Jeremías 2:26 - Qullan Arunaka DC

²⁶ “Kunjämatix lunthatax katjayasisin wal p'inqasixa, ukhamarakiw Israel markax p'inqasini, reyinakasa, jilïrinakasa, sacerdotenakasa, profetanakasa.

Aymar Bibliia 1986

²⁶ “Cunjämatejj lunthatajj catjatajj wal p'enkasejja, uqhamaraquiw Israelajj p'enkasini, jakenacasa, reyinacasa, jilïrinacasa, sacerdotenacasa, profetanacasa.

Qullan Arunaca

²⁶ “Cunjämatejj lunthatajj catjatajj wal p'enkasejja, uqhamaraquiw Israelajj p'enkasini, jakenacasa, reyinacasa, jilïrinacasa, sacerdotenacasa, profetanacasa.

Jeremías 2:26 Jak'a apnaqawi uñst'ayäwi

Esdras 9:7

Khä urunakatpach jichhakamaw wali jucha lurañan jakapxta. Juchanakax laykuw nanakasa, reyinakaxasa, sacerdotenakaxas yaqha markanakankir reyinakan munañanakapar katuyat jikxatasipxta. Ukatxa chhuxriñchjata, jayar apanukuta, lunthatjata, jisk'achjata jikxatasipxäyäta, jichhasti uka pachpa luräwiruw puripxarakta.

Salmos 97:7

Akapach diosanakar yupaychirinakax jisk'achjatäpxiwa, uka diosanakat jach'achasirinakas aynacht'apxiwa. ¡Taqpach diosanakaw nayraqatapan qunqurt'asipxi!

Isaías 1:29

Jumanakasti uka quqanakatxa, panqar yapunakamatsa, wal kusisipxäyätaxa, jichhasti, ukanakat p'inqasipxätawa, uka chiqanakan yaqha diosanakarux yupaychapxäyätaxa.

Isaías 44:11

Uka diosanakar yupaychirinakasti p'inqachjataw uñjasipxani. Uka diosanak luriristi mä jaqikiwa. Taqi jupanakatix taripäwi urun uñstapxaspa ukaxa, jisk'achjata, khathatjayataw jikxatasipxaspa.

Isaías 44:9

Khitinakatix diosanak lurapki ukanakax janiw kunäpkisa, jaqin lurat uka diosanakar munasipki ukanakax janiw kunatakis askïkiti. Khitinakatix uka diosanakar yupaychapki ukanakasti luqhi juykhu jaqinakawa, ukatpï jichhax mä p'inqa uñjasipxanixa.

Jeremías 2:36

Jumax jank'akiw parlatanakam mayjt'aytaxa; Egiptox apanukurakikïtamwa, kunjämatix Asiriax apanukktam ukhama.

Jeremías 22:22

Mä thayaw taqi jilïrinakam apasxani, munasirinakamasti jayar apatäpxaniwa. Taqi ñanqhanak luratamatxa, jisk'achjata, p'inqachjataw uñjasïta.

Jeremías 32:32

kuntix Israel uraqin markanakapaxa, Judá uraqin markanakapasa, reyinakapasa, jilïrinakapasa, sacerdotenakapasa, profetanakapasa, ukhamarak Judá uraqina, Jerusalén markana jakirinakas lurapkitu ukanakat jupanakarux q'al chhaqtayä.

Jeremías 4:9

Tatitux siwa: “Uka urux purinkani ukkhasti, reyisa, jach'a jilïrinakas axsarañat wal khathatipxani, sacerdotenakasti wal mulljasipxani, profetanakas wali sustjataw uñjasipxarakini.”

Jeremías 48:27

Moab, jumax Israel markat larusïyätawa; jisk'achañampiw uka markat parläyätaxa, lunthatäkaspas ukhama.

Ezequiel 16:54

ukampis kuna jisk'achatäñatix jumxar jutkani ukxa t'aqhisiñamapunïniwa, ñanqha luratanakamatsa p'inqasiñamarakïniwa, jupanakasti uk uñjasin chuymachasiñapataki.

Ezequiel 22:26

Aka markankir sacerdotenakax, nayan yatichäwinakax maysaruw q'iwipxi, nayataki qullanäki ukanaksti takichasipxiwa; janiw jupanakax kunatix qullanäki, kunatix ñanqhäki uk amuyapkiti, janirakiw mayninakarus kunatix q'umäki, kunatix q'añüki uk amuyapxañapatakis yatichapkiti. Nayan samarañ sábado urunakaxarusa janiw yäqapkiti, janirakiw nayarux jach'añchapkituti.

Zacarías 5:4

Taqi ch'amani Tatituw arsu: ‘Nayaw aka ñanqhachäwi apayanta, lunthataskis ukan utaparu, ukhamaraki k'ari juramento nayan sutix aytasis lurki ukan utapampir mantañapataki. Uka ñanqhachäwisti ukankaniwa jan mä lawasa, mä qalas qhiparañapkama.’ ”

Romanos 6:21

ukampis ¿kuna askirak jikxatapxtasti? Jichhasti jumanakax taqi ukanakat p'inqasipxtawa, ukanakasti jiwañarukiw puriyi.