Jeremías 27:5 - Qullan Arunaka DC

⁵ Nayaw jach'a ch'amaxampi aka uraqi lurta, jaqinaksa, taqi animalanaksa, ukatsti khitin apnaqañaptix munkirista ukaruw churarakirista.

Aymar Bibliia 1986

⁵ Nayaw jach'a ch'amajjampi aca orakjja lurta, uqhamaraqui jakenacsa, take animalanacsa, ucatsti qhitirutejj nayajj muncta ucarus churaquiraquiristwa.

Qullan Arunaca

⁵ Nayaw jach'a ch'amajjampi aca orakjja lurta, uqhamaraqui jakenacsa, take animalanacsa, ucatsti qhitirutejj nayajj muncta ucarus churaquiraquiristwa.

Jeremías 27:5 Jak'a apnaqawi uñst'ayäwi

Génesis 1:25

Diosasti taqi uka animalanak luräna, ukatsti taqi kunansa sumätap uñjäna.

Génesis 9:6

“Maynitix mä jaqir jiwayanixa, juparux yaqha jaqiw jiwayarakini, jaqin Diosar uñtasit irnuqt'atätap layku.

1 Reyes 8:42

ukatsti aka utam tuqi uñtat mayisipxani ukkhasti,

Esdras 1:2

“Persiankir Ciro reyix akanak arsu: Alaxpachankir Tatitu Diosaw aka uraqinkir taqi markanak apnaqañaxatak amparaxar katuyitu, Judá uraqinkir Jerusalén markan jupan utap lurayañaxatakiw iwxarakitu.

Nehemías 9:22

“Jupanakarusti marka apnaqäwinaka, markanaka, katuytaxa, jupanakan uraqinakap jalanuqtaxa, ukatsti jupanakax Sihón reyin Hesbón uraqip katuntasipxäna, Og reyin Basán uraqipa katuntasipxarakïna.

Salmos 102:25

25 (26) Uraqirux qalltatpach sum utt'aytaxa; alaxpachasti amparamamp luratawa.

Salmos 96:5

Yaqha markanakan diosanakapax janiw kunäpkisa, Diosasti alaxpach luririwa.

Éxodo 20:11

Tatitux suxta urun luräna, alaxpacha, akapacha, qutanaka, kunanakatix ukanakan utjki ukanaka; paqallqüri urunsti samaränwa. Ukat Tatitux paqallqür urur aski waxt'äwimp phuqt'äna, qullan urüñapatakiw arsurakïna.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Isaías 42:5

Dios Tatitu, khititix alaxpachsa lurki, janatatkaraki, uraqsa, ukhamaraki ukan achurinakarus lurki, jakañsa jaqinakarus churki, uka Diosaw luqtiriparux saraki:

Isaías 44:24

Jumar qhispiyir Tatitumaxa, khititix janïra yurktas ukkhatpach irnuqtam ukax siwa: “Taqi kun luriri Tatitux nayätwa, nayaw alaxpachsa janatatta, aka uraqsa sayt'ayarakta jan khitin yanapapampi.

Isaías 45:12

Nayaw akapachampiru, jaqinakampirux lurta, alaxpachsa amparaxampiw janatatta, taqi kunanakatix alaxpachan utjki uksa nayarakiw lurta.

Isaías 48:13

Amparaxampiw uraq sayt'ayta, amparaxampiw alaxpach janatatta; sutinakap arsta ukspachaw unxtañ qalltapxi.

Isaías 51:13

Janiw armasipxätati, naya, Tatituw juman irnuqirimätxa, khititix alaxpachsa janatatki, uraqsa utt'aykaraki uka Tatituxa. Uñisirimarux jan axsarapxamti, jumar tukjañatak wakichasiskchi ukasa. Nayan ch'amax nayraqatansti, uka phiñasiñapax jan kunatakiw tukusini.

Jeremías 27:4

Jupanakarusti reyinakapar yatiyapxañapatak sarakim; naya, taqi ch'aman Tatitu Israelan Diosapaw arsta:

Jeremías 32:17

‘Tatay, jumaw jach'a ch'amamampi alaxpachsa, akapachsa lurtaxa. Janiw jumatakix kunas jan lurasirjamax utjkiti.

Jeremías 51:15

Tatitux ch'amapampiw aka uraqi luri; yatiñ kankañapampiw aka uraqi sayt'ayi; ch'ikhi kankañapampiw alaxpachsa janatati.

Daniel (hebreo) 2:38

kawkha chiqanakantix jaqinakasa, animalanakasa, jamach'inakasa jakapki uka chiqanak amparamaruw katuytam; jupaw ukanak apnaqañamatak taqpach katuytam.

Daniel (hebreo) 4:14

14 (11) uka angelax jach'at art'asisaw sarakïna: “ ‘Uka quqa liwinukupxam; layminakapsti khuchhurapxam, laphinakapsa wikharapxam, achunakapsa willitatapxam. Ch'iwipankki uka pampa laq'unakas jaltxapxpan, layminakapan tapachasir jamach'inakas chhuktawayxapxarakpan.

Daniel (hebreo) 4:17

17 (14) Tatitun qullan angelanakapaw juchañchäwi arunak arsuwayapxi, ukhamat taqi jaqinakax yatipxani, alaxpachankir Diosax ch'amanïtapa, jaqinakan marka apnaqañanakapxaru, jupaw marka apnaqañanaksa churaraki, khitirutix churañ munki ukaru, ukatsti mä markan jilïripat utt'ayaraki, khititix taqi jaqinakat sipan llamp'u chuymanïki ukaru.’ ”

Daniel (hebreo) 4:22

22 (19) uka quqax, juma reyïtawa, jiltasinsti, wali ch'amanipuniw tuktaxa. Jach'a ch'aman kankañamasti alaxpachar puriñkamaw jilxatti, munañanïñamasa taqi aka uraqpacharuw puriraki.

