Jeremías 47:3 - Qullan Arunaka DC

³ Caballonakan chhukhunitap ist'asa, carronakan jutatap ist'asa, llantanakapan ch'amampi muyutap ist'asaw, awkinakax ch'am pist'ayasipxi, ukatsti wawanakaparuw apanukuwayxapxi.

Aymar Bibliia 1986

³ Caballonacan chhuqhunitap ist'asa, carronacan jutatap ist'asasa, uca carronacan ruedanacapan khothutitapa ist'asajja awquinacajj wawanacaparojj apanucuwayjjapjjewa, janiraquiw ch'amas utjcjjeti.

Qullan Arunaca

³ Caballonacan chhuqhunitap ist'asa, carronacan jutatap ist'asasa, uca carronacan ruedanacapan khothutitapa ist'asajja awquinacajj wawanacaparojj apanucuwayjjapjjewa, janiraquiw ch'amas utjcjjeti.

Jeremías 47:3 Jak'a apnaqawi uñst'ayäwi

Isaías 5:28

Mich'inak antutt'añanakapasti suma jiyintt'atawa, mich'inakapasti wali arinakawa. Caballonakapan casconakapas qaljam ch'ullqhiwa, carronakapan muyurinakapas tutuka thayar uñtatawa.

Jeremías 46:9

“¡Caballeriax sarantpan! ¡Nuwasiñ carronakas sarantarakpan! ¡Soldadonakasti sarantapxpan; Etiopía, Libia tuqinkir soldadonakasti jark'aqasiñanakap apt'at sarantapxpan; Lidiankir soldadonakasti, mich'inak antutt'añanakap sum jiyantapxpan!

Jeremías 50:42

Mich'inak antutt'añanakampi, lanzanakampi wakicht'ataw jutantapxi; jan khuyapayasir qhuru jaqinakäpxiwa, arnaqasitanakapasti quta qhuthutinakjamawa, caballonakar lat'xatatkamakiw jutantapxi. Babiloniar nuwantañatakis jank'akïpxarakiwa.

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Ezequiel 23:24

Jumar jan walt'ayañatakisti walja carronakampi, walja ejercitompiw jutantapxani; taqi tuqit muyuntapxätam jark'aqasiñanakapas apt'ata, nuwasiñ yänakapas ayt'ata, casconakampi asxatata, nayasti jupanakarux jumar taripañatak munañanïñ churä, jupanakasti kamachinakaparjamaw taripapxarakïtam.

Nahúm 2:4

4 (5) Carronakapax wali phiñasitäpkaspas ukhamaw marka thakhinakanjam jalnaqapxi, plazanakansa maysat maysa jalapxi, nina wiyanakar uñtata, lliju llijunakjamarakiw chhaqtawayapxi.

Nahúm 2:8

8 (9) Nínive markan utjirinakax taqiniw jaltxapxi, kunjämatix uma chakt'atax phallasin taqi tuqir jalixa ukhama. “¡Suyt'apxam! ¡Kuttanipxam!” sasaw art'apxaraki, ukampis janiw maynis kuttankiti.

Apocalipsis 9:9

Janchinakapasti hierro isimpi isthapitäkaspas ukhamänwa, chhiqhanakapan jawq'alitanakapasti, nuwasiñar mantir caballonakan qatatit walja carronakan uxutapjamänwa.

Jueces 5:22

“Caballonakan casconakapax chhulluqiwa! ¡Thuqtas, thuqtasaw ch'amani caballonakax jalapxi!