Jeremías 5:5 - Qullan Arunaka DC

⁵ Jilïr jaqinakan ukaruw sarä, jupanakarusti sarakïwa. Jupanakax kuntix Tatitux munki uk yatipxani, kuntix Diosax arski uksa yatipxarakiniwa. Ukampis taqiniw Tatitutak sayt'asipxatayna, janirakiw jupar jaysañsa munapkataynati.

Aymar Bibliia 1986

⁵ Jilïri jakenacan ucaru sarä, ucatsti jupanacarojj saraquïwa. Jupanacasti amuyt'asipjjapuniniw cuntejj Tatitojj munqui ucatjja, cuntejj Diosajj sisqui ucsa. Ucampisa takeniw Dios toke sayt'asipjje, janiraquiw jupar jaysañsa munapquiti.

Qullan Arunaca

⁵ Jilïri jakenacan ucaru sarä, ucatsti jupanacarojj saraquïwa. Jupanacasti amuyt'asipjjapuniniw cuntejj Tatitojj munqui ucatjja, cuntejj Diosajj sisqui ucsa. Ucampisa takeniw Dios toke sayt'asipjje, janiraquiw jupar jaysañsa munapquiti.

Jeremías 5:5 Jak'a apnaqawi uñst'ayäwi

2 Crónicas 36:14

Judá uraqinkir jilïrinakasa, sacerdotenakasa, marka jaqinakasa juk'amp jan walinak lurapxäna, jucharar markanakan axtkañ luräwinakap lurasa, ukhamarak Tatitun ajllit utap jan axsart'as takichasa.

Éxodo 32:25

Moisesasti markar jan jark'añjamätap amuyäna, uñisirinakapatakis laruskayätap uñjarakïna, Aaronax janiw jark'irjamäkataynati.

Isaías 1:23

Jilïr apnaqirinakamas nayatak sayt'asirkamakiwa, lunthatanakampis suman jakasipxi. Taqinis qullqi chilltayasirkamakiwa, waxt'äwinak katuqañak munasipki. Wajcharux janiw chiqapar uñjapkiti, ijma warminakarus janirakiw chiqapar uñjapkiti.

Jeremías 2:20

“Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Jeremías 2:31

Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Jeremías 30:14

Jumar munir markanakax apanuktamwa; janiw jumat amtaskxapxiti. Nayaw jumarux ukham chhuxriñchsma, uñisirimäkiristsa ukhama, walja jach'a juchanak luratamatxa, jan khuyapt'ayasisaw mutuyäma.

Jeremías 6:13

“Taqinisa, jisk'as jach'asa, lunthatasiñampi jikxatañatak lup'isipki; profetanakasa, sacerdotenakasa, taqiniw lunthatasiñar katuyasipxi.

Jeremías 8:7

Cigüeña sat jamach'is kunapachatix kuttaniñapäki uk yatiwa. Qhurukutunakasa, jisk'a jamach'inakasa, kunapachatix yaqha chiqar sarxapxañapäki uk yatipxarakiwa. Ukampis jumax nayan markaxay, janiw kamachinakaxar jaysañ munktati.

Jeremías 9:3

3 (2) K'arisiñatakix jank'akïpxiwa, mich'inaksa antutt'apkaspa ukhama. Aka markansti k'arisiñakiw phuqt'atäski, janiw chiqapax utjkiti; jan walit juk'ampi jan walirukiw sarapxi, ukatsti pachpa Tatituw arsuraki: “Janiw nayar uñt'añ munapkituti” sasa.

Ezequiel 11:2

Ukatsti Tatitux sarakituwa: “Akanakax jan wali amtäwinakakpun aka markan amtasipki, ñanqha lurañanakak lup'isipki.

Amós 4:1

Samariankir qamir warminaka, aka arunak ist'apxam, jumanakax wajchanakaruw jachayapxtaxa, jan kunaniruw t'aqhisiyapxtaxa, chachanakamarusti, machañatak vino mayipxtaxa.

Amós 6:1

“¡Ay kunakïkan Jerusalén markan samarat jakirinakatakixa! ¡Ay kunakïkan Samaria markar katuyasit jakirinakatakixa, wali aytat markan jach'a jilïrinakaparu khitinakarutix israelitanakax yanap mayipki ukanakataki!

Miqueas 3:11

Kunatix chiqäki ukanak uñjirinakasa qullqi chilltayasipxi, sacerdotenakas qullqi laykukiw yatichapxi, profetanakasti profecía arunakapxa aljapxarakiwa; taqi akanakatxa Tatitux walikiw siskaspasa ukhama. Ukatsti sapxarakiwa: “Tatituw jiwasampïski, janiw kuna jan walis jiwasxar jutkaniti” sasa.

Malaquías 2:7

Sacerdotenakan lurañanakapasti, jaqinakaru nayar uñt'aña yatichapxañapawa, ukatsti taqinirakiw jupanakan ukaru sarapxañapa suma yatichäwinak katuqiri, jupanakax taqi ch'aman Tatitun suma arunakap qhanañchiri khithanita jaqinakäpxatap layku.

Lucas 18:24

Jesusax ukham llakit uñjasinxa, sänwa: —¡Kunja ch'amas qamirinakan Diosan qhapaq markapar mantañapaxa!

Lucas 19:14

Ukampis markapankir jaqinakax juparux uñisïnwa, ukat jupan qhipapat khithanak khithapxäna markan jilïripar sapxañapataki: ‘Janiw nanakax aka jaqin nanakan reyïñap munapkti’ sasa.