Jeremías 43:2 - Qullan Arunaca

² ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa!. Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Aymar Bibliia 1986

² ucapachaw Osaiasan Azarías sat yokapajja, Carea jaken Johanán yokapasa, yakha jach'a jach'a tucuri jakenacampejj Jeremiasarojj sapjjäna: “¡Cuntejj jumajj parlcta uca arunacajj c'ariwa! Tatitu Diosasasti janiw jumarojj sisctamti nanacaru ‘Jan Egiptor sarapjjamti’ sañamataquejja.

Qullan Arunaka DC

² Hosaíasan Azarías sat yuqapa, Caréah jaqin Johanán yuqapa, yaqha jach'a jach'a tukur jaqinakampiw Jeremiasarux sapxäna: “¡Jumax parlkta uka arunakax janiw chiqäkiti! Janiw Tatitu Diosasax jumarux sisktamti nanakaru ‘Egiptor jan sarapxamti’ sañamatakixa.

Jeremías 43:2 Jak'a apnaqawi uñst'ayäwi

Génesis 19:14

Lot chachasti tollkanacapan ucaruw saräna, ucanacasti phuchanacapampi casarasiñataqui parlatäpjjänwa, ucatsti jupanacarojj saraquïnwa: —¡Sartasipjjam, ucatsti aca marcat jayar sarjjapjjam, Tatitu Diosaw aca marcjja t'unjani! —sasa. Ucampisa tollkanacapajj janiw Lot chachan aruparojj yäkapcänti,

2 Crónicas 36:13

Uqhamarusa Nabucodonosor reyitaquiw sayt'asïna, juparusti Dios laycuw juramento lurayäna jupampïñapataqui, ucatsti munañapampejja janiw Israelana Tatit Diosapar cuttañjja muncänti.

Salmos 119:21

Jumaw jach'a jach'a tucurinacarojj tokenoktajja, arsutanacamat sarakerinacajj ñankhachatawa.

Salmos 12:3

Tatitojjay, c'ari parlir lajjranac saphitpach jiq'inucum, jach'achasir jakenacarus, ch'ojjña jakenacarus jiq'inucum,

Salmos 123:4

Kamirinacajj larch'uquipjjetuwa, jach'a jach'a tucurinacajj jisc'achapjjetuwa, ajayojjajj aynacht'atäjjewa.

Éxodo 5:2

Ucat faraonasti sänwa: —¿Qhitisa Tatitojja, arup ist'añajjataquejja, uqhamarac israelitanacarus sarjjapjjañapataqui antutañajjataquejja? Janiw nayajj Tatiturojj uñt'cti, uca laycusti janiw antutquiristti israelitanacaru sarjjañapataquejja.

Éxodo 9:17

Ucampis jumajj janiw munctati marcajjaru sarjjañapatac antutañjja.

Proverbios 16:5

Jach'a jach'a tucur jakenacarojj uñisiwa; jupanacasti mutuyatäpjjaniwa.

Proverbios 30:9

Nayajj kamirëjjerista ucajja inas jumatjja armasjjerista: “¿Qhitirac Diosasti?” sasa; pobrërista ucasti inas lunthatasjjerista, uqhamat kollan sutimwa nayajj p'enkachayirista.

Proverbios 6:17

Jach'a jach'a tucuñanacaru, c'ari parlañanacaru, jan juchani jake jiwayañanacaru,

Proverbios 8:13

Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru.

Isaías 9:8

Tatitojj mä ewjja arunaca Israel marcarojj apayi, Jacobon marcaparu;

Jeremías 13:15

¡Israelitanaca, Tatitojj siwa! Jan jach'a jach'a tucupjjamti, jan ucasti sum ist'apjjam.

Jeremías 18:18

Jakenacasti sapjjaraquïnwa: “Jichhajj mä amtäwi lurañäni Jeremiasajj jan jiwasampëjjañapataqui. Jiwasaru yatichiri sacerdotenacajj utjascaniwa, amuyt'ani jakenacasa ewjjanacapa churañataquejj utjascapuniniwa, Diosan arunacapa yatiyiri profetanacas utjascapuniniwa. Jichhajj c'ari arunaca jupa toke arsuñäni uqhamat jiwayapjjañapataqui. Cuntejj jupajj sisqui uca arunacarusti janiraqui yäkañäniti” sasa.

Jeremías 40:8

takpachaniw sarapjjäna Gedaliasan ucaru Mizpa sisqui uca chekana. Ucanac taypinsti ucancaraquïnwa Netaniasan Ismael sat yokapa; Carea sat jaken Johanán uqhamaraqui Jonatán sat yokanacapa; Tanhumet sat jaken Seraías sat yokapa; Netofanquiri Efai sat jaken yokanacapasa, Maacat chekanquiri mayni jaken Jezanias sat yokapasa ucancaraquïnwa take jakenacapampi cuna.

Jeremías 41:16

Mä toketsti Johanán jakempi uqhamaraqui cawquïri jilïrinacatejj jupampi chicäpcän ucanacasti, cuntejj Ismael jakejj preso Mizpa chekat Gedaliasaru jiwayasin apcatayna, uca jakenacwa wasitat jupajj anjjarjjaraquïna ucanacasti soldadonaca, warminaca, wawanaca, uqhamaraqui jilïrinaca ucanacänwa. Ismaelon preso apatanacajja, ucampisa Johanán jakejj wasitatwa jupanacarojj Gabaón chekatpacha cuttayanjjäna.

Jeremías 41:18

uqhamat caldeonacat jaltjjañataqui, Ismaelon Gedaliasaru jiwayatap laycuraquiw uca caldeo jakenacarojj wali ajjsarapjjäna, uca Gedaliasasti Babilonianquir reyin utt'ayataraquïnwa uca marcanaca apnakañapataqui.

Jeremías 42:1

Take jilïrinacasti, Carea jaken Johanán yokapa, uqhamaraqui Osaías jaken Azarías sat yokapa, take jakenacampi jisc'a jach'a,

Jeremías 42:20

Jumanacajj mä jach'a pantjasïwi lurapjjtajja. Jumanacpachaw mayipjjesta nayan Tatituru jisct'añajjataqui, sapjjaraquïyästawa: ‘Tatitu Diosasat mayim nanacataqui, ucatsti yatiyapjjaraquita cuntejj jupajj siscani uca, nanacan arsutaparu phokhapjjañanacajjataqui’ sasa.

Jeremías 42:5

Uqhamasti jupanacajj Jeremiasarojj sapjjaraquïnwa: —Tatitu Diosamaw chekpacha testigöni nanacataqui janitejj nanacajj cuntejj jupajj siscätam uca arunacaru phokhapcä ucapachajja.

Jeremías 43:1

Cunapachatejj Jeremiasajj tucuyjjäna cuntejj Tatitu Diosajj jakenacar sañapataqui siscatayna,

Jeremías 44:16

“Cuna arunactejj jumajj Tatitu toket apanipjjesta ucanacarojj janiw ist'apcäti.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”