Jeremías 2:25 - Qullan Arunaka DC

²⁵ “¡Israel, jan kayunakam q'ara kayu jalanaqasax chhuxriñchjasimti, mallq'amsa janirak wañantayasimti! Ukampis jumax sistawa: ‘Janiwa. Janipuniw sayt'kiristti, yaqhanakaruw wal muntxa, jupanakampiw sarxarakï’ sasa.

Aymar Bibliia 1986

²⁵ “¡Israel, jan cayunacamjja chhojjriñchjasimti k'ara cayu jalnakasajja, janirac mallk'amsa wañantayasimti! Ucampis jumajj sistawa: “Janiwa. Janipuniw sayt'quiristti, jayanquirinacaruw wal muntjja, jupanacampiraquiw sarjjä” sasa.

Qullan Arunaca

²⁵ “¡Israel, jan cayunacamjja chhojjriñchjasimti k'ara cayu jalnakasajja, janirac mallk'amsa wañantayasimti! Ucampis jumajj sistawa: ‘Janiwa. Janipuniw sayt'quiristti, jayanquirinacaruw wal muntjja, jupanacampiraquiw sarjjä’ sasa.

Jeremías 2:25 Jak'a apnaqawi uñst'ayäwi

2 Crónicas 28:22

Jan walin uñjaskasasa, Ahaz reyix, Tatit nayraqatan jucha luraskakïnwa. ¡Ahaz reyix ukhamänwa!

2 Crónicas 28:23

Jupax Damasco chiqankir diosanakaparuw wilañchanak luqtäna, jupar aynacht'ayki uka diosanakaru. Jupax akham amuyäna: “Siriankir diosanakax reyinakaparux yanapt'iwa, uka diosanakaparutix wilañchanak luqtä ukaxa, nayarux yanapapxarakitaniwa” sasa. Ukampis uka luratanakapaw juparu, Israel markpacharux aynacht'ayäna.

Isaías 2:6

Tatay, wawanakamarux apanuktawa, Jacobun markaparus apanuktawa; markasti inti jalsu tuqit jutapki uka yatir jaqinakan phuqhantatawa, filisteo yatir jaqinakan phuqhantatawa, jaya markankir jaqinakampiw jan walitak arust'äwinak lurapxi.

Isaías 57:10

Uka diosanakar yupaychañatakisti, uksar aksaruw sarnaqtaxa, amuyatax janis qarkasma ukhamätawa, ukampis taqi uka luratamax inamayakiwa.

Jeremías 13:21

“¿Kamsätas Jerusalén, kunapachatix juma pachpan yatichat jaqinakampi apnaqatäkäta ukapachaxa? Wawachasir warmin usunakapjamaw jutarakïtam.

Jeremías 13:22

Ukattix jiskt'asisma, ¿kunas kamachitu? sasa, jumax yatiñamawa, uka jach'a juchanak luratamat taqi ukanakax ukham lurasiski; ¡ukat jichhax q'alalsuyapxtam, warmt'asisaw p'inqachjapxaraktam!

Jeremías 14:10

Tatitux akham siw Israel markatxa: “Aka markax maysat maysar sarnaqañpun muni. Ukat nayax juparux jan taqi chuyma uñtkti. Jichhax juchanakapat amtasaw jupanakarux mutuyarakï.”

Jeremías 18:12

Jupanakasti sapxarakïtamwa: ‘¡Jan inamay parlkamti! Nanakax kunjämarutix munapkta ukhamaruw sarnaqasipkä, chuymanakaxan jan wali amtatanakaparuw arkasipkarakï’ ” sasa.

Jeremías 2:31

Jichhax khitinakatix akankapkta ukanakax sum ist'apxita: ¡janiw nayax jumanakatak mä parintat wasarar uñtatäkti, janirakiw axsarkay ch'amakan phuqhantat p'iyar uñtatäkti! ¿Ukatsti, kunatarak sapxistasti: ‘kuntix munapktxa uk lurapxä, janirakiw jumarux yupaychkxapxämati sasasti’?

