Jeremías 5:3 - Qullan Arunaka DC

³ Tatay, jumax chiqa chuyman jaqinak thaqtaxa. Mutuytawa, ukampis janiw usuyasipkiti; aynacht'aytawa, ukampis janiw yatiqañ munapkiti. Chuymanakapsa qalat sipan juk'ampi qalarayasipxi, janirakiw chiqa thakhir kuttaniñsa munapkiti.

Aymar Bibliia 1986

³ Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Qullan Arunaca

³ Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Jeremías 5:3 Jak'a apnaqawi uñst'ayäwi

Génesis 19:34

Qhipürusti, jilïr phuchhax sullkaparux sarakïnwa: —Wasayp'ux nayax awkisampiw ikintta, jichhärmax machjayarakikiñäni, ukatsti jupampiw jumax ikintarakïta; ukhamat panpachaniw jupatak wawanïñäni —sasa.

1 Reyes 13:33

Ukhamäkipansa, Jeroboam reyix janiw jan wali sarnaqäwinakap apanukkänti, jan ukasti, qullu patanakankiri yupaychañ utanakapatakix wasitat jaqinak taypit sacerdotenak utt'ayäna. Khititix sacerdotëña munkän ukaruxa, Jeroboam reyix qullu patanakan utjir yupaychañ utanakan sacerdotepat utt'ayäna.

2 Reyes 1:13

Uka qhipatsti reyix kimsïr kutin mä capitanar khithäna, yaqha phisqa tunka soldadonakampi. Uka kimsïr capitanasti purisin, Eliasax qunt'atäkän ukkhakamaw makhatäna, ukatsti jupa nayraqatan killt'asis achikt'asïna: —Tatitun luqtiripa, nayan jakañaxatsa, aka phisqa tunka luqtirinakaman jakañapatsa khuyapt'ayasikimaya.

2 Crónicas 16:9

Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.

2 Crónicas 28:22

Jan walin uñjaskasasa, Ahaz reyix, Tatit nayraqatan jucha luraskakïnwa. ¡Ahaz reyix ukhamänwa!

Salmos 51:6

6 (8) Jumax q'uma chuymaniruw munastaxa, chuymaxarusti yatiñ kankañ uchtaxa.

Salmos 51:8

8 (10) K'uchirt'asiñampi phuqhantita, usuchjkchista ukas wasitat kusisiyxita.

Salmos 55:20

20 (21) Masinakapatakiw amparanakap luqtapxi, arust'äwinakaparus janiw phuqhapkiti.

Proverbios 21:29

Ñanqha lurir jaqix janis axsarayaskaspa ukhamaw tuku, aski jaqisti jakäwip chiqachasi.

Proverbios 22:12

Tatitux yatiñan jaqiruw sum imaski, k'ari jaqirusti p'inqachayiwa.

Proverbios 23:35

ukatsti sätawa: “Nuwapxituwa, janiw uskituti; jawq'japxituwa, janiw amuyaskti, ikit sartasinsti, umañ thaqhiriw wasitat sarä” sasa.

Proverbios 27:22

Jan amuyt'asir jaqirux walja kutis nuwjaskam, janipuniw jan amuyt'asir chuymap apaqkasmati.

Isaías 26:11

Tatay, jupanakatakix mutuyäwimax wakichatawa, ukampis jupanakax janiw amuyasiñ munapkiti; kunapachatix juman markamar wali munasitam uñjapkan ukkhaxa, jupanakax mä p'inqaw uñjasipxani. ¡Phiñasiñamampiy jupanakar tukjam!

Isaías 42:25

Ukatpï jupanakatakix phiñasïnxa, mä jach'a nuwasïwimpiw mutuyäna, ninampiw mutuyarakïna, ukham katuqkasas janiw jupanakax ist'asiñ munapkänti.

Isaías 48:4

Kunjämtix nayax juman jan ist'asirïtam yatkäyätxa, mä fierror uñtat wali ch'ullqhïtawa, broncer uñtata jan k'umt'kayätawa,

Isaías 9:13

13 (12) Ukampis jupanakar mutuyir Tatiturux janiw makhatapkiti; janirakiw taqi ch'amani Tatiturus thaqapkiti.

Jeremías 15:7

Markat anqaruw jaqtansma, wichhu t'unar uñtat willtansma; markaxarux jan wawanakan antutarakta, uka ñanqha jakañap jan apanukuñ munatapat t'unjarakta.

Jeremías 17:23

Ukampis jupanakax janiw nayarux ist'apkitänti, janirakiw jaysapkitänsa, jan ukasti jupanakax qala chuymanïpxänwa, janiw nayar ist'añ munapkitänti, janirakiw yatiqañsa munapkänti.

Jeremías 19:15

“Israelan taqi ch'aman Dios Tatitupax akham siwa: ‘Aka markampiru, jak'ankir yaqha markanakampirusa, kuna mutuyäwtix jupanakatak arskta uk apayanï, kuna arunaktix nayax arskäyäta uka arunakar k'ullusipxatapata, janirak uka arunakar jaysapxatap layku.’ ”

Jeremías 2:30

Inamayaw wawanakamarux mutuytxa, jan wali luratanakapatxa janiw kuttaniñ munapkiti, jumanakasti qhuru leonanakar uñtataw profetanakamarux jiwarayapxtaxa.

