Josué 8:2 - Qullan Arunaka DC

² jumasti kunjämtix Jericó markarusa, reyiparusa lurkta, ukhamarak Ai markampiru, reyipampiru luräta, ukampis jichha kutix jumanakaw taqi yänakapsa, uywanakapsa jumanakataki apasinipxäta. Jichhasti Ai markar qhipäx tuqit akatjamat tukjañatak wakicham” sasa.

Aymar Bibliia 1986

² Jumasti cunjämtï lurta Jericó marcampejja uca quipca luraraquïta Hai marcarojja uqhamaraqui reyiparusa. Acamänsti jumanacaw take yänacap jumanacataqui apasinjjapjjäta, uqhamaraqui animalanacapsa. Jichhajj waquichasimay Hai marcaru acatjamat khepäjjat t'unjañataqui” sasa.

Qullan Arunaca

² Jumasti cunjämtï lurta Jericó marcampejja uca quipca luraraquïta Hai marcarojja uqhamaraqui reyiparusa. Acamänsti jumanacaw take yänacap jumanacataqui apasinjjapjjäta, uqhamaraqui animalanacapsa. Jichhajj waquichasimay Hai marcaru acatjamat khepäjjat t'unjañataqui” sasa.

Josué 8:2 Jak'a apnaqawi uñst'ayäwi

2 Crónicas 13:13

Jeroboam reyix soldado tamanakaparux akatjamat Abiam reyin ejercitopar muyuntasin qhipäxat katuntañapatakiw khithäna, Jeroboam reyin jach'a ejercitopax Judá ejerciton nayraqatapankänwa, ukchañkamasti mä tama soldadonakax qhipäxat nuwantanipxäna.

2 Crónicas 20:22

Ukatsti, kunapachatix kusisiñampi q'uchunak q'uchuñ qalltapkän ukkhaxa, Tatitux jan walt'añanak sartayäna, Judá markar katuntiri jutapkatayna uka amonita, moabita, Seir qullunkiri jaqinak taypina, jupanakasti atipjataw uñjasipxäna.

Salmos 39:6

6 (7) ¡Jaqin jakañapax mä ch'iwjamakiwa! Inamayaw yänaksa arkuntaski, ukanak khitis katuntasini uksa janiw yatkiti.

Proverbios 13:22

Aski lurir jaqix allchhinakaparuw yänakap jaytawayi; jucharar jaqin yänakapasti, aski jaqinakatakiw qhiparxani.

Proverbios 28:20

Chiqa aski jaqix jach'añchataw uñjasini; jank'aki qamiriptañ munir jaqisti, juchap uñt'asini.

Jeremías 17:11

Sallqjañampi qamiriptirinakaxa, uka qamir yänakap q'al apt'asipxani, walïkasinsa, jan kunaniw uñjasipxani.

Jeremías 51:12

¡Nuwantañatak yatiyapxam! ¡Babilonia markan pirqanakap liwinukupxam! ¡Uñjirinaksti yapxatapxam! ¡Imantasisin babilonionakar suyxatapxam! ¡Sipitar jalt'ayapxarakim! Nayätwa Israelan Diosapaxa, Babilonia markar lurañ amtataxsti phuqhapunïwa.

Deuteronomio 2:35

Jiwasanakatakisti uywanakampi, jila alan jilt'ir yänakampik uka atipjat markanakat katustanxa.

Deuteronomio 20:14

Taqi warminaka, wawanaka, uywanaka, taqi kunatix markan utjki ukanakax jumanakankaniwa, ukatsti uñisirinakamat aparanipkta ukanakat Tatit Diosamax manq'ayapxarakïtam.

Deuteronomio 3:2

“Ukat Tatitux nayar sarakitu: ‘Jan jumax axsaramti, nayaw jupampiru, ejercitopampiru, ukhamarak taqi markaparus amparamar katuyaskäma, ukhamat jumax kunjämtix Hesbón markan jakir amorreonakan Sihón sat reyipar lurkta, uka kipka jupar lurañamataki’ sasa.

