Jeremías 2:16 - Qullan Arunaka DC

¹⁶ Menfis, Tafnes siski uka chiqankir jaqinakaw p'iqsa ch'iyjapxaraktam.

Aymar Bibliia 1986

¹⁶ Menfis uqhamaraqui Tafnes sisqui uca chekanquir jakenacaw p'eksa ch'iyjapjjaractam.

Qullan Arunaca

¹⁶ Menfis uqhamaraqui Tafnes sisqui uca chekanquir jakenacaw p'eksa ch'iyjapjjaractam.

Jeremías 2:16 Jak'a apnaqawi uñst'ayäwi

2 Reyes 18:21

Nayax Egipto markaru alkatasitama uñjta. Ukhamax walikiwa, ukampis uka markax ch'axxat suqusar uñtatakiwa, ukasti jupar alkatirinakan amparapat ch'aphintasin usuchjiriwa. Egipton faraón reyipax ukham luri, khitinakatix jupar alkatasipki ukanakaruxa.

2 Reyes 23:33

Necao sat faraonaw Joacaz reyirux Hamat uraqina, Riblá chiqan katuntat ukankayäna, ukhamat Jerusalén markan jan apnaqañapataki; ukhamarusa, Judá markarux kimsa waranqa kimsa patakan kilo qullqimpi, kimsa tunka kimsani kilo qurimpi churañapatakiw wayt'äna.

Isaías 19:13

Soan markan jilïrinakapax wali luqhinakawa, Menfis markan jilïrinakapas sallqjayasipxarakiwa, suyunakan jilïrinakapasti Egiptorux pantat thakhinjam irpapxi.

Isaías 59:13

Tatitutakiw sayt'astanxa, chuymanakasansti janiw jupatakjamäktanti, Tatitusarusti janiw arkañ munkäyätanti, jaqir nuwañampita, jan wali lurañampitak parlaskäyätanxa, mayninakar sallqjañatakikiw amtaskäyätanxa.

Isaías 8:8

Uka uñisir asirionakax Judá uraqkamaw puripxani, uka umax q'al chhaqtayani, mä pakar uñtataw thuqxatani, chhiqhanakap ayatatasaw uka uraqir jalxatani, Emanuel sat suma uraqirux q'al chhaqtayani.”

Jeremías 44:1

Jeremiasax kawkïr judionakatix Egipto uraqinkir Migdol, Tafnes, Menfis uka markanakan jakapkäna, ukhamaraki aynach tuqi uraqinakan jakapkäna ukanakatakiw aka arunak katuqäna:

Jeremías 46:14

“Akasti Egipton yatiyatäñapawa, Migdol, Menfis, Tafnes uka markanakan yatiyatäñapawa: ¡Soldadonaka, nuwantasiñatak wakicht'asipxam! ¡T'unjirimax niyaw jutantaski!

Jeremías 46:19

Egiptonkir jaqinaka, jaya markar apatäñatak wakichasipxam, Menfis markax ch'usa wasarar tukuyatäniwa, jan khitinsa utjkaña tukjatarakïniwa.

Jeremías 48:45

“Yaqhipanakax jan ch'amaniw jaltxapxi, Hesbón markan ch'iwipar imantasiri; ukampis, Sihón reyin Hesbón markapax ninampi phichhantatäniwa, uka ninasti jach'aruw aqatati, uka ch'axwir Moab markan qullunakapsa q'al nakhantaraki.

Ezequiel 30:13

“Tatitux akham siwa: Idolonak q'al t'unthapï, Menfis uraqinkir k'ari diosanaksti tukjarakïwa. Egipto markax jan reyiniw uñjasini, uka markarusti axsarañampiw phuqhantarakï.

Ezequiel 30:16

Egipto markarux ninampiw phichkatä, Sin sat markasti walpun t'aqhisini; Tebas markan pirqanakapansti jach'a k'ajllanakaw jist'artani, Menfis markasti urpach katuntataw uñjasini.

Oseas 9:6

Jumanakax t'unjatäñat jaltxapxäta ukaxa; Egiptonkirinakaw katurapxätam, ukatsti Menfis chiqar allintatäpxätawa. Qullqit lurat yänakamasti itapallumpi phuqhantatäniwa, utjäwinakamansti ch'aphinakaw jilantarakini.

Deuteronomio 33:20

Gad ayllurusti sarakïnwa: “¡Diosax jach'añchatäpan, jach'a uraqinak jumar churatapata! ¡Leonar uñtataw katuntañatak suyxattaxa! Jumax suma uraqinak kattaxa, Tatitur taqi kunan jaysatamata, chiqa kankañamp Israel markan uñjatamata” sasa.