Jeremías 5:6 - Qullan Arunaka DC

⁶ Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Aymar Bibliia 1986

⁶ Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Qullan Arunaca

⁶ Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 5:6 Jak'a apnaqawi uñst'ayäwi

2 Crónicas 36:14

Judá uraqinkir jilïrinakasa, sacerdotenakasa, marka jaqinakasa juk'amp jan walinak lurapxäna, jucharar markanakan axtkañ luräwinakap lurasa, ukhamarak Tatitun ajllit utap jan axsart'as takichasa.

Esdras 10:10

Ukatsti Esdras sacerdotex sayt'asisin jupanakaruw säna: —Jumanakax yaqha diosanakar yupaychir warminakamp jaqichasisaw juch lurapxtaxa, ukhamat Israel markasan juchap jilxatayapxtaxa.

Esdras 9:6

jupar sarakta: “Tatituxay, Tatituxay, nayax wali p'inqasitätwa, chuymaw chhaqtarakitu, janiw kunjämsa jumamp parlirjamäkti. Nanakan jucha luratanakaxax sintipuniw utjapxitu, juchanakaxas alaxpachkamarakiw puri.

Job 10:16

Nayatix sayt'asiristxa, jumax leonar uñtataw qhamisiyitasma, nayar t'unjañatakix kunsa lurirjamätawa.

Salmos 104:20

Ch'amakanak uchtaxa, ch'amak arum purinipansti, ch'uminkir animalanakax misturanipxiwa.

Salmos 80:13

13 (14) Ch'uminkir khuchhix q'alpun yapu tukji, ch'umi manqhankir animalanakasti manq'supxarakiwa.

Isaías 1:23

Jilïr apnaqirinakamas nayatak sayt'asirkamakiwa, lunthatanakampis suman jakasipxi. Taqinis qullqi chilltayasirkamakiwa, waxt'äwinak katuqañak munasipki. Wajcharux janiw chiqapar uñjapkiti, ijma warminakarus janirakiw chiqapar uñjapkiti.

Isaías 59:12

Nanakaw jumarux chuyma wal usuyapxsma, pachpa juchanakaxaw juchañchasipkitu; nanakan jucha luratanakaxasti nanak chikawa, ñanqha luratanakaxsti uñt'asipxaraktwa.

Jeremías 14:7

¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Jeremías 2:15

¿Kunatarak leonanakjama jach'at warart'asis nuwantapxisti? Uraqipxa q'ala tukjat antutawayapxi, markanakapasti ninampi nakhantayata, janirakiw khitis ukanakan qhiparkxiti.

Jeremías 2:17

Taqi akanakasti nayar apanukutam laykuw ukham t'aqhisiyapxaraktam, naya, Tatitu Diosamaru, jumar irpiriru apanukutamata.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 2:31

Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Jeremías 25:38

Putupat mistunir leonar uñtataw jupax mistuni, jupanakan markapasti q'ala t'unjataw uñjasi, Tatitun phiñasiñapax mä ninjamaw aqti, mä jach'a nuwasïwi apayaniraki.

Jeremías 30:14

Jumar munir markanakax apanuktamwa; janiw jumat amtaskxapxiti. Nayaw jumarux ukham chhuxriñchsma, uñisirimäkiristsa ukhama, walja jach'a juchanak luratamatxa, jan khuyapt'ayasisaw mutuyäma.

Jeremías 30:15

¿Kunatarak uka chhuxrinakamat ayqtasti? Usuyasitamax jan qullkayawa. Walja jach'a juchanak luratamat ukham mutuysma.

Jeremías 30:24

Tatitun phiñasiñapax janiw tukuskaniti, jupan taqi amtäwinakap phuqhañapkama. Mä uruw jumanakax taqi akanak amuyt'apxäta.

Jeremías 4:7

Leonax niyaw putupat mistuni; markanak tukjiristi niyaw jutanti; markam t'unjiriw markapat mistuniwayi, markanakamxa, ch'usa wasara, q'ala t'unjat tukuyani.

