Jeremías 47:4 - Qullan Arunaka DC

⁴ Filisteonakar tukjañ urusti puriniwa, Tiro, Sidón uka markanakan yanapirinakapar tukjañ urusti purinxiwa.” Jïsa, Tatituw filisteo jaqinakarux q'al tukjani, Creta sat wat'at jutirinakaru.

Aymar Bibliia 1986

⁴ Filisteonacaru tucjañ urusti puriniwa, Tiro, Sidón marcanacaru cuna yanapatejj jupanacataqui utjasqui uca apnakaña horasas puriniraquiwa. Jïsa, Tatitojj filisteo jakenacarojj k'al tucjani, qhitinacatejj Creta sat islaru sarjjapjje ucanacarusa.

Qullan Arunaca

⁴ Filisteonacaru tucjañ urusti puriniwa, Tiro, Sidón marcanacaru cuna yanapatejj jupanacataqui utjasqui uca apnakaña horasas puriniraquiwa. Jïsa, Tatitojj filisteo jakenacarojj k'al tucjani, qhitinacatejj Creta sat islaru sarjjapjje ucanacarusa.

Jeremías 47:4 Jak'a apnaqawi uñst'ayäwi

Génesis 10:15

Canaán jaqisti pä yuqanïnwa, jilïr yuqapax Sidón sata, sullkïristi, Het sataraki.

1 Crónicas 1:12

patruseonaka, casluhitanaka, caftoritanaka, filisteo jaqinakasti jupanakat saraqirïpxiwa.

Job 9:13

Tatitun q'apisitapax jan t'akurkayawa; jach'añchasirinakas Diosan nayraqatapan jisk'achjataw uñjasipxi.

Salmos 37:13

Tatitusti uka ñanqha jaqit larusiwa, tukusiñ urus jupatakix purinxarakiwa.

Isaías 10:3

Tatitux luratanakamat wayt'apkätam ukapachax kunak lurapkäta. Tatitux mutuyäwi apayanipkätam ukapachax kamachapkakïta. ¿Khitirus yanapt'a mayipxäta? ¿Kawkharus qamir yänakam imantapxäta?

Isaías 14:31

¡Filisteo markanaka, wararipxam, ayquñat wararipxam, mulljasiñatsa khathatipxam! Jichhasti alay tuqit mä ejercitow jutanti jiwq'i qinayar uñtata; soldadonakapasti nuwantañatakix wakicht'atäpxiwa.

Isaías 20:6

Uka urunakansti taqi quta iraman jakirinakax sapxarakiniwa: ‘Uñtapxam, Egipto markasa, Etiopía markas jan walt'añarurakis purxapxixä, jupanakay Asiria markankir reyit arxatchistani sayätanwa. ¿Jichhasti khitirak arxatt'istanisti?’ ” sasa.

Isaías 31:8

uküruw Asiria markax atipjat uñjasini, janiw jaqin ch'amap laykuti. Uka nuwasïwix jaqinakaparuw jaltayani, nuwasir waynanakarusti katuntapxaniwa,

Jeremías 46:10

Aka urusti taqi ch'aman Tatitun urupawa, uñisirinakapat phuqsusiñ uruwa. Espadasti sist'asiñkamaw chhuxriñchjani, wilampis machjaskaspa ukhama. Tatitusti amsta tuqina, Éufrates jawira jak'an jaqinak jiwarayani.

Ezequiel 21:25

25 (30) Jumarusti, Israel markan reyipa, jaqi jiwayir ñanqha rey, qhipa mutuyäwi katuqañam urux jumatak niyaw purinxi.

Ezequiel 21:29

29 (34) Unañchäwi uñjatanakamasa, qhipa urunakan luraskani ukanakxat parlatanakamas k'arikamakiwa. Espadasti ñanqha luriri jaqi jiwayir jaqinakxaruw purini, p'iqinakap khuchhuqani. Mutuyäwi katuqañ pachapasti niya jak'ankxiwa.’

Ezequiel 25:16

Ukatpï naya, Tatitux sistxa: Jichhax filisteonakaruw mutuyä; quereteo jaqinakarusti q'al tukjä, jach'a quta iraman utjasipki ukanakarus q'al tukjarakï.

Ezequiel 30:8

Egipto markar nayax ninampi phichkatkä, taqi yanapirinakaparus tukjkarakï, ukapachaw nayan Tatitütax yatipxani.

Ezequiel 7:12

Pachax purinxiwa, uka urusti purinxarakiwa. Aljasiritakix janiw kunat kusisiñapas utjkiti, alasiritakis janiw kunat llakisiñapas utjkarakiti. Israel markan jach'a jach'a tukutapatsti q'apisiñampiw mutuyarakïxa.

Oseas 9:7

¡Mutuyäwi urunakax purinxiwa! ¡Luratanakamat katuqañ urux purinxiwa! ¡Israel markax ukanakan puritap yatirakiniwa! Jumanakasti sapxtawa: “Profetax pisi amuyt'an jaqiwa, suma amuyt'ayat jaqisti luqhirakiwa” sasa. Ñanqha lurañanakampi phuqhantatäpxatamata, uñisiñanakaman jach'ätapat ukham sapxtaxa.

Amós 9:7

Tatitusti israelitanakarux akham siwa: “Nayatakix jumanakasa, etiope jaqinakas mayakïpxtawa. Kunjämtix jumanakar Egipto markat irpsunipksma, ukhamarakiw filisteonakarux Creta wat'at irpsunta, arameonakarusti Quir sat markat irpsunirakta.”

Lucas 21:22

Uka urunakasti mutuyäwi urunakäniwa, kunjämtix Qillqatan siski ukanakaw phuqhasini.

Deuteronomio 2:23

Uka pachparakiw heveo sat markampix lurasïna, jupanakasti jisk'a markanakan jakapxäna Gaza uraq jak'ana, ukatsti Creta uraqit jutir filisteo jaqinakaw jupanakarux tukjäna, uraqinakap katuntasinsti ukan jakapxarakïna.)

Josué 22:30

Kunapachatix Finees sacerdotempi, uka tunka jilïr jaqinakampix uk qhanañchir ist'apkäna ukkhaxa, “walikiw” sapxänwa.