Jeremías 5:10 - Qullan Arunaka DC

¹⁰ ¡Jichhax uñisirinakapax mantanpan, ukatsti uva yapunakap tukjpan, janis taqpach tukjapkchini ukasa! ¡Layminakap qhaqharapxpan, janiw jichhax uva yapuxäkxiti!

Aymar Bibliia 1986

¹⁰ ¡Jichhajj uñisirinacapajj mantanpan ucatsti uva yapunacjja tucjpan, janisa takpach tucjapcchini ucasa! ¡Layminacapsa khakharapjjpan, janiw jichhajj uva yapöjjäcjjeti!

Qullan Arunaca

¹⁰ ¡Jichhajj uñisirinacapajj mantanpan ucatsti uva yapunacjja tucjpan, janisa takpach tucjapcchini ucasa! ¡Layminacapsa khakharapjjpan, janiw jichhajj uva yapöjjäcjjeti!

Jeremías 5:10 Jak'a apnaqawi uñst'ayäwi

2 Crónicas 12:4

Ukatsti jupax Judá uraqinkir suma uyuchrantat markanak katuntasïna, ukatsti Jerusalenkamaw purïna.

2 Crónicas 36:17

Ukatsti Tatitux caldeonakan reyiparuw jupanak tuqir jutantayäna, waynanakarusti Tatitun utap pachpan cuchillompkam jiwarayäna, janiw uka reyix waynanakatsa, tawaqunakatsa, awkinakatsa, kayu usutanakatsa khuyapt'ayaskänti. Tatitux taqiniruw jupan amparapar katuyäna.

Jeremías 2:21

Mä suma uva alïkasmas ukham nayax ayrusïyäsma, wali suma uva jathat jutirïkasmas ukhama. ¡Ukampis jichhax q'ala jan wali tukutätawa, jan uñt'añjamarakïxtawa.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 30:11

Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Jeremías 39:8

Babilonionakasti reyin utaparu, markan utjkis taqi utanakarus ninampiw phichhantapxäna, Jerusalén markan pirqanakapsti q'al allinukupxarakïna.

Jeremías 4:27

Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Jeremías 46:28

Naya, Tatituw uk arsta. Jacobun markapa, nayan uywataxa, jan axsaramti, nayaw jumampïskta. Kawkhanakarutix ananuksma uka markanaksti nayaw q'ala t'unjarakï. Ukampis jumarux janiw t'unjkämati; luratamarjamaw chiqachäma, ukatsti mutuyapunirakïmawa.”

Jeremías 5:11

¡Israelampi, Judämpix nayar sallqjapxituwa! Naya, Tatituw uk arsta” sasa.

Jeremías 5:18

Tatitusti saskakiwa: “Ukampis uka urunakan janiw taqpach t'unjkäti.

Jeremías 5:9

¿Janit uka luratanakapat mutuykästi? ¿Janit ukham sarnaqir jaqinakar juchap uñt'asiykästi?

Ezequiel 12:16

Ukampis nayaw mä qawqha jaqinakar jilt'ayä, nuwasïwin jiwañata, manq'atjam jiwañata, jan ukax kunayman usunakampi jiwañatsa; ukhamat kawki markanakarutix sarapkani ukanakan yatiyapxañapataki, jupanakan kunayman q'añu luräwinakapata. Ukapachaw yatipxani, nayan Tatitütaxa” sasa.

Ezequiel 14:17

“Nayatix aka markxar nuwasiñanak apayanirista, ukatsti uywanakana, jaqinakan jiwarayatäpxañapatak arsurista,

Oseas 1:9

Tatitux Oseas profetarux sänwa: “Uka yuqall wawarux Lo-amí sas suticham, ukax ‘janiw markaxäkxiti’ sañ muni. Jumanakax jichhax janiw nayan markaxäxapxtati, janirakiw nayas jumanakan Diosamäkxti.”

Amós 9:8

Tatitux aka jucharar markarux wal uñch'ukiski, ukatsti sarakiwa: “Aka uraqit jupanakarux q'al chhaqtayä, ukampis Jacobun utapankirinakak jilt'ayä. Uksti, naya, Tatituw arsta.

Mateo 22:7

Uk yatisinxa, reyix wal phiñasïna, ukat soldadonakaparux khithäna uka jiwayir jaqinakar jiwarayaniñapataki, markaparus ninampi phichhantañapataki.