Jeremías 5:9 - Qullan Arunaka DC

⁹ ¿Janit uka luratanakapat mutuykästi? ¿Janit ukham sarnaqir jaqinakar juchap uñt'asiykästi?

Aymar Bibliia 1986

⁹ ¿Uca luratanacapatsti janit mutuycästi? ¿Uqham sarnaker jakenacarojj janit juchap uñt'asiycäjja?

Qullan Arunaca

⁹ ¿Uca luratanacapatsti janit mutuycästi? ¿Uqham sarnaker jakenacarojj janit juchap uñt'asiycäjja?

Jeremías 5:9 Jak'a apnaqawi uñst'ayäwi

Proverbios 6:29

Jaqi masipan warmipamp jucha lurañan sarnaqir jaqix ukhamarakiwa, juchapsti uñt'asipuniniwa.

Isaías 1:24

Ukatpï taqi ch'aman Tatituxa, Israel markan taqi ch'aman Tatitupax sixa: “¡Ukkhakamaki! Nayaw uñisirinakaxarux juchañchä, jupanakarusti ukhamat ukham lurjä.

Isaías 57:6

“Israel, jumax jawira llust'a qalanakaruw yupaychtaxa, ukan jumatakix mä chiqax wakichat utji. Uka qalanakaruw vino luqtäwinak churastaxa, granonaksa churasiraktaxa. ¿Taqi uka luratamatsti kusisïti?

Jeremías 23:2

Israelan Tatitu Diosapasti, kawkïr awatirinakatix markap apnaqapki ukanakarux siwa: “Jumanakax ovejanakaxar ananukupxtawa, chhuktayapxtawa, janiw sum awatipktati. Jichhax walikiwa, nayax taqi jan wali luräwinakamat walpun mutuyapxäma. Naya, Tatituw uk arsta.

Jeremías 32:31

Aka markax qalltaski ukat jichhürkamaw, taqi jaqinakapax walpun q'apisiyitu. Ukat jichhax chhaqtayä,

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Jeremías 5:10

¡Jichhax uñisirinakapax mantanpan, ukatsti uva yapunakap tukjpan, janis taqpach tukjapkchini ukasa! ¡Layminakap qhaqharapxpan, janiw jichhax uva yapuxäkxiti!

Jeremías 5:29

¿Janit ukanakat mutuykästi? ¿Janit ukham jaqinakar juchap uñt'aykästi? Naya, Tatituw uk arsta.

Jeremías 6:11

Tatay, phiñasiñaman phuqhantatätwa; janiw juk'ampi kunsa lurirjamäkxti” sasa. Tatitusti sarakituwa: “Uka phiñasiñam waynanakxar warxatam, tam tama sarnaqki uka waynanakxaru. Chachanakarux warminakapamppach katuntasin apapxani, ukhamaraki sinti chuymani jaqinakarusa.

Jeremías 6:6

Taqi ch'aman Tatitux akham siwa: “¡Quqanak tinkurayapxam, ukatsti uka lawanak arkt'apxam, ukanak patxat Jerusalenar nuwantañataki! Aka markax juchañchatäñatak katuyatawa, jupanakax t'aqhisiyir jaqinakäpxiwa.

Jeremías 9:8

8 (7) Laxranakapax jiwayir mich'inakjamawa; parlatanakapasti k'arikamakiwa. Jila masinakaparux wali sum aruntt'apxi, ukampis qhanpachax sipitanakak jupanakatak uchasipki.

Jeremías 9:9

9 (8) Ukatpï jupanakarux mutuyäxa, uka luratanakapatjam churarakï. Naya, Tatituw uk arsta.

Lamentaciones 3:42

Nanakax juchañchasipxtwa, jumarus saykatapxaraksmawa, jumasti janiw pampachapkistati.

Lamentaciones 4:22

Jerusalén marka, mutuyäwimax tukusxiwa; Tatitux janiw juk'ampi apanukuykxätamti. Ukampis Edom marka, jan wali luratamat mutuyapunïtamwa, juchanakamsa qhanaruw uñstayarakini.

Ezequiel 7:9

Jichhax janiw jumarux khuyapayasiñampi uñjkämati; taqi sarnaqäwinakamatsti mutuyapunïmawa, axtaskañ luräwinakamatsa t'aqhisiyapunïmawa. Ukapachaw jumanakax nayan Tatitütaxa, mutuyirïtaxsa yatipxäta.

Oseas 2:13

13 (15) Juparusti, yaqha diosanakar incienso luqtatapat mutuyä, nayar armanukusaxa, munirinakapar arkañatak surtijanakampi, wallqanakampi k'achachaskäna, taqi ukanakat mutuyarakï. Naya Tatituw uk arsta.

Oseas 8:13

Jupanakatakisti wilañchanak luqtañaw askixa, ukatsti, uka luqtat aychanak manq'apxaraki; ukampis naya Tatitux janiw ukanakampix kusisitäkti, kuna jan walinaktix lurapki ukanak amtaskakipunïwa, uka juchanakapatsti, Egipto markar kuttayasaw mutuyarakï.

Levítico 18:25

uraqinakapas uka kipkarakiw q'añuchjat uñjasxarakïna, ukatpï nayax jupanakarux uka ñanqha luratanakapat wayt'araktxa, uka markas taqi jakirinakaparuw ananukxaraki.

Levítico 26:25

Jumanakxarux mä nuwasiñ jutayä, ukaw juchanakam uñt'asiyapxätam nayan arust'äwi arunakax p'akintapxatamata, jumanakasti markanakamar imantasiriw jaltxapxäta; ukampis nayax usunak apayanipxäma, jumanakasti uñisiriman amparaparuw jalt'apxarakïta.

Nahúm 1:2

Tatitux taqinin jupar chiqa arkañas muni; khitinakatix jupar saykatapki, uñisipkaraki ukanakarux mutuyiwa.

Deuteronomio 32:35

phuqsusiñ urux purinkani ukkhataki, aynacht'añapax purinkani ukkhataki. ¡Niyaw jak'ankxi jupanakar t'unjañ uruxa, niyaw jak'ankxi mutuyäwipaxa!’ sasa.

Deuteronomio 32:43

“¡Jumanaka, jak'ankir markanaka, Diosan markapamp chika kusisipxam! Jupaw uywatanakapan jiwatapat phuqsusini, uñisirinakapat phuqsusirakini. ¡Diosax markapar pampachaniwa uraqiparusti juchanakat q'umacharakini!”