Jeremías 3:3

Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!

Jeremías 32:19

Jumax amtäwinakaman jach'ätawa, luräwinakamansa ch'amanirakïtawa. Jumaw taqi jaqin luratanakap uñjtaxa, ukatsti luratanakaparjamaw kunsa churtaxa.

Jeremías 35:13

“Naya, Israelan Diosapa, taqi ch'aman Tatituw arsta. Jumarusti saraksmawa, jichhax Judá uraqinkiri, Jerusalén markankir jaqinakan ukar saram, jupanakarusti sarakim: ‘Recabita jaqinakat aka yatichäwi yatiqapxam, ukatsti arunakaxar ist'apxarakita. Naya, Tatituw uk arsta.

Jeremías 44:10

Jichhakamasti janiw jumanakax sarnaqäwinakamsa askichasipktati, janirakiw axsartañas utjapktamti, nayra awkinakamampiru, jumanakampir churata yatichäwinakarusa, kamachinakarusa janirakiw phuqhapktati.

Jeremías 7:26

Ukampis jumanakax janiw nayarux jaysapkistati, janiw ist'apkarakistasa, jan ukasti, nayra awkinakamat sipansa juk'ampi qhuru chuymaniw tukupxtaxa.

Jeremías 7:28

Sarakim: ‘Aka markax janiw Tatitu Diosaparux jaysañ munkiti, janirakiw chiqachayasiñsa munkiti. Chiqa chuymampi sarnaqañasti janiw utjkxiti’ ” sasa.

Jeremías 8:5

Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Ezequiel 2:4

Wawanakapas jupanakjam k'ullu, qala chuymani jan amuyt'ani jaqinakäpxarakiwa. Jichhasti jumarux jupanakan ukaruw khithäma, jupanakarusti akham sätawa: ‘Tatitux akham siwa.’

Ezequiel 24:13

“ ‘Jerusalén marka, nayax uka ñanqha juchanak luratamat q'umachañ munäyäsma, ukampis janiw q'umachatäktati. Nayax mutuykäm ukkhakiw q'umachat uñjasïta.

Daniel (hebreo) 9:13

Taqi aka jan walinakax nanakxaruw wakt'apxitu, kunjämatix Moisesan kamachipan qillqatäki ukhamarjama; nanakasti janiw thaqhapksmati; Tatay, nanakan Diosaxay, janiw ñanqha lurañanakaxsa apanukupkti, janirakiw juman chiqa arunakamarus arkapkti.

Levítico 26:23

“Taqi ukanak katuqkasinsa, janipun nayar jaysapkitäta ukasti,

Amós 4:10

“Egipto markar apaykäyäta uka pachpa t'aqhisiñ jumanakarux apayanipxsma, waynanakarusti nuwasïwinakan jiwarayta, caballonakapsti uñisirinakaruw katxaruyta; nuwasïwin jiwaratanakan q'aphinakapsa mukhirayaraktwa, ¡ukampis jumanakax janiw nayan ukarux kuttanipktati!” Tatitux ukham siwa.

Amós 4:11

“Kamisatix Sodoma markampiru, Gomorra markampir nayax tukjkta, ukham jumanakarux tukjapxaraksma; ninat apsut sank'ar uñtatäpxayätawa, ¡ukampis jumanakax janiw nayan ukarux kuttanipktati!” Tatitux ukham siwa.

Amós 4:6

“Nayaw jumanakar taqi markanakaman manq'at awtjayapxsma; nayaw taqi chiqanakan jaqinakatak manq'añ pist'ayta, ¡ukampis jumanakax janiw nayan ukarux kuttanipktati!” Tatitux ukham siwa.

Amós 4:8

Jaqinakax markat marka uma thaqhasax sarapxäna, umat pharjayasitanakapax janipuniw apaqtkänti; ¡ukampis jumanakax janiw nayan ukarux kuttanipktati!” Tatitux ukham siwa.

Amós 4:9

“Junt'u thayanakampiw mutuyapxsma, kunayman usunakampiw t'aqhisiyapxsma; panqar yapunakamsa, uva yapunakamsa pharsuyaraktwa; higo quqanakamsa, aceituna quqanakamsa t'iju t'ijunakaw manq'suwayxi; ¡ukampis jumanakax janiw nayan ukarux kuttanipktati!” Tatitux ukham siwa.

Sofonías 3:7

Ukat sista: ‘Jerusalén markax axsartitaniwa, iwxa arunakaxsa ist'arakitaniwa; mutuyatäñapax janiw wakiskxaniti, janirakiw utanakapas t'unjatäkaniti.’ Ukampis jupanakax jank'akiw kunayman juchanak lurañanakar puripxaraki.

Romanos 2:2

Ukampis yatipxtanwa, Diosax chiqa kankañarjamaw taripi, kunapachatix ukham luririnakar juchañchki ukkhaxa.

Hebreos 12:9

Ukhamarus kunapachatix wawanakäkäyätan ukkhax, janchi awkinakasax chiqachistänwa, jiwasanakasti ist'arakïyätanwa. ¿Jichhasti janit ukat juk'ampi jakañ jikxatañatak alaxpach Awkisar ist'añasasti wakiskisti?