Joel 3:7 - Qullan Arunaca

⁷ Ucampisa, nayaw jichhajj jupanacarojj cawqhantejj aljantatäpqui ucqhat khespiyanëjja, ucatsti jumanacarojj uca pachpracwa t'akhesiyapjjämajja.

Aymar Bibliia 1986

⁷ Ucampisa, nayaw jichhajj jupanacarojj cawqhantejj aljantatäpqui ucqhat khespiyanëjja, ucatsti jumanacarojj uca pachpracwa t'akhesiyapjjämajja.

Qullan Arunaka DC

⁷ 7 (7) Ukampis nayaw jupanakarux kawkirutix aljantatäpki ukkhatxa kuttayanï, ukatsti jumanakarux uka pachparak t'aqhisiyapxäma.

Joel 3:7 Jak'a apnaqawi uñst'ayäwi

Ester (hebreo) 7:10

Uqhamaw Amán chacharojj warccatapjjäna, cawquïr jaychcatañtejj Mardoqueotaqui waquichaycäna ucaru. Uqham lurayasinwa reyejj colerapa apjtayasïna.

Isaías 11:12

Marcanacataquisti mä unañchäwi ucharaquini, jaya marcar apayat israelitanacarusti tantachthapjjaraquiniwa; amstata, aynachata, inti jalsu toketa, uqhamaraqui inti jalanta toketsa mayjaruw tantacht'jjaraquini, qhitinacatejj Judá marcatjja jayancapcän take ucanacarojja.

Isaías 49:12

“¡Uñtapjjam! Jayat jutapjje, Mayninacajj amstata, mayninacasti inti jalanta toketraqui, mayninacasti Asuán sisqui ucsa toketraqui jutapjje.

Isaías 66:6

Uca jach'a ch'ajjwanacajj marcat ist'asi, wali ch'ajjwanacaraquiw templotsa ist'asiraqui, uca ch'ajjwanacasti pachpa Tatitun ch'ajjwatapawa, uñisirinacaparu cunatejj waquisqui uc churasa.

Jeremías 23:8

jan ucasti aqham sasaw juramento lurapjjani: ‘Israelitanacaru amsta tokenquir marcanacata, cawqui marcanacarutejj ananuccatayna ucanacat cuttayanjjiri Tatitojj jacasquiwa’ sasa. Ucatsti pachpa utanacapan jacasipjjaraquini.”

Jeremías 30:10

“Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Jeremías 30:16

Ucampisa, take qhititejj jumaru mank'antcätam ucajj mank'antataraquïniwa, take uñisirinacamasti jayaru apanucutaraquïniwa. Jumaru saqueyjirinacasti saqueyjataraquïniwa, jumar lunthatirinacasti lunthatjataraquïniwa.

Jeremías 31:8

Amsta tokenquir marcatsti cuttayanjjapjjämawa, aca orake thiyatpacharacwa jumanacarojj tantachjjapjjäma. Jupanacampi chicasti juyqhunaca, cojonacaraquiw cuttanjjapjjani, usuri warminacasti, cawquïrinacatejj wawachasjjapjje, ucanacas ¡waljanipuniw cuttanjjapjjani!

Jeremías 32:37

Nayaw jakenacaparojj take marcanacat anthapinjjä, cawquïri marcanacarutejj ananuccta ucanacata, cunapachatejj nayajj jupanacataqui sinti coleratäcäyät ucapacha. Nayasti jupanacarojj aca pachpa orakeruw cuttayanjjä ucan c'uchiqui jacasjjapjjañapataqui.

Ezequiel 36:24

Nayaw jumanacarojj take uca marcanacat apsunjjapjjäma, tantacht'asinsti orakemaruw cuttayjjapjjäma.

Ezequiel 38:8

Acat mä walja maranacarusti, cawquïri marcatejj guerrancasqui uca marcaru nuwjañamataqui mä arsüwi catokäta, uca marcajj niya wasitata suma sartasitäjjaraquiniwa; walja marcanac taypina willitatata sarnakcäna uca marcaru, ucampisa uca marcajj Israel kollunacan niya tantacht'atäjjapjjaraquiniwa, uca marcasti wiñayataqui chhaktayatänwa. Ucapachasti jupanacajj yakha marcanacatjja cuttanjjapjjataynawa, takenisa c'uchiquiraquiw jacasisipcani.

Joel 3:4

“Tiro, Sidón, uqhamaraqui Filisteo marcanaca, ¿cuns nayampejj lurañ munapjjta? ¿Phoksusiñti munapjjesta? ¿Cuna mancha cobrasiñ munapjjtajja? ¡Janc'aquiw cunatejj waquisqui uc churapjjäma!

Zacarías 9:13

Ucampis utjituw guerrasiñ arcojja, ucasti Judá marcawa; ucarusti ucharactwa mä flecha, ucasti Efraín marcawa. Sión, jumatsti mä espadwa luräjja, sartayaraquïwa wawanacamarojja Grecia marcan wawanacap contra.”

Mateo 7:2

Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

2 Tesalonicenses 1:6

Diosajj chekawa jumanacaru t'akhesiyapctam ucanacaru t'akhesiyañataquejja.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Apocalipsis 13:10

“Qhitinacatejj preso catuntat apatäpcani ucanacaw apatäpjjani. Espadampi jiwarayatäñapäquis ucanacajj espadan jiwayataraquiw jiwarayatäpjjani.” Take acanacanwa Diosan marcapan ch'amanïtapasa iyawsañanïtapasa yatisini.

Apocalipsis 16:6

Aca jakenacasti jumar catuyat jakenacarojja, uqhamarac profetanacarus jiwarayapjjaraquïnwa. Jichhasti jumajj jupanacarojj wila umayaractajja. ¡Jupanacasti uca mutuñjja catokapjjañapapuniwa!” sasa.

Apocalipsis 19:2

Jupasti chekaparuw marcanacarojj tariparaqui. Acapachan wachoka juchan sarnaker k'añu warmirusti juchañcharaquiwa. Uca warmisti jucha lurañanacapampejj take jakenacaruw jan waliru apascäna. Diosan wawanacapar jiwarayatapatsa Tatitojj juparojj juchañcharaquiwa” sasa.

Jueces 1:7

Ucatsti Adonisedec chachajj saraquïnwa: “Nayrasti nayajja pakallko tunca reyinacaruwa amparanacatsa, cayunacatsa tayca luc'ananaca qhuchhurta, ucatsti mesajja manqhatwa jilt'a t'ant'a t'unanaca pallasiyta. Jichhasti Diosajj nayarojj cunjämtejj jupanacaru lurcäyäta uqhamaracwa lurayaraquitu” sasa. Ucatsti Jerusalén marcaruw apjjapjjäna, ucanwa jiwjjänjja.

1 Samuel 15:33

Ucampis Samuelojj sänwa: “Jumajj espadamampiw walja warminacarojj jan wawani jayttajja. Jichhajj taycamajj jupanacjamaraquiw kheparani” sasa. Ucatsti Tatitu nayrakatana jan ajjsarasaw Samuelojj Agag reyerojj Gilgal sisqui uca chekan pusiruw qharinokäna.