, qalanakampirakiw phinxatayäna. Uka qala phinax jichhürkamaw ukankaski.