Josué 10:1

Jerusalenan Adonisédec sat reyipax Josué chachan Ai markaru, reyipampiru katuntasin q'al tukjatapa, ukatsti uka markaru kunjämtix Jericó markaru, reyiparusa nayrax lurkatayna uka kipka luratapa, ukhamarak gabaonita jaqinakan israelitanakampi sumar mantxapxatapa, jupanak taypin jakapxatapsa yatïna ukkhax wal axsarayasïna. Juk'ampisa gabaonita jaqinakan jupanak taypin jakatapaw wal axsarayäna, Gabaón markax wali aytat markänwa, Ai markat sipan juk'ampi jach'araki, maynïr markanakjam reyiniraki, jaqinakapasti nuwasiñatakix jan axsaririnakänwa.

Josué 10:28

Uka pachpa urusti, Josué chachax Maquedá markar katuntasax q'alpun tukjäna; uka markan jakirinakarux espadampkamaw jiwarayäna, janirakiw maynis jakkänti. Maquedá markankir reyiparux kunjämtix Jericó markankiri reyirux lurkatayna uka kipkarak luräna.

Josué 11:14

Uka markanakan jakir jaqinakarusti espadampkamaw jiwarayapxäna, janiw maynirus jakayapkänti, ukatsti uka markanakan utjkatayna uka uywanaksa, utjir yänaksa taq katuntasipxäna.

Josué 6:21

Ukatsti espadampkamaw chachanakaru, warminakaru, waynanakaru, chuyman jaqinakaru, ukhamarak vacanakaru, ovejanakaru, asnonakar jiwarayapxäna. Kunatix utjkän ukanak q'alpun tukjapxäna.

Josué 8:12

Josué chachax niya phisqa waranqa jaqinak imantäna Betel, Ai taypiru, markat inti jalanta tuqiru,

Josué 8:14

Ai markan reyipasti uk uñjasin, jank'akiw taqpach ejercitopampi mistüna, israelitanakampi Jordán qhirwan nuwasiñataki, mayni israelitanakan marka qhipäxan imantasitäskatap jan yatisa.

Josué 8:19

Ukatsti imantasitäpkän uka tamanakax jank'akiw mistunipxäna, ukatsti markar jalakamakiw mantantapxäna, katuntasinsti ninampirakiw phichhantapxäna.

Josué 8:24

Ukxarusti kawkïri jaqinakatix jupanakar qhipat arkanipkatayna ukanakarux taqiniruw espadampkam jiwarayapxäna, israelitanakax Ai markaruw kutintanipxäna kawkïrinakatix markar qhiparapkatayna ukanakar jiwarayañataki.

Josué 8:3

Josué chachasti taqpach soldadonakapampiw Ai markar sarañatak wakicht'asïna. Kimsa tunk waranqa nuwasir jaqinak ajllïna, jupanakarusti arumaw khithäna, akham iwxt'asa:

Josué 8:7

Ukapachaw jumanakax imantasipkta ukawjat mistunisin marka katuntapxäta, Tatit Diosamaw amparanakamar uka marka katuyapxätam.

Josué 8:8

Marka katuntasinsti, ninampiw phichhantapxäta, kunjämtix Tatitux siskän ukhamarjama. Aka arunakax phuqhañatakiwa” sasa.

Josué 8:9

Ukatsti Josué chachax sarapxam sasaw ejercitopar khithanuküna, jupanakasti sarasax Betel, Ai markanak taypiruw, inti jalanta tuqir imantasipxäna, ukchañkamasti Josué chachax campamenton uka arumax qhiparäna.

Josué 9:3

Ukampisa, Gabaón chiqan jakapkän uka heveo jaqinakax, kunjämtix Josué chachax Jericó, Ai markanakar lurkatayna uk yatipxäna,