Jeremías 5:8 - Qullan Arunaka DC

⁸ Urqu caballonakar uñtataw jaqi masipan warmip munasax wararipxi.

Aymar Bibliia 1986

⁸ Orko caballonacar uñtataw, jake masipan warminacap uñtasajj wararipjje.

Qullan Arunaca

⁸ Orko caballonacar uñtataw, jake masipan warminacap uñtasajj wararipjje.

Jeremías 5:8 Jak'a apnaqawi uñst'ayäwi

Génesis 39:9

Aka utan nayaw jilïritxa, uywirixasti janirakiw kunsa “Janiw” siskituti. Ukhamarus jumax warmipätawa. ¿Kunjämarak nayasti uywirixar uka jan wali luririststi, Dios nayraqatan juch lurarakiriststi? —sasa.

Job 31:9

Mä warmimpitix sallqjayastxa, jan ukax, uta jak'ankir masixan warmipar uñch'ukiskaraksta ukasti,

Éxodo 20:14

“Janiw wachuq jucha lurätati.

Éxodo 20:17

“Janiw jaqi masimankir utap munapayätati: janirakiw warmipsa, uywatapsa, vacapsa, asnopsa, kunanakapatix utjki ukanaksa munapayätati” sasa.

Proverbios 6:29

Jaqi masipan warmipamp jucha lurañan sarnaqir jaqix ukhamarakiwa, juchapsti uñt'asipuniniwa.

Jeremías 13:27

Jan wali amtatam uñjtwa, wachuqa jucha luratamsa uñjtwa, mä p'inqa yaqhanakampi sarnaqatamsa, qullu patanakana, pampanakana axtaskañ luräwinak luratamsa uñjaraktwa. ¡Ay Jerusalén, kunakïkan jumatxa! ¿Kunapachkamarak ukham sarnaqätasti?”

Jeremías 23:10

Aka markasti wachuqa jucha lurir jaqinakan phuqhantatawa, ñanqha lurir jaqinakan phuqhantatawa, jaqi masipar ñanqhachañatakix munañanïpxiwa. Ukat Tatitux aka uraqirux ñanqhachi, aka uraqisti wañsuwayxiwa, wasar tuqin chhuxllanakasa q'alaw pharsuwayxaraki.

Jeremías 29:23

Taqi ukanakaw jumanakampix lurasini, Israel markan sinti jach'a juchanak lurapxatam layku: jaqi masiman warmipampiw jumanakax wachuqa jucha lurapxtaxa, ukatsti kuntix nayax jan sapksma ukanakarak nayan sutixar parlapxtaxa. Nayax uk sum yatta, naya kipkaw uñjta. Naya, Tatituw uk arsta’ ” sasa.

Jeremías 50:11

“Babiloniankirinaka, markaxar lunthatirinaka, ¡jichhax kusisipxam, k'uchirt'asipxam! ¡Vaca qallur uñtat chuxlla taypin sink'usipxam! ¡Caballonakjam wararipxam!

Jeremías 9:2

2 (1) ¡Walïspawa wasaran mä utax utjitaspa ukat ukan jakasiñaxataki, ukhamat markaxat jayaru sarxañataki! Taqinis janiw chiqa chuymanïpkiti, ch'uxña lurirkamakïpxiwa.

Ezequiel 22:11

Yaqhipanakasti jaqi masipan warmipampiw wachuqa jucha lurapxi, yaqhipanakasti pachpa yuxch'apampiw jan wal sarnaqapxi, yaqhipanakasti prima kullakaparuw warmisipxi.

Deuteronomio 5:18

“ ‘Janiw wachuq jucha lurätati.

Deuteronomio 5:21

“ ‘Janiw jaqi masiman warmip munapayätati. Janirakiw jaqi masiman utapsa, uraqinakapsa, uywatapsa, uywanakapsa, asnopsa, kunatix jupankki ukanaksa munapayätati.’