Jeremías 5:3 - Qullan Arunaca

³ Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Aymar Bibliia 1986

³ Tata, jumajj cheka chuymani jakenac thaktajja. Mutuyaractawa, ucampisa janiw usuyasipquiti; Aynacht'ayascaractawa, ucampisa janiw yatekañ munapquiti. Kala chuymanïpjjewa, wali khorunacäpjjaraquiwa, janiraquiw cheka thaquiru cuttaniñsa munapquiti.

Qullan Arunaka DC

³ Tatay, jumax chiqa chuyman jaqinak thaqtaxa. Mutuytawa, ukampis janiw usuyasipkiti; aynacht'aytawa, ukampis janiw yatiqañ munapkiti. Chuymanakapsa qalat sipan juk'ampi qalarayasipxi, janirakiw chiqa thakhir kuttaniñsa munapkiti.

Jeremías 5:3 Jak'a apnaqawi uñst'ayäwi

Génesis 19:34

Khepa urusti, jilïri phuchajj sullca phucharojj saraquïnwa: —Masayp'ojj nayajj awquisampiw iquintta, uqhamajj jichharmajj umjayaraquiquiñäni ucatsti jupampiw jumajj iquintaraquïta, uqhamat panpachaniw jupatac wawanïñäni —sasa.

1 Reyes 13:33

Ucampis Jeroboam reyejj janiw apanuccänti jupan jan wali sarnakañanacapa, jan ucasti wastataw jakenac taypita sacerdotenaca utt'ayäna yakha diosanacapana santuario utanacapataqui. Qhititejj sacerdotëña muncäna ucarojja, Jeroboam reyejj yakha diosanacapan santuario utanacapan sacerdotepatwa utt'ayäna.

2 Reyes 1:13

Ucatsti reyejj quimsïr cutinwa qhitäna mä capitanaru yakha pheska tunca soldadonacampi. Ucampis uca quimsïr capitanajja cawqhanccäntejj Eliasajj ucqhacamawa maqhatäna, ucatsti quillt'asisinjja jupan nayrakatapanjja achict'asïnwa: —Achict'assmawa profeta, nayan jacañajjarojj qhuyapt'ayitaya, uqhamarac aca pheska tunca sirvirinacaman jacañanacapsa.

2 Crónicas 16:9

Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

2 Crónicas 28:22

Acaz reyejj uqham jan walt'añanccasasa, Tatitutaquejj sayt'asiscaquïnwa. ¡Uqhamänwa Acaz reyejja!

Salmos 51:6

Jumarojj k'oma chuymaw cusisiytamjja, chuymajjarusti yatiñ cancañ uchtajja.

Salmos 51:8

Cusisiñamp c'uchirtasiñamp phokhantita, p'aquintat ch'aqhanacajjasti wasitat cusisipjjpan.

Salmos 55:20

Masinacapataquejj amparanacap loktapjje, jupanac pur arusjäwi luratanac t'unantapjje.

Proverbios 21:29

Ñankha lurir jakejja ajjsarayasiñanacapjja imt'iwa, ucampis asqui jakejja jacäwipjja chekachasiwa.

Proverbios 22:12

Tatitojj yatiñan jakeruw sum uñjasa imasqui, ucampis khanstayiwa c'ari jakenacan parlatanacapjja.

Proverbios 23:35

ucatsti sätawa: “Nuwapjjetuwa, ucatsti janiw usquituti; jawk'apjjetuwa, janiw amuyascti, ucampis iquit sartasinjja wastataw juc'amp vino thakeri sarä” sasa.

Proverbios 27:22

Jan amuyt'an jakerojj wastata wastatsa lek'jascam, janipuniw jan wali lurañanacapjja apakcasmati.

Isaías 26:11

Tatay, jupanacataquejj mutuyäwimajj waquichatawa, ucampis jupanacajj janiw amuyasiñ munapquiti; cunapachatejj juman marcamar wali munasitam uñjapjjan ucqhajj, mä p'enkaw jupanacajj uñjasipjjani. ¡Añchaquiti juman colerasiñamajj jupanacaru tucjcani!

