Joel 3:7 - Qullan Arunaka DC

⁷ 7 (7) Ukampis nayaw jupanakarux kawkirutix aljantatäpki ukkhatxa kuttayanï, ukatsti jumanakarux uka pachparak t'aqhisiyapxäma.

Aymar Bibliia 1986

⁷ Ucampisa, nayaw jichhajj jupanacarojj cawqhantejj aljantatäpqui ucqhat khespiyanëjja, ucatsti jumanacarojj uca pachpracwa t'akhesiyapjjämajja.

Qullan Arunaca

⁷ Ucampisa, nayaw jichhajj jupanacarojj cawqhantejj aljantatäpqui ucqhat khespiyanëjja, ucatsti jumanacarojj uca pachpracwa t'akhesiyapjjämajja.

Joel 3:7 Jak'a apnaqawi uñst'ayäwi

Ester (hebreo) 7:10

Ukhamaw Amán chachax jaychkatat uñjasïna, kawkïr jaychkatañtix Mardoqueotak wakichaykäna ukaru. Ukham lurayasaw reyix phiñasiñap apjtayasïna.

Isaías 11:12

Taqi markanakaruw tantacht'ani, jaya markar apayat israelitanakaru, jaya markar apayatat Judá markankirinakaruw tantachthapini, aynachata, alayata, inti jalsuta, inti jalanta tuqinakat mayawjaruw tantacht'xani.

Isaías 49:12

¡Uñtapxam! Jayat jutapxi, Mayninakax amstata, mayninakasti inti jalanta tuqita, mayninakasti Asuán siski uksatarak jutapxi.

Isaías 66:6

Mä jach'a aruw markat ist'asi, wali jach'a aruw Tatitun utapat ist'asi, uka jach'a arux pachpa Tatitun arupawa, uñisirinakapar tuqintir arurakiwa.

Jeremías 23:8

jan ukasti akham sasaw juramento lurapxani: ‘Israelitanakaru Babilonia markampita, kawkirutix ananukkatayna uka yaqha markanakampit kuttayanxir Tatitux jakaskiwa’ sasa. Ukatsti pachpa uraqinakapan israelitanakax jakasipxarakini” sasa.

Jeremías 30:10

“Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Jeremías 30:16

Ukampis jumar manq'antirix, manq'antatäniwa, taqi uñisirinakamasti jayar apanukutäniwa; jumar lunthatirinakasti, lunthatjatarakïniwa.

Jeremías 31:8

Nayaw Babilonia markat kuttayanxapxäma, aka uraqi tukusitpach jumanakarux tantachxapxäma. Jumanakampi chikasti juykhunaka, kayu wixchunakaw kuttanxapxani, usur warminakasa, wawachasxapxi ukanakasa, ¡waljanipuniw kuttanxapxani!

Jeremías 32:37

Nayaw jaqinakaparux taqi markanakat anthapinxä, kawkïr markanakarutix nayax jupanakatak sinti phiñasitäkäyät ukapacha ananukkäyät ukanakata. Nayasti jupanakarux aka pachpa uraqiruw kuttayanxä ukan k'uchik jakasxapxañapataki.

Ezequiel 36:24

Nayaw jumanakarux taqi uka markanakat irpsunxapxäma, tantacht'asinsti uraqimaruw kuttayanxapxäma.

Ezequiel 38:8

Akat walja maranakarusti, Israel markar nuwantañamatakiw khithäma. Aka markax q'ala tukjatänwa, walja maranakarakiw ukham tukjat uñjasïna. Jaqinakapax katuntataw uñjasïna, ukatsti yaqha markanakar apayatäpxarakïnwa. Ukampis nayaw jupanakarux uka markanakat irpsunxta, jichhasti Israel qullunakan wasitat tantacht'atäxapxiwa. Ukanarak k'uchik jakasxapxi.

Joel 3:4

4 (4) “Tiro, Sidón, Filistea markanaka, ¿kunsa nayampix lurañ munapxta? ¿Phuqsusiñti munapxista? ¿Kunanak mayisxañcha munapxtaxa? ¡Kunatix wakiski uk jank'akiw churapxäma!

Zacarías 9:13

Judá markankirinakampi, Israel markankirinakampiw Grecia markankirinakarux tukjä.”

Mateo 7:2

Kunjämtix jumanakax jaqi masimar juchañchapktas uka pachparak Diosax jumanakarux juchañchapxätam; kunjämtix jumanakax jaqinakar lurapkäta ukhamarak jumanakarux Diosax lurapxätam.

2 Tesalonicenses 1:6

Ukampis khitinakatix jumanakar t'aqhisiyapktam ukanakar Diosan mutuyañapax wakisiwa,

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.

Apocalipsis 13:10

“Katuntat apatäñapäki ukanakax, katuntat apatäpxaniwa; espadampi jiwayatäñapäki ukanakax, espadampi jiwarayatäpxaniwa.” Taqi akanakan yatisini, Diosan qullan markapan ch'amanïtapasa, iyawsañanïtapasa.

Apocalipsis 16:6

Uka jaqinakax jumar katuyat jaqinakarusa, profetanakarus jiwarayapxänwa. Jichhasti jumax jupanakar wila umayaraktaxa. ¡Luratapatjam katuqasisipki!” sasa.

Apocalipsis 19:2

jupax chiqapar uñjasaw markanakar taripi; jach'a q'añusirirusti juchañchiwa, uka q'añusitapampiw taqi jaqinakar jan walir apaskäna; Diosan luqtirinakapar jiwarayatapat juchañcharaki” sasa.

Jueces 1:7

Ukat Adonisédec reyix säna: “Nayrax paqallq tunka reyinakaruw amparanakapata, kayunakapat tayka luk'ananak khariqta, jupanakarux manq'añaxat williqtki uka jilt'anak pallasiyta. Jichhasti Diosax nayaruw kunjämtix nayax jupanakar lurkäyäta uka lurarakitu” sasa. Ukatsti Jerusalén markaruw irpxapxäna, ukan jiwxäna.

1 Samuel 15:33

Ukampis Samuelux sänwa: —Kunjämatix jumax espadamampi walja warminakar jan wawani uñjasiytaxa. Ukhamarakiw taykamax jupanakjam uñjasini —sasa. Guilgal chiqansti, Samuelux jan axsart'asaw Tatit nayraqatan Agag reyirux pusir kharinuqäna.