Jeremías 5:7 - Qullan Arunaka DC

⁷ Tatitux siwa: “¿Kunjämsa jichhax taqi ukanak pampachäma? Wawanakamax nayar apanukupxituwa, ukatsti jan chiqa diosäpki ukanakxaruw juramento lurapxi. Jupanakarux jilarkir manq'añ churta, ukampis taqpachaniw yaqha diosanakar yupaychapxaraki.

Aymar Bibliia 1986

⁷ Tatitojj siwa: “¿Cunjämsa jichhajj take ucanac perdonäma? Wawanacamajj nayarojj apanucuwayapjjetuwa, ucatsti cawquïrinacatejj jan diosäpqui ucanacjjaruw juramento lurapjje, mank'sti jilarquirwa churta, ucatsti takpachaniw yakhampi sarnakañarojj catuyasipjjaraqui.

Qullan Arunaca

⁷ Tatitojj siwa: “¿Cunjämsa jichhajj take ucanac perdonäma? Wawanacamajj nayarojj apanucuwayapjjetuwa, ucatsti cawquïrinacatejj jan diosäpqui ucanacjjaruw juramento lurapjje, mank'sti jilarquirwa churta, ucatsti takpachaniw yakhampi sarnakañarojj catuyasipjjaraqui.

Jeremías 5:7 Jak'a apnaqawi uñst'ayäwi

2 Crónicas 13:9

¿Janit jumanakasti Aarón chachat saraqir Tatitun sacerdotenakaparu, levitanakar jaqunukusa, ukatsti kunjämtix Tatitur jan uñt'ir markanakax lurapki ukhama jumanakan munañamarjam sacerdotenak utt'ayasipktasti? ¡Khititix mä vaca qallumpi, paqallqu urqu ovejampi luqtasiñatak jutki ukarux k'ari diosanakan sacerdotepjam utt'ayapxtaxa!

Job 31:12

Tukjir ninar uñtatäspawa, ukhamarakiw taqi kunaxsa tukjaspa.

Salmos 50:18

Lunthatarux qhumantasaw katuqtaxa; ¡wachuqan sarnaqirinakampiw chikachastaxa!

Jeremías 12:16

Jupanakaw markaxarux Baal diosatak juramento lurañsa yatichapxäna, ukampis jichhax markax taypin utjnuqapxaspawa, ukampis jupanakax nayan yatichäwinakaxaruw jaysapxañapa, ukatsti nayan sutixar juramento lurañ yatiqapxañaparaki: ‘Tatitux jakaskiwa’ sasa.

Jeremías 13:27

Jan wali amtatam uñjtwa, wachuqa jucha luratamsa uñjtwa, mä p'inqa yaqhanakampi sarnaqatamsa, qullu patanakana, pampanakana axtaskañ luräwinak luratamsa uñjaraktwa. ¡Ay Jerusalén, kunakïkan jumatxa! ¿Kunapachkamarak ukham sarnaqätasti?”

Jeremías 16:11

Jumasti jupanakarux sarakim: ‘Tatitux siwa: Jumanakan nayra awkinakaman nayar apanukusin yaqha diosanakar killt'asis yupaychapxatapat taqi akanakax juti; nayarusti apanukupxitänwa, janirakiw kuntix nayax jupanakar siskäyäta ukanak phuqhapkänti.

Jeremías 16:20

¿Mä jaqix pachpa diosanakap lurasispati? ¡Ukhamasti uka diosanakax janiw chiqäpkiti!”

Jeremías 2:11

Diosar jan uñt'ir mä markan diosanakap apanukutapa, uka diosanakapax jan chiqa diosäpkchi ukasa. Ukampis markaxax nayarux apanukuwayituwa, nayax chiqpach Diosäkta ukasa, jan kunatak inamay idolonak laykukiw apanukuwayapxitu.

Jeremías 2:31

Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Jeremías 23:10

Aka markasti wachuqa jucha lurir jaqinakan phuqhantatawa, ñanqha lurir jaqinakan phuqhantatawa, jaqi masipar ñanqhachañatakix munañanïpxiwa. Ukat Tatitux aka uraqirux ñanqhachi, aka uraqisti wañsuwayxiwa, wasar tuqin chhuxllanakasa q'alaw pharsuwayxaraki.

Jeremías 3:19

“Israel marka, nayax jumar wawaxat katuqañatakiw amtasta, mä suma munkañ uraqi jumar churañ amtarakta, taqi aka uraqinakat sipan juk'ampi suma uraqi. Nayasti sarakïyätwa: ‘Jichhax awki sisxchitaniya’ sasa, ukatsti janiy nayat jayar sarkxchiniti sarakïyätwa.