Isaías 42:25

Ucatpï jupanacataquejj colerasïnjja, mutuyaraquïnsa mä jach'a guerrampi naqhantayasa, uqhamas janiw jupanacajj yatekañ munapcänti.

Isaías 48:4

Cunjämtejj nayajj juman jan ist'asirïtam yatiyätjja, mä fierror uñtata wali ch'ollkhëtawa, broncer uñtata jan c'umt'cayaraquïtawa,

Isaías 9:13

Ucampisa marcajj janiw jupanacar mutuyir Diosarojj maqhatapquiti; janiraquiw take ch'amani Dios Tatiturus thakapquiti.

Jeremías 15:7

Jakenacamarusti t'unjama willitataractjja, aca orakenquir marcanacat apsusajja. Marcajjarusti jan wawanacani antutaractjja, t'unjaractwa jan uca ñankha jacañap apanucuñ munatap laycu.

Jeremías 17:23

Ucampisa jupanacajj janiw nayarojj ist'apquitänti, ni jaysapcaraquitänsa, jan ucasti jupanacajj kala chuymanïpjjänwa, janiw nayar ist'añjja munapcänti ni yatekañsa munapcaraquïnti.

Jeremías 19:15

“Israelan take ch'amani Dios Tatitupajja aqham siwa: ‘Aca marcarojja uqhamaraqui yakha jac'anquiri marcanacarusa, cuna mutuyäwtejj jupanacataqui arscta ucwa apayanëjja, cuna arunactejj nayajj arscäyäta uca arunacataqui c'ullusipjjatam laycu, janiraqui uca arunacaru jaysapjjatam laycu.’ ”

Jeremías 2:30

Inamayaw jumanacan wawanacamarojj mutuytjja, janiraquiw jan wali luratanacapat cuttaniñsa munapcaraquiti, jumanacasti mä khoru leonanacar uñtataraquiw pachpa profetanacamarojj jiwarayapjjtajja.

Jeremías 3:3

Ucatwa jallus jan purcaraquitejja, awti horasasa ni jallupachasa. Yakha chachanacampi sarnaker warmir uñtata jan p'enkanïtawa. ¡Uqham sarnakatamatjja p'enkasiñamänwa!

Jeremías 32:19

Jumajj amtäwinacamanjja jach'ätawa, luräwinacamansti ch'amaniraquïtawa. Jumaw sapa mayni jakeru luratanacap uñjtajja, ucatsti luratanacaparjamaraquiw cunsa churtajja.

Jeremías 35:13

“Naya Israelan Diosapa, take ch'amani Tatituw arsta. Jumarusti saracsmawa, jichhajj Judá orakenquiri uqhamaraqui Jerusalén marcanquiri jakenacan ucaru saram, ucatsti jupanacarojj saraquim: ‘Yatekapjjam aca yatichäwi, ucatsti arunacajjaru ist'apjjaraquita. Naya Tatituw arsta.

Jeremías 44:10

Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Jeremías 7:26

Ucampisa jumanacajj janiw nayarojj jaysapquistati, ni ist'apcaraquistasa, jan ucasti juc'ampi khoru chuymaniw sarnakapjjtajja nayra awquinacamatsa juc'ampi.

Jeremías 7:28

Saraquim: ‘Aca marcajj janiw Tatitu Diosaparojj jaysañ munquiti, janiraquiw chekachayasiñsa munquiti. Cheka chuymampi sarnakañasti jupanacatjja k'ala chhaktatäjjewa’ ” sasa.

Jeremías 8:5

Uqhamasti, Israel ¿cunatsa ch'ojjña lurista? Jerusalén, ¿cunatsa nayataquejj wiñayataqui colerasta? ¿Cunatsa nayataqui sayt'asiscacta, ucatsti janiraqui nayan ucarojj cuttaniñ munctati?

