Jeremías 8:13 - Qullan Arunaka DC

¹³ Tatitux siwa: “Markaxarux trigor uñtat yawinukü. Janiw uva yapun mä uvasa qhiparkaniti, janirakiw mä sapa higosa higo quqan qhiparkaniti. Pharsut laphinakakiw qhiparxani.”

Aymar Bibliia 1986

¹³ Tatitojj siwa: “Marcajjarojj trigor uñtata yawinucü. Janiraquiw uva yapunjja ni mä uvas kheparcaniti, ni mä sapa higos higo kokanjja kheparcaniti. Ancuntata laphinacaquiw kheparjjani.”

Qullan Arunaca

¹³ Tatitojj siwa: “Marcajjarojj trigor uñtata yawinucü. Janiraquiw uva yapunjja ni mä uvas kheparcaniti, ni mä sapa higos higo kokanjja kheparcaniti. Ancuntata laphinacaquiw kheparjjani.”

Jeremías 8:13 Jak'a apnaqawi uñst'ayäwi

Isaías 5:10

Jach'a uraqir yapuchat uvasa, mä jisk'a turril vinok churani. Tunka khumu jathampi yapuchat yapusti, mä khumu trigok achuni.”

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Jeremías 14:15

Naya, Tatitusti saraktwa: Uka profetanakaruxa, khitinakatix nayan sutixar jan nayan khitkat parlapki, aka markan janiw nuwasiñax utjkaniti sapxaraki ukanakarux sistwa: Uka profetanakax manq'atjamaw jiwarapxani, jan ukax nuwasïwin tukusipxani.

Jeremías 17:8

Jalir umani jawir thiyar ayruntat quqjamäniwa, saphinakapasti uka uma tuqir saphintatawa, lupin qhatintatapas janiw ñanqhachkiti, laphinakapas ch'uxñakipunïskiwa. Waña pachansti janiw mayjt'askiti, marpacharakiw achunakap churi.

Jeremías 5:17

Jumanakax alkatasipkta uka jach'a pirqan markanaksa, q'al t'unjapxani. Yapunakamsa, manq'anakamsa, q'al manq'antapxani, imilla, yuqall wawanakamarusa, q'al jiwarayapxani, ovejanakamsa, vacanakamsa, q'al manq'antapxani, uva yapunakamsa, higo yapunakamsa, q'al tukjapxarakini.”

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Ezequiel 22:31

Ukatpï nayax taqi jupanakxarux mutuyäwixa apayantxa, q'apisiñaxsti mä ninjam jupanakar t'unjañatak wartanirakta, ukhamat sarnaqäwinakapat wayt'asa. Naya, Tatituw uk arsta.’ ”

Oseas 2:12

12 (14) Uva yapunakapsa, higo yapunakapsa q'al tukjarakï, uka yapunakatsti, akham sänwa: ‘Munirinakaxaw aka yapunak kunatix wakt'kitu ukat churapxitu’ sasa. Nayasti uka yapunakap qurampiw qurantayä, pampankir animalanakaw ukanak manq'antapxani.

Joel 1:7

Uva yapunaksti q'al tukjawayapxi, higo yapunaksa q'al tukjawayapxi; q'ara lawa tukuyañkamaw q'al sillp'suwayapxi.

Levítico 26:20

Inamayakiw ch'amsa tukusipkäta, uraqisti jumanakatakix janiw kuns achuykxaniti, janirakiw quqanakas achunakap churapkätamti.

Habacuc 3:17

Janisay higo quqanakax panqarkpan, janisay uva alinakasa, olivonakas achunak churkpan; janisay yapunakax achunak churkpan; oveja tamanakas q'alasay tukusiskpan, janisay uywanakax uyunakan utjkpan, ukampis kusisiñampiw jumarux yupaychäma, jumaw nayan qhispiyirixäta.

Hageo 1:11

Nayaw jallu jan puriykti, pampanakxarusa, qullunakxarusa, trigo yapunakxarusa, uva yapunakxarusa, olivo quqanakxarusa, pampa yapunakxarusa, jaqinakxarusa, uywanakxarusa, ukhamarak taqi luratanakapxarusa” sasa.

Hageo 2:17

Nayaw jumanakan taqi ch'ama tukutanakamxarux qasawimpi, chhijchhimpi q'al tukjtxa, uk uñjkasas jumanakax janiw nayarux jaysapkistati. Naya, taqi ch'aman Tatituw uk arsta.

Malaquías 3:11

Janirakiw kuna laq'unakas yapunakamarux tukjkaniti, uva yapunakamas wañskarakiniti.

Mateo 21:19

Thakhi jak'an mä higo quqa uñjäna, ukar jak'achasisinsti, janiw mä achsa jikxatkänti, jan ukasti laphinakak uñjäna. Ukat Jesusax uka higo quqarux säna: —¡Janipun mayampis achu churamti! —sasa. Ukspachaw higo quqax wañsuwayxäna.

Santiago 1:11

Kunapachatix intix jalsusin wal lupt'anki ukkhaxa, uka alix wañsuwa, panqaras willirtarakiwa, ukatsti suma uñnaqapas tukusiwa. Qamir jaqix ukhamarakiw luräwinakapampi chik tukusini.