Jeremías 8:12 - Qullan Arunaka DC

¹² Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Aymar Bibliia 1986

¹² ¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Qullan Arunaca

¹² ¡Take cuna jan walinactejj nayajj jan muncta ucanac luratanacamatjja jumanacajj p'enkasipjjañamänwa! Ucampisa, janiw p'enkasipctati, janiraquiw yatjjapjjtati cunäquitejj p'enkasiñajj ucsa. Ucatpï cunapachatejj nayajj mutuyapcäma ucapachajj, ch'anktasipjjätawa, mayninacjamaw liwirtapjjaraquïta. Naya Tatituw ucjja arsta.’ ”

Jeremías 8:12 Jak'a apnaqawi uñst'ayäwi

Génesis 19:34

Qhipürusti, jilïr phuchhax sullkaparux sarakïnwa: —Wasayp'ux nayax awkisampiw ikintta, jichhärmax machjayarakikiñäni, ukatsti jupampiw jumax ikintarakïta; ukhamat panpachaniw jupatak wawanïñäni —sasa.

Salmos 52:1

1 (3) Munañan jaqi, ¿kunatarak ñanqha luratamat jach'achastasti? ¡Diosan munasiñapax jan tukuskiriwa!

Salmos 52:7

7 (9) “Uñtapxam, jan axsarir jaqiru, Diosar jan iyawsañ munir jaqiru, qamir yänakapar alkatasir jaqiru, ñanqha luras sarnaqir jaqiru” sasa.

Isaías 24:2

Taqiniruw uka kipka lurani: Sacerdoterusa, markachirinakarusa, uywirinakarusa, uywatanakarusa, alasirinakarusa, aljirinakarusa, mayt'irinakarusa, mayt'asirinakarusa, qamirirusa, jan kunanirusa.

Isaías 3:9

Juparusti pachpa uñnaqapaw juchanïtap qhanañchaski, juchanakapsti janirakiw imt'asipkiti, Sodoma markankirinakjamaw jan walinak luratapat taqinir yatiyapxi. ¡Ay, kunakïkani, jupanakpachaw mutuyäwip wakichasisipki!

Jeremías 10:15

jan kunatak inamay yänakakiwa, Tatitusti taripäwipanxa ukanakarux q'al t'unjarakini.

Jeremías 14:15

Naya, Tatitusti saraktwa: Uka profetanakaruxa, khitinakatix nayan sutixar jan nayan khitkat parlapki, aka markan janiw nuwasiñax utjkaniti sapxaraki ukanakarux sistwa: Uka profetanakax manq'atjamaw jiwarapxani, jan ukax nuwasïwin tukusipxani.

Jeremías 23:12

Ukatpï jichhax sarnaqäwinakapax ch'amakar tukutänixa: Nayaw jupanakarux nukt'asin tinkuyäxa. Jupanakar luratanakapat wayt'kä ukkhasti, jach'a t'aqhisiñanak jupanakxarux apayanï. Naya, Tatituw uk arsta.

Jeremías 3:3

Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!

Jeremías 44:10

Jichhakamasti janiw jumanakax sarnaqäwinakamsa askichasipktati, janirakiw axsartañas utjapktamti, nayra awkinakamampiru, jumanakampir churata yatichäwinakarusa, kamachinakarusa janirakiw phuqhapktati.

Jeremías 6:15

¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Jeremías 6:21

Ukatpï Tatitux sixa: “Aka markarux ch'anqtasiyasaw liwisiyä. Awkinakasa, wawanakasa, uta jak'anakasa, jilat masinakasa, taqiniw mayak jiwarapxani” sasa.

Ezequiel 23:18

Ukhamasti taqin uñjkataw uka jan wali lurañanakarux katuyasxäna, q'alala janchip uñacht'ayasa, nayasti jupat axtasxtwa, kunjämtix kullakapat axtaskäyät ukhama.

Oseas 5:9

Mutuyäwi urupanxa israelitanakax tukjatäniwa: Nayaw akxa Israel markankirinakarux yatiyta, kunatix luraskani ukanakata.

Sofonías 3:5

Ukampis Tatituw uka markankaski; luräwinakapax taqinitakis askipuniwa. Sapa qhantatiw jan armt'asis chiqa arunakap arsuraki. Ukampis juchan phuqhantat jaqixa, luratanakapat janiw p'inqasipkarakisa.

Deuteronomio 32:35

phuqsusiñ urux purinkani ukkhataki, aynacht'añapax purinkani ukkhataki. ¡Niyaw jak'ankxi jupanakar t'unjañ uruxa, niyaw jak'ankxi mutuyäwipaxa!’ sasa.

Filipenses 3:19

jupanakasti nina infiernor jaquntatäpxaniwa, diosapasti jupanakan kipka munañanakapakiwa, jupanakasti p'inqasiñ lantix jach'a jach'aw tukupxi. Akapach yänakatak lup'isipki.