Ezequiel 2:4

Wawanacapas jupanacjama c'ullu, kala chuymani jan amuyt'ani jakenacäpjjaraquiwa. Jichhasti jumarojj jupanacan ucaruw qhitäma jupanacaru aqham sasa parlañamataqui: ‘Aqham siwa Tatitojja.’

Ezequiel 24:13

“Jerusalén marca, nayajj munañamaru sarnakasin k'añuchasitanacamatjja k'omachañwa munayäsma, ucampisa janiw k'omachatäctati. Cunapachatejj nayajj jumjjaru colerasiñajja wartanï ucapachaquiw k'omachata uñjasïta.

Daniel (hebreo) 9:13

Take aca jan walinacaw nanacjjaru jutejja, cunjämatejj Moisesan leyipan kellkatäqui uqhamarjama; ucampisa nanacajj janiw jumarojj thakapcsmati, nanacan Tatitojja, nanacan Diosajja, janiraquiw nanacan ñankha lurañanacajjsa apanucupcti, ni juman chekapa arunacamarus arcapcaractti.

Levítico 26:23

“Take acanaca ist'casinsa, janipuni nayarojj jaysapquitäta, jan ucasti jumanacajj juc'ampi nayaru jan ist'asa sarnakasipcaquïta,

Amós 4:10

“Egipto marcar apaycayätsa uqham mä t'akhesiñaracwa jumanacarojj apayanipjjaracsma, waynanacarusti guerran jiwarayaractwa, caballonacapsti uñisirinacaparuraquiw catjjaruytjja; campamentonacan jiwaratäcän uca k'aphinacsa muqhirayaractwa, ucampis jumanacajj janiw nayarojj cutt'anipctati.” Uqham siw Tatitojja.

Amós 4:11

“Sodoma marcampiru Gomorra marcampiru tucjcäyätjja uqhamaracwa jumanacarojj tucjapjjaracsmajja, ninat apsut mä sanc'ar uñtataraquiw kheparapjjtajja, ¡ucampis jumanacajj janiw nayarojj cutt'anipctati!” Uqham siw Tatitojja.

Amós 4:6

“Qhititejj jumanacaru take marcanacana mank'at awtjayqui ucajj nayätwa, qhititejj take chekana jakenacarojj mank'aña pist'ayqui ucajj nayätwa, ¡ucampis jumanacajj janiw nayarojj cutt'anipctati!” Uqham siw Tatitojja.

Amós 4:8

Jakenacajj marcat marcraqui uma thakasajj sarapjjäna, umat pharjayasitanacapasti janipuniw apaktcänti; ucampis jumanacajj janiw nayarojj cutt'anipctati.” Tatituw ucjja arsuwayi.

Amós 4:9

“Azot'ipjjaracsmawa junt'u thayanacampi, alinacsti usunacampiraqui; huertonacapsa, uva yapunacaps pharsuyaractwa; higo kokanacapsa, aceituna kokanacapsa t'ijut'ijunacaraquiw mank'suwayjjejja; ¡ucampis jumanacajj janiw nayarojj cutt'anipctati!” Uqham siw Tatitojja.

Sofonías 3:7

Ucatwa sista: ‘Uqhamatwa Jerusalén marcajj ajjsartani, ewjja arunacajjsa ist'araquitaniwa, uqhamatwa utanacapas jan t'unjatäcaniti nayan mutuyatajj laycojja.’ Ucampis jupanacajj juc'ampi take casta juchanac lurañaruwa puripjje.

Romanos 2:2

Ucampis yatipjjtanwa, Diosajj cunatejj chekäqui ucarjamaw uñji, take acanac luririnacarojja juchañcharaqui.

Hebreos 12:9

Cunapachatejj wawanacäcäyätan ucqhajja, janchi awquinacasajj chekachistänwa, jiwasanacasti ist'äyätanwa. ¿Cunatarac jichhasti alajjpach Awquisarusti jan jaysañänisti uqhamat jacañasataquisti?