Jeremías 22:20

Tatitux Jerusalén markankirinakaruw akham saraki: “¡Aka markpachar sarapxam; jach'a qullunak patar makhatapxam, jan chuymachkay jachapxarakim! Yanapapxayätam uka markanakax q'ala tukjatäxiwa.

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 3:13

Jucha luratamaki uñt'asim, Dios Tatitur saykatatam uñt'asirakim; yaqha diosanakan qhipap jalatama, jach'a quqanak k'uchunakan, uka diosanakarux yupaycharaktaxa, arunakaxarus janirakiw ist'ktati. Naya, Tatituw uk arsta.’ ”

Jeremías 44:17

Jan ukasti, nanakax lurañ amtasipkta ukham lurasipkakïwa, kunjämtix nayra awkinakaxasa, reyinakaxasa, Judá uraqin jilïrinakasa lurapxirïna ukhama. Alaxpach Mama sata diosarus inciensompi, vinompi luqtasax yupaychasipkakïwa. Nayrasti nanakatakix, manq'añax janiw pist'irïkänti, taqi kunas utjakipunirïnwa, janirakiw kuna jan walt'añas jutirïkänti;

Lamentaciones 1:2

Arumanakax jachkäwiw tukusiski; ajanupansti jachakiw jalaski. Munirinakapatsti janiw maynis jupar chuymachirix utjkiti. Taqi masinakapasti maysa uñtxapxi, uñisirinakapaw tukxaraki.

Lamentaciones 4:4

Ñuñuskir wawanakasti umat sinti pharjatapuniwa, laxranakapas laka manqharuw lip'katxi. Wawanakax t'ant'a mayipxi, ukampis janiw khiti t'ant'a churiris utjkiti.

Ezequiel 20:32

Jumanakasti, kawkïr yaqha markanakatix lawanakaru, qalanakar yupaychasipki uka kipkaw tukuñ munapxta, ukampis janiw ukax ukhamäkaniti.

Oseas 2:3

3 (5) Janitix uka jan wali sarnaqañanakap apanukkanixa, q'alalsuyäwa: kunjämtix taykapan purakapat yurkän ukhama, ch'usa wasararuw tukuyarakï, waña uraqiruw kipstayä, ukatsti umat pharjayasin jiwayarakï.

Oseas 2:5

5 (7) Taykapax yaqha chachanakampi sarnaqiriwa; sum uñt'atäñsa q'al apt'asiraki akham sasa: ‘Munirinakaxar thaqhir sarä, jupanakaw churapxitu, manq'añsa, isinaksa, suma q'apkir qullanaksa, kusist'añanaksa’ sasa.

Malaquías 3:14

Jumanakax akanak sapxtaxa: ‘Diosar arkañax inamayakiwa. ¿Kunaraki jiwasasti apsuñäni jupan arunakaparjam sarnaqasasti, taqi ch'aman Tatit nayraqatan llakt'at sarnaqasasa?

Lucas 15:22

Ukampis awkipax uywatanakaparuw säna: ‘Jank'ak suma isi apsunipxam, ukat isthapiyapxam; luk'anaparux surtija uchapxam, kayunakaparusti wiskhumpi uchantapxam.

Lucas 16:24

Ukat jach'at art'äna: ‘Abraham awki, nayat khuyapt'ayasita, Lazaroruy khithanita luk'anapamp umar juricht'asin laxrax chhujtayañapataki, aka ninan nayax wal t'aqhisiskta’ sasa.

Romanos 8:24

Uka suyt'äwi utjatap laykuw qhispiyatätan. Ukampis uñjatäki uka suyt'äwix, janiw suyt'äwïkxiti, ¿khitirak niy uñjatäki uksti suyisti?

Deuteronomio 28:48

Tatitux apayankätam uka uñisirinakaruw luqtäta; umatsa, manq'atsa t'aqhisïtawa, isitsa jalstata, kunayman pist'ayasiñanak uñt'äta. Diosax wali ch'ama lurañanakan t'aqhisiyätam, juman t'unjat uñjasiñamkama.

Deuteronomio 32:16

Diosaruw q'apisiyapxäna, yaqha axtaskañ diosanakar yupaychasa.