Jeremías 27:6 - Qullan Arunaka DC

⁶ Jichhax walikiwa, nayasti taqi aka uraqinakxa, Nabucodonosor luqtirixan amparaparuw katuyta, jupasti Babilonia markan reyipawa, ch'uminkir animalanaksa juparurakiw katuyta.

Aymar Bibliia 1986

⁶ Jichhajj waliquiwa, nayasti take aca orakenacjja Nabucodonosor sirvirejjan amparaparuw catuyta, jupasti Babilonia marcan reyipawa, montenquir animalanacsa juparuraquiw catuyta.

Qullan Arunaca

⁶ Jichhajj waliquiwa, nayasti take aca orakenacjja Nabucodonosor sirvirejjan amparaparuw catuyta, jupasti Babilonia marcan reyipawa, montenquir animalanacsa juparuraquiw catuyta.

Jeremías 27:6 Jak'a apnaqawi uñst'ayäwi

2 Reyes 25:28

juparusti sum uñjäna, yäqarakïna, jupamp chika Babilonia markankapkän uka reyinakat sipana.

2 Crónicas 36:23

“Persiankir Ciro reyix aka arunak arsüna: Alaxpachankir Tatit Diosaw aka uraqinkir taqi markanak amparaxar katuyitu, ukatsti Jerusalenan mä uta jupatak lurayañatakiw iwxt'itu, ukasti Judá uraqin jikxatasi. Ukhamasti, jumanakat khitinakatix Judá markankirïpxta, Tatitun utap wasitat lurañ munapxarakta ukanakax Jerusalenar sarxapxam, Tatit Diosasti jumanakarux yanappan” sasa.

Isaías 44:28

Ciro reyiruw sista: ‘Jumaw awatirixätaxa, kuntix nayax munkä uk jumax luräta’; Jerusalenarusti saraktwa: ‘Jumax wasitat sayt'ayatäxätawa’; Tatitun utaparusti saraktwa: ‘Wasitat qalltatpach sayt'ayatäxätawa’ sasa.”

Jeremías 21:7

Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 22:25

uñisirinakamaru katuyañataki, jupanakarux wal axsartaxa. Babiloniankir Nabucodonosor reyin amparaparuw katuyäma, caldeo jaqinakan amparaparuw katuyäma.

Jeremías 24:1

Babiloniankir Nabucodonosor reyix, Judá uraqinkiri Joacín reyin Joaquín yuqaparu, ukhamarak taqi jilïrinakaru, irnaqirinakaru, herreronakar katuntat apasxatapatsti, Tatitux pä higo canastanak Tatitun utap nayräxan waynuqat uñjayitu.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 28:14

Naya, Israelan Diosapa taqi ch'amani Tatituw arsta: Taqi aka markanakan kunkanakapxarusti nayaw hierrot lurat mä yuku uchta, ukhamat jupanakan Babiloniankir Nabucodonosor reyir t'aqhisit luqtapxañapataki. Ch'uminkir animalanaksa jupan amparaparuw katuyta’ ” sasa.

Jeremías 43:10

Jupanakarusti sarakim: ‘Israelan taqi ch'amani Tatitu Diosapasti akham siwa: Nayaw Babilonia markan Nabucodonosor reyiparu irptayanï, ukatsti kawkharutix uka qalanak allintkta uka patxaruw qunuñap utt'ayarakï.

Jeremías 49:30

¡Hasor markankirinaka, jalakam mistunxapxam! ¡Imantasxapxam! Naya, Tatituw uk arsta. Babiloniankir Nabucodonosor reyisti, jumanakar jan walt'ayañ amti.

Ezequiel 29:12

Egipto, nayaw jumarux mä ch'usa wañsuta wasar markar tukuyäma, pusi tunka maraw markanakamax q'ala tukjat uñjasipxani, tukjat uñjasipki uka markanakat sipansa juk'ampi tukjataw uñjasipxani, jaqinakamarusti yaqha markanakaruw katuntat apayä, yaqha markanak taypiruw ananukurakï.

Ezequiel 30:24

Babiloniankir reyirusti ch'am churä, espadax ayxaruyarakï. Faraonan amparanakap p'akirä, ukham usuchjatasti uñisirinakapan nayraqatapan wararini.

Daniel (hebreo) 4:12

12 (9) Laphinakapax wali sumänwa, achunakapas waljapunïnwa, taqi jaqinakar manq'ayañatakiw utjarakïna. Pampankir laq'unakax uka quqan ch'iwiparuw ch'iwicht'asir jutapxäna; jamach'inakas layminakapan tapachasipxäna, taqi akapachan jakirinakax uka quqan achunakapat manq'asipxäna.

Daniel (hebreo) 4:22

22 (19) uka quqax, juma reyïtawa, jiltasinsti, wali ch'amanipuniw tuktaxa. Jach'a ch'aman kankañamasti alaxpachar puriñkamaw jilxatti, munañanïñamasa taqi aka uraqpacharuw puriraki.