Jeremías 49:19

Edom marka, jan kamsasakiw jumarux nuwantäma, kunjämatix leonax akatjamat khitirus thuqxatkix ukhama. Nayaw uñisirim ajllï, mä juk'a pachanaki jumar atipjañapataki. Janiw yaqha Diosax nayjam utjkiti, janiw khitis nayar saykatirix utjkiti, janirakiw kawkïr awatiris nayarux saykatkitaspati.

Jeremías 8:5

Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Jeremías 8:7

Cigüeña sat jamach'is kunapachatix kuttaniñapäki uk yatiwa. Qhurukutunakasa, jisk'a jamach'inakasa, kunapachatix yaqha chiqar sarxapxañapäki uk yatipxarakiwa. Ukampis jumax nayan markaxay, janiw kamachinakaxar jaysañ munktati.

Lamentaciones 1:5

Uñisirinakapaw jupar apnaqapxi, awqanakapax qamirkiptapxiwa. Sinti jach'a juchanak luratapat Tatitux ukham t'aqhisiyi. Wawanakapasti jaya markar apatawa, uñisirinakapaw katuntat apapxi.

Ezequiel 16:25

Taqi thakhi tukuyanakaruw uka yupaychañanak lurastaxa, ukham suma warmïtamsti mä axtaskañaruw tukuyaraktaxa, uka chiqa sarakipirinakarus q'añu lurañanakatakiw katuyastaxa.

Ezequiel 22:27

Aka markan jilïrinakapasti, katutaparu jisk'a jisk'a wikhanuqiri qamaqinakar uñtatäpxiwa, jaqinak jiwarayañatakisti jank'akïpxiwa, ukhamat qamiriptapxañapataki.

Ezequiel 23:19

Ukampis jupax juk'ampi juk'amp yaqha chachanakampi sarnaqañarux katuyasïna, tawaqu urunakapat amtasisa, Egipton jan wali sarnaqkän ukhama,

Daniel (hebreo) 7:4

Nayrïr jach'a laq'ux mä leonar uñtatänwa, chiqhapasti jach'a pakan chhiqhapjamänwa. Nayax ukhamaw uka jach'a laq'ur uñch'ukiskäyäta, ukhamaruw chhiqhanakap jik'iqapxäna, uraqit waytasin qhipäx kayunakapxaruw sayt'asiyapxäna, mä jaqïkaspas ukhama, chuymapasti mä jaqin chuymapäkaspas ukhamaw tukuwayxarakïna.

Daniel (hebreo) 7:6

“Kimsïr jach'a laq'usti, leopardor uñtatänwa, ukampis jikhanipxarux pusi chhiqhanïnwa; pusi p'iqinirakïnwa, uka laq'urusti taqi munañanïñaw churatarakïna.

Oseas 5:14

Kunjämatix mä leonax wal qhurutasixa, ukhamaw nayax Israel markampiru, Judá markampirux qhuruchasis katjarakï; naya pachpaw jisk'a jisk'a tukjä, janirakiw khiti arxatt'iris utjkaniti.

Habacuc 1:8

Caballonakapasti leopardo sata laq'unakat sipansa juk'amp jalirinakawa, wasarankir manq'at awtjat qamaqinakat sipansa juk'amp qhurüpxarakiwa. Caballxat jalirinakapasti jach'a tamar tukusaw jalapxi, uñisirinakapar katurpayañatakiw tutukxatapxi, kunjämatix pakax katjañatak thuqxatki ukhama.

Sofonías 3:3

Jach'a jilïri jaqinakapax leonanakjamaw wararipxi; juchanak taripir jilïrinakapasa, wasaran sarnaqir qamaqinakjamaw ch'akhanaksa q'al manq'antapxi, qhipürutakix jan jilt'ayasa.

Números 32:14

Jichhasti jumanakax jucha lurir awkinakan wawanakapa, awkinakamjamaw lurañ munapxaraktaxa, Israel markatak wasitat Tatitun q'apisiñap aqtayañataki.

Apocalipsis 13:2

Nayax uñjkta uka axsarkañ animalasti leopardo animalar uñtatänwa; kayunakapasti oso animalan kayunakapjamänwa, lakapasti leonan lakapjamarakïnwa. Dragonasti uka animalarux ch'amapampi, reyi qunuñapampi, wali munañanïñ kankañapampi katuyäna.