Jeremías 3:8

nayan Israel markar nayatak sayt'asitapat apanukutaxsa uñjiwa, yaqha diosanakar yupaychatapat apanukutaxsa uñjarakiwa. Ukampis Judá markax janiw kunsa axsarkiti, jan ukasti jupax yaqha diosanakar yupaychirix sararakikiwa.

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Jeremías 9:1

1 (23) ¡Nayranakaxan jachapax mä uma jalsjamakïspa, walja jalir umanakjama, ukhamata markaxan jiwarat jaqinakata uruy aruma jachañaxataki!

Jeremías 9:2

2 (1) ¡Walïspawa wasaran mä utax utjitaspa ukat ukan jakasiñaxataki, ukhamat markaxat jayaru sarxañataki! Taqinis janiw chiqa chuymanïpkiti, ch'uxña lurirkamakïpxiwa.

Lamentaciones 3:42

Nanakax juchañchasipxtwa, jumarus saykatapxaraksmawa, jumasti janiw pampachapkistati.

Ezequiel 22:11

Yaqhipanakasti jaqi masipan warmipampiw wachuqa jucha lurapxi, yaqhipanakasti pachpa yuxch'apampiw jan wal sarnaqapxi, yaqhipanakasti prima kullakaparuw warmisipxi.

Oseas 11:8

“Israel, ¿kunjämarak apanukt'asïmasti? ¿Kunjämarak jaytanukt'asïmasti? ¿Admá marka tukjkta ukhamti tukjirisma, jan ukax, Seboím markarux kuntix lurkta ukhamarakcha luririsma? ¡Chuymaxaw ch'allxtitu, jumatakisti khuyapayasiñan phuqt'atarakïtwa!

Oseas 13:6

“Kunapachatix jumanakan manq'añanakamax jilarxän ukkhaxa, jach'achasiñampiw phuqhantasipxtaxa, nayatsti armasxapxaraktawa.

Oseas 4:2

Ukampis k'ari juramentompi, k'arisiñampikiw utjaski, jaqi jiwayañampi, lunthatasiñampi, wachuq jucha lurañampi, nuwasiñampi; jaqinak pura jiwarayasiñampi.

Oseas 7:4

Taqi jupanakasti wachuqa jucha lurirkamakïpxiwa; junt'uptayat hornor uñtatäpxiwa, janiw juk'amp junt'uptayañax wakiskxiti, t'ant'a luririx t'ant'a masan puqtañapak suyxañapa.

Levítico 20:10

“Maynitix jaqi masipan warmipar warmischi ukasti, jupasa, warmisa jiwayatäñatak juchañchatäñapawa.

Amós 8:14

Samaria markankir k'ari diosanakan sutipxar juramento luririnaka; khitinakatix sapki: ‘Dan markan diosap layku’, ‘Beerseba markan diosanakap layku’ sasa, ukanakax jan mayampi sartañatakiw jiwarapxani.”

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

1 Corintios 6:9

¿Janit yatipkta chiqapar jan uñjirinakan alaxpachar jan mantañapxa? Janiy sallqjayasipxamti, wachuq juchan sarnaqirinakax, janiw Diosan markapar mantapkaniti, janirakiw yaqha diosar yupaychirinakasa, wachuq jucha luririnakasa, q'iwsanakasa, chacha pura, jan ukax warmi pura q'añusirinakasa, lunthatanakasa, mich'anakasa, machirinakasa, ñanqhachirinakasa, lunthatanakas mantapkaniti.

1 Corintios 8:4

Yaqha diosanakar luqtat manq'anak manq'añxatxa, niy yattanwa, jaqin lurat diosax akapachan janiw kunäkisa, mä sapa Diosakiw utji.

Gálatas 4:8

Nayrax, jumanakax Diosar janïr uñt'apkäyät ukkhaxa, k'ari diosanakaruw luqtapxäyätaxa.

Deuteronomio 32:15

“Ukampis israelitanakax jach'aptxänwa, Diosat armasxapxarakïnwa; irnuqasir Diosaparux apanukünwa, arxatir qhispiyiriparusti, jisk'acharakïnwa.

Deuteronomio 32:21

Jan diosäki uka diosampiw phiñasiyapxitu, uka inamay diosanakampiw q'apisiyapxarakitu; ¡nayasti jan markäki uka markampiw phiñasiyä, jan amuyt'asiñ munir markampiw q'apisiyarakï!

Hebreos 13:4

Chacha warmi jaqichasit sarnaqäwirux taqinipun waqaychapxam, chachasa, warmisa jan yaqhanakampix wachuqan sarnaqapxamti; wachuq juchan sarnaqirirux Diosaw taripani.

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.

Josué 23:7

Jumanak taypin jakapki uka yaqha markankir jaqinakampix janipun chikachasipxamti, janiraki diosanakaparus yupaychapxamti, jaysapxamsa; sutinakapsa janipun aytasipxamti, jupanak laykus juramento lurapxamti.