Daniel (hebreo) 4:25

25 (22) Juma reyix jaqinak taypit yaqhachatäxätawa, pampa laq'unakamp chikaw jakarakïta, vacanakjamaw quranak manq'äta, janchimxarus sullaw sullantarakini. Ukhamaw juma jach'a reyix paqallq mara jakäta, alaxpachankir Diosan taqi akapachan marka apnaqäwinakxarus munañanïtapa yatiqañamkama, khitirutix jupax munki ukaru marka apnaqirit utt'ayatapa.

Daniel (hebreo) 5:18

“Alaxpachankir Diosaw Nabucodonosor awkimarux churäna marka apnaqaña, jach'a kankaña, qamir kankaña, taqi jach'añchäwinaksa.

Hechos 14:15

—¡Tatanaka! ¿Kunatsa ukanak lurapxta? Nanakax jumanakjam jaqikïpxaraktwa. Nanakax uka inamay lurañanak apanukupxañamatakiw jumanakar parlir jutapxta, ukanak apanukusin jakkir Diosar arkapxañamataki. Jupaw alaxpacha, akapacha lurir Diosaxa, jach'a qutsa, ukanakan utjirinaksa.

Hechos 17:24

“Jupankiw alaxpachas akapachasa. Juparakiw akapachsa, ukan taqi utjirinaksa luri. Jupax janiw jaqin lurat utanakan jakkiti.

Hechos 17:26

“Jupaw mä sapa jaqit akapachan utjir taqpach jaqinak mirtayi, sapa markarurakiw uñachayi qawqha pacha, kawkha chiqan jakañapäki uksa.

Deuteronomio 2:19

Ukampisa, amonita jaqinakamp jikiskät ukapachaxa, janiw kuns jumax arxayätati, janirakiw nuwasiñ munätasa, jupanakax Lot chachan saraqirinakaparakiwa, janiw nayax uka uraqit kuns churkämati, uka uraq jupanakaruw churxta’ sasa.

Deuteronomio 2:21

Uka zamzumita markasti walja jaqinakani jach'a markänwa, jaqinakapas jach'a tansanakänwa, Anac sat jach'a tansa jaqin wawanakapjamänwa, ukampis Tatituw jupanakarux amonita jaqinak tuqi t'unjäna, ukatsti amonitanakaw uka uraqinakanxa utjantasipxäna.

Deuteronomio 2:7

Jumanakan Tatit Diosamax taqi luräwinakaman aski waxt'äwinak churapxtam; jupaw aka pusi tunka maranakas jumanakamp chikäski, aka jach'a wasaranjam sarnaqañansa jan kun pist'ayas imapxaraktam.

Deuteronomio 2:9

Ukapachaw Tatitux sarakitu: ‘Moabita jaqinakar jan axsarayamti, janirak nuwasimsa, jupanakax Lot chachan wawanakapawa; nayasti janirakiw mä jisk'a uraqsa uka markat churkämati. Nayaw jupanakar Ar sat uraqinak churta’ sasa.

Deuteronomio 32:8

Alaxpachankir awkix mä kutiw jaqinaka, markanak lakintäna, markanakan qurpanakapsa ucharakïna, ukampis Israel markaruw juk'amp yäqäna.

Deuteronomio 4:17

janiraki animalanakaru, jamach'inakaru,

Deuteronomio 4:25

“Kunapachatix jumanakax uka uraqin wawanakanïxapxäta, allchhinakanïxapxäta, jumanakas awkiptxapxarakïta, ukatsti jumanakax kuna uñtat yaqha diosanak lurasisa jucharu puripxäta, ukhamat Tatit Diosam nayraqatan mä jach'a jucha lurasina, ukat jupar q'apisiyapxät ukkhaxa,

Deuteronomio 4:32

“Jichhasti jumanakat nayra pacha urunak uñtapxam, Diosax jaqir aka uraqin irnuqkän uka pachatpach yatxatapxam; taqi akapach uraqinjam sarasin jiskt'apxarakim, kunapachach kunjämatix jichhax muspharkañanak luraski ukhama jach'a lurasïwinakax utjpachäna.

Deuteronomio 4:35

Ukanakasti Tatitun chiqpach Diosätapa yatipxañamataki uñacht'ayatawa, jupat sipansa yaqhax jan utjatap yatiñamataki.

Deuteronomio 5:16

“ ‘Awkimaru, taykamaru waqaycham, Tatit Diosamax iwxawayktam ukhamarjama, Tatit Diosamax churkätam uka uraqina walja maranak jakañamataki.

Deuteronomio 9:29

Ukhampachas jupanakax juman markamawa, jumaw Egipto markat jach'a ch'amamampi irpsuntaxa’ ” sasa.

Colosenses 1:16

Jupa tuqiw Diosax taqi kunatix alaxpachansa, akapachansa utjki ukanak luri, uñjañäki, jan uñjañäki ukanaka, ch'amampi, munañamp apnaqir ajayunaksa luri. Taqi ukanakasti jupa tuqi luratawa, jupatak luratarakiwa.

Hebreos 1:2

Aka qhipa urunakansti Yuqap tuqiw parlarakistu, juparuw taqi luratanakap katuyi, jupa tuqi aka uraq luratap layku.

Apocalipsis 4:11

“Tatay, nanakan Diosaxay, jach'añchäwimpi, qhapaq kankañampi, munañanïñ kankañampi katuqañatakix askïtawa. Jumaw taqi kunsa ina ch'usat lurtaxa; munañamat taqi kunas utji, juman uskutarakiwa” sasa.