Jeremías 43:2 - Qullan Arunaka DC

² Hosaíasan Azarías sat yuqapa, Caréah jaqin Johanán yuqapa, yaqha jach'a jach'a tukur jaqinakampiw Jeremiasarux sapxäna: “¡Jumax parlkta uka arunakax janiw chiqäkiti! Janiw Tatitu Diosasax jumarux sisktamti nanakaru ‘Egiptor jan sarapxamti’ sañamatakixa.

Aymar Bibliia 1986

² ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa! Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Qullan Arunaca

² ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa!. Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Jeremías 43:2 Jak'a apnaqawi uñst'ayäwi

Génesis 19:14

Lot chachasti tullqanakapan ukaruw saräna, jupanakasti phuchhanakapampi jaqichasiñatak parlatäpxänwa, ukat jupanakarux sarakïna: —¡Sarxarupxam, aka markat jayar sarxapxam, Tatituw aka marka t'unjani! —sasa. Ukampisa tullqanakapax janiw Lot chachan aruparux yäqapkänti.

2 Crónicas 36:13

Ukhamarus Nabucodonosor reyitakiw sayt'asïna, juparusti uka reyix Dios laykuw jupar jaqkattañapatak juramento lurayatayna, ukatsti munañapampix Israelan Tatit Diosapar kuttanxañatakis wal ch'urkhisïna.

Salmos 119:21

Jumaw jach'a jach'a tukurinakarux tuqinuqtaxa, arsutanakamat saraqapxatap layku.

Salmos 12:3

3 (4) Tatay, jach'achasir jaqinakaru, ch'uxña jaqinakarus jik'inukum,

Salmos 123:4

Qamirinakan larch'ukitax walipuniw t'aqhisipxta, jach'a jach'a tukurinakan jisk'achatapampis qaritäxapxtwa.

Éxodo 5:2

Ukampis faraonax sänwa: —¿Khitirak Tatitusti, nayan jupar ist'añaxataki, israelitanakarus antutaskañaxatakixa? Janiw nayax Tatiturux uñt'kti, janirakiw israelitanakarus sarañapatak antutkäti —sasa.

Éxodo 9:17

Ukhamäkipansa, jumax markaxar jark'askaktawa, janiw sarxañapatak antutañsa munktati.

Proverbios 16:5

Tatitux jach'a jach'a tukur jaqinakarux janiw uñjañ munkiti; jichhasa, akat qhiparusa mutuñap katuqapxapuniniwa.

Proverbios 30:9

Nayax qamirïxirista ukaxa, inas jumat armasxirisma: “¿Khitirak Diosasti?” sasa; jan kunanïrista ukasti, inas lunthatasxirista, ukhamat qullan sutim nayax p'inqachayirista.

Proverbios 6:17

Jach'a jach'a tukuñanakaru, k'ari parlañanakaru, jan juchan jaqi jiwayañanakaru,

Proverbios 8:13

Tatitur axsartañaxa, jan walir uñisiñawa. Nayax, jach'a jach'a tukuñarusa, jan walin sarnaqañarusa, k'arisiñarus uñistwa.

Isaías 9:8

8 (7) Tatitux mä yatiyäwi Israel markarux apayani; Israel markarux mutuyäwa sasaw yatiyi.

Jeremías 13:15

Israelitanaka, Tatitux siwa: Jan jach'a jach'a tukupxamti, sum ist'apxam.

Jeremías 18:18

Jaqinakasti sapxarakïnwa: “Jichhax Jeremiasar jan walt'ayañatak mä amtäwir puriñäni. Jiwasar yatichir sacerdotenakax utjaskaniwa, amuyt'an jaqinakas iwxanakap churañatakix utjaskaniwa, Tatitun arunakap yatiyir profetanakas utjaskapuniniwa. Jeremías profetar jiwayapxañapatak k'arintapxañäni. Kuntix jupax siski uka arunakarus janirak yäqkañäniti” sasa.

Jeremías 40:8

taqpachaniw Mispá sat chiqar Guedaliasan ukar sarapxäna. Ukanak taypinsti Netaniasan Ismael sat yuqapaw ukankäna; Caréah sat jaqin Johanán ukhamaraki Jonatán sat yuqanakapa; Tanhúmet sat jaqin Seraías yuqapa; Netofankiri Efai sat jaqin yuqanakapa, Maacat chiqankir mayni jaqin Jezanías sat yuqapasa, taqi jaqinakapampi kunaw ukankarakïna.

Jeremías 41:16

Mä tuqitsti Johanán jaqimpi, kawkïr jilïrinakatix jupampi chikäpkän ukanakampisti, khitinaktix Ismael jaqix katuntat Mispá chiqat Guedaliasar jiwayasin apkatayna, uka jaqinak wasitat jupax anxarxarakïna, ukanakasti soldadonaka, warminaka, wawanaka, jilïrinak ukanakänwa. Ukat Johanán jaqix jupanakarux Gabaón chiqatpacha wasitat kuttayanxäna.

Jeremías 41:18

ukhamat babilonionakat jaltxañataki, Ismael chachan Guedaliasar jiwayatap laykuw uka babilonionakarux wal axsarapxäna, Guedaliasasti Babiloniankir reyin utt'ayatarakïnwa uka marka apnaqañapataki.

Jeremías 42:1

Taqi jilïrinakasti, Caréah jaqin Johanán yuqapampi, Hosaías jaqin Azarías yuqapampi, taqi jaqinakampi, waynanaka, awki jaqinaka, taqi jupanakasti

Jeremías 42:20

Jumanakax pantjasipxtawa, jumanakpachaw mayipxista nayan Tatitur jiskt'añaxataki, nayarusti sapxarakistawa: ‘Tatitu Diosasat nanakatak mayim, ukatsti kuntix jupax siskani uk yatiyapxarakita, arsutapar nanakan phuqhañaxataki’ sasa.

Jeremías 42:5

Ukhamasti jupanakax Jeremiasarux sapxarakïnwa: —Tatitu Diosamaw chiqpach qhanañchirïni janitix nanakax kuntix jupax siskätam uka arunakar phuqhapkä ukkhaxa.

Jeremías 43:1

Kunapachatix Jeremiasax kuntix Tatitu Diosax siskatayna ukanak jaqinakar yatiyañ tukuyxän ukkhasti,

Jeremías 44:16

—Janiw nanakax ist'apkäti Tatitun sutiparu yatiyapkista uka arunakamaru.

Santiago 4:6

Ukampis Diosax khuyapayasiñapampiw yanapistu, Qillqatasti siwa: “Diosax jach'a jach'a tukur jaqinakarux janiw munkiti, ukampis llamp'u chuymaninakarux khuyapt'ayiwa